Zefanja 1:10 - O Debleskro Lab 2024 (Sinte-Manouche)

¹⁰ Ap ko dives vell i bari gole shounlo, hoy vell kotar, kay o Mačengro Voudar hi. Oun i ropen vell shounlo, hoy vell dran o Nevo Foro. Oun i kourepaskri gole vell i tikne bergendar. Kova penell o baro Devel.

O Debleskro Drom 2021 (Sinte)

¹⁰ Ap ko diwes well i bari gole shunlo, hoi well kotar, kai o Matchengro Wudar hi. Un i ropen well shunlo, hoi well dran o Newo Foro. Un i kurepaskri gole well i tikne bergendar. Kowa penell o baro Dewel.

Zefanja 1:10 Iomraidhean Croise

2. Samuel 5:7

O David las ko zorelo kheer Sion peske dren. Kova hi kanna o Davideskro foro.

2. Samuel 5:9

Yaake djivas o David an kava zorelo kheer oun das les ko lab Davideskro foro. Oun yob kras boudeder khera oun kras o foro bourhleder kotar, kay o Millo his bis mashkral an o foro.

2. Rajengro liil 22:14

Kote djan o rashay Hilkiya, o Ahikam, o Akbor, o Shafan oun o Asaya pash i Debleskri rakepaskretsa Houlda. Koya djivas an o nevo kotar o forestar Yerusalem. Lakro rom his o Shalloum. Leskro dad his o Tikva. Koleskro dad his o Haras. O Shalloum das garda ap o ripyengro kheer. Oun kol morsha rakran lah.

2. Familjakro liil 3:1

Oun o Salomeskre boudepangre kran pen ap i boudi te krenn le o kheer o baro Debleske an o foro Yerusalem ap i berga Moriya, ap i platsa, hoy o Salomeskro dad, o David, vin rodas. Koya his koy djobeskri platsa, hoy o morshes Arauna his. Kova his i Yebousari. Glan i tsiro moukas pes kote o baro Devel o Davidestar te dikell.

2. Familjakro liil 32:22

Oun yaake las o baro Devel o Hiskiya oun kolen kay an o foro Yerusalem djivan dran o vast o baro rayestar dran Assour – leskro lab his Sanherib – oun dran o vast i tsele vavarendar. Oun i menshe nay djivan an o lačepen kolentsa, kay an i themma troul lende djivenn.

2. Familjakro liil 33:14

Oun pal kova moukas lo vin glan o Davideskro foro i bari massouri te krell. Koy massouri djas ap koy rig, kay o kham tele djal, pash o pani Gihon an i tala oun doureder kote, kay o drom pash o Mačengro voudar djal, oun troul ko foreskro kotar, hoy kharell Ofel. Oun yob bičras bare lourden an hako zorelo foro an o them Youda.

2. Familjakro liil 34:22

Kote djas o rashay Hilkiya khetne kolentsa, kolen o baro ray bičras, pash i Debleskri rakepaskretsa, i Houlda. Koya djivas an o nevo kotar o forestar Yerusalem. Lakro rom his o Shalloum. Leskro dad his o Tokhat. Koleskro dad his o Hasra. O Shalloum das garda ap o ripyengro kheer. Oun kol morsha rakran lah.

Nehemia 12:39

oun palle doureder bis pash o Efrayimeskro Voudar, oun palle pash ko Phouro Voudar oun palle doureder pash ko Mačengro Voudar oun doureder bis pash ko turmo, hoy kharell Hananel, oun doureder bis pash ko turmo, hoy kharell Mea, oun doureder bis pash o Bakrengro Voudar. Oun pash ko Stilepaskro Voudar ačan le tardo.

Nehemia 3:3

Oun ko foreskro voudar, hoy kharella Mačengro Voudar čivan i morsha pre, kolengro dad o Senaa his. Yon čivan kol pesse bourhle kashta pre, oun čivan kol douy voudya dren, ninna i kashtengre oun o saster, hoy kol voudya pandella.

Jesaja 59:11

Har pandle divye firhe dah gole i doukatar, oun rovah har i taube. Mare djia nashenn pal ko dives, kay vell menge o Devel ap i rig, oun lell men vin dran i čilače vasta. Yob vell gar, oun či djala.

Jeremia 39:2

An o deesh-te-yekto bersh, kay o Sedekya baro ray his, ap o enyato dives an o starto čon, phagan yon an o foro dren.

Jeremia 4:31

Me shounau i gole, har i djouvyatar, kay lell o ersto kopo i ternepen. Kaya hi koy gole o forestar Sion, kay taprell pal dourho, oun peskre vasta pre hadell, oun gole dell: Me hom nashedo! Kolla venna oun denn man moulo!

Ezekiel 6:13

Palle hi i moulo-dine čiddo mashkral pengre rhorhene deblende, oun troul lengre rhačepangre trouyel ap haki tikni oun bari berga, oun tel hako baro rouk boud patyentsa, oun tel hake vavar zenele rouka, kay mangan le pengre rhorhene deblen an, oun rhačran lenge lačo soungepaskro koova. Oun t'mer dikenn oun hayvenn, te hom me o baro Devel.

Amos 8:3

An ko dives givenn i gipangre an o rayeskro kheer ropaskre gilya. An i tsele gaba oun forya hi moule menshe čiddo. Kolen vitsran le pokones koy. Kova penau me, o baro Devel.

Zefanja 1:15

Kava dives hi i dives, kay o Debleskri rholi pral i menshende vell, i dives pherdi daar oun traash, i dives, kay lauter paash dino oun tele phagedo vell, i dives, kay tamlo vell, oun kali rati vell, i dives, kay kale volke i phoub čakrenna,

Zefanja 1:7

Ma rakrenn či, te venn glan o baro Debleste, maro rayeste! Ko dives vell sik, kay vell o baro Debleskri rholi pral i menshende. Kava dives hi har i marepaskro dives, kay firhen maredo venn o Debleske oun i rhapen kerdo vell. O baro Devel kras ko rhapen oun das menshen khetne gole, te venn le pash o rhapen.