Zakarie 9:2 - O Debleskro Lab 2024 (Sinte-Manouche)

² Yob lell o them Hamat an i yak, hoy hi čiddo ap i rig o forestar Damaskus. Ninna lell lo i forya Tirus oun Sidon an i yak, kay i menshe yaake gosevo hi.

O Debleskro Drom 2021 (Sinte)

² Job lell o them Hamat an i jak, hoi hi tchiddo ap i rig o forestar Damaskus. Ninna lell lo i forja Tirus un Sidon an i jak, kai i menshe jaake gosewo hi.

Zakarie 9:2 Iomraidhean Croise

1. Rajengro liil 17:9

“Kre tout ap o drom oun dja an o foro Zarpat, ko hi pash Sidon čiddo, oun ač kote! Me penom kote i djouvyake, kolakro rom meras, te dell li tout rhapen oun pipen.”

2. Rajengro liil 23:33

O Farao Neko čivas les stildes an o foro Ribla an o them Hamat, te ačell lo bouder gar baro ray an o foro Yerusalem. Oun yob čivas i siyaan ap o them: 70 (efta-deesh) centnarya roup oun 35 (triyanda te panč) kilogramme sonakay.

2. Rajengro liil 25:21

Oun o baro ray pral o them Babilonia moukas len temerl te dell an o foro Ribla an ko kotar them, hoy kharell Hamat. Yaake van i menshe dran o them Youda krik anlo dran pengro them.

Jeremia 25:22

i bare raya an i forya Tirus oun Sidon; i bare raya an i themma vergel o baro pani;

Jeremia 47:4

Ko dives vas, kay nashrenn i tsele Filistarya pengro djipen. Kek ačell djido, kay nay vals kol foryenge Tirus oun Sidon ap i rig. O baro Devel marell kol Filistaryen, kolla kay ačan kolendar pral, kay van dran ko panyeskro them Kreta.

Jeremia 49:23

Laba pral o foro Damaskus. I menshe an i forya Hamat oun Arpad shounan čilačo koova. Yon lan bari daar oun djinenn gar, hoy te krenn. I traash vell pral lende har o baro pani, hoy gar tardo ačell.

Ezekiel 27:1

Oun o baro Devel penas ap mande:

Ezekiel 28:1

Oun o baro Devel penas ap mande:

Ezekiel 28:12

Tou, mensho, gib i ropaskri gili pral o baro rayeste o forestar Tirus, oun pen leske: Kava penell o baro Devel, maro ray: Ap toute vas diklo, har yek hi, koleske lauter mishto djas. Baro gosvepen his tout oun hals yaake shoukar, te djals gar shoukeder.

Ezekiel 47:16

oun doureder bis pash i forya Berota oun Sibrayim, hoy kote čiddo hi, kay o them troul Damaskus khetne vell ko themeha troul Hamat. Foun kotar djal o them Israel doureder bis pash o foro Hazar-Enan, hoy pash o them čiddo hi, hoy troul i berga Hauran hi.

Amos 1:3

O baro Devel penell: I menshe an o foro Damaskus kran pale te pale djoungelo koova. Baro čilačo koova kran le ap i menshende an Gilead. Doleske lenn le pengri phagi, oun khaytenn man gar.

Amos 6:14

“Doleske”, penell o baro Devel, ko ray pral o bolepen oun i phoub, “bičrau i natsyona, hoy djal ap t'mende, kay han dran o kheer Israel. Kolla menshe lenn t'maro them dren foun Lebo-Hamat bis pash o lengsto pani an o telstouno them.”

Obadja 1:20

Oun kolla, kay pandles krik anlo van dran Israel, yon lenn o them Kanaan dren bis pash o foro Zarpat. Oun kolla, kay dran o foro Yerusalem pandles an o foro Sefarad anlo van, yon lenn kol forya penge, kay an o them Youda kote hi, kay o kham pralstounes tardo hi.

4. Mose 13:21

Oun yon djan koy, oun dikan, har ko them hi an o moulo tato them Tsin oun doureder pre, o tselo drom bis pash o foro Rehob pash Lebo-Hamat.