Zakarie 9:3 - O Debleskro Lab 2024 (Sinte-Manouche)

³ I menshe an Tirus kran penge zorele massurya, oun lan yaake boud roup oun sonakay khetne har čik ap o drom hi.

O Debleskro Drom 2021 (Sinte)

³ I menshe an Tirus kran penge sorele massurja, un lan jaake bud rup un sonakai khetne har tchik ap o drom hi.

Zakarie 9:3 Iomraidhean Croise

2. Samuel 24:7

Palle van yon an o zorelo foro Tirus oun an kol tsele forya, kay kol Hivarya oun kol Kanaanitarya djivan, oun ninna an o them Negev an o them Youda bis pash o foro Beersheba.

1. Rajengro liil 10:21

Oun i tsele pipaskre čare o rayestar Salomo his dran sonakay, oun ko tselo koova an o kheer, hoy kharell Libanoneskro veesh, his dran djoudjo sonakay, či his dran roup kerdo. Rup his an i divessa, kay o Salomo o baro ray his, či moldo.

1. Rajengro liil 10:27

Oun o baro ray kras, te his an o foro Yerusalem yaake boud roup har barra. Oun i cedertikre rouka his yaake boud har i divye faygetikre rouka an o telstouno them.

Hiob 22:24

Te hi touke tiro sonakay gar boudeder moldo har čik, tiro lačeder sonakay gar boudeder har kol barra an i tikne panya,

Hiob 27:16

Ninna te las yob peske yaake boud roup khetne har čik, oun boud boud koola an-ripaske,

Hiob 3:15

Voms čiddo mank i pralstunende, kolen sonakay his, oun kolengre khera pherdo roup his.

Jesaja 23:11

O baro Devel hadas peskro vast pral o baro pani vin, oun anas traash pral i tsele rayengre themma. Yob penas zoreles, te venn i zorele barrengre khera an o them Kanaan paash dino.

Jesaja 23:8

Koon penas, te vell kova pral o foro Tirus? Ko foro, hoy yaake zorelo his, te čivas lo raya dren pral vavar themma. Leskre parepangre his har rayengre čave, oun leskre bikepangre his mank i pralstunende ap i tseli phoub.

Ezekiel 26:12

Oun yon randenn tiro bravlepen oun čorenn, hoy touke parepah khetne anal. Tire massurya venn tele phagedo, oun tire shoukar khera paash kerdo. Kol barra oun ko kasht oun čik, hoy pral ačell, venn an o baro pani vitsedo.

Ezekiel 27:27

Tiro bravlepen oun parepaskro koova, halauter hoy tout his, perell an o baro pani. Kol morsha, kay ap o shiffo boudrenn, oun les oulerenn, oun kolla, kay krenn, te djal kek pani dren, tire parepangre, tire lourde, tire boudepangre, kay an toute hi, halauter tassenn an o baro pani. Ap ko dives kay tou djal tele, djan le halauter khetne touha tele.

Ezekiel 27:33

Har tire parepangre pral o baro pani djan, oun an boud themma o bravlepen anan, kral tou koveha, hoy tout o parepaske his i raya ap i phoub braveles.

Ezekiel 27:34

Kanna hal an kotya phagedo, oun an o baro pani tele vitsedo. Oun tiro parepen halauter tele djas. Oun kolla, kay touke boudran, halauter an o pani tassan.

Ezekiel 28:1

Oun o baro Devel penas ap mande:

Amos 1:9

O baro Devel penell: I menshe dran o foro Tirus kran pale te pale djoungelo koova. Yon dan i tsele pandlen an i vasta kolendar dran o them Edom, oun bistran, kay hi i pandle lengre phrala, oun kay phrala hounte rikrenn khetne. Doleske lenn le pengri phagi oun khaytenn man gar.

Josua 19:29

Foun kotar djas o drom bis pash o foro Rama, oun doureder bis pash ko zorelo foro Tirus, palle bis pash o foro Hosa oun doureder bis pash o Baro Pani. An o them Asser his i forya Mahaleb, Aksib,