Zakarie 7:9 - O Debleskro Lab 2024 (Sinte-Manouche)

⁹ Me, o baro Devel, ko ray pral o bolepen oun i phoub, penom glan boud bersha mire menshenge: “T'mer hounte denn yak, te vell o čačepen kerdo. Oun hakeno hounte krell peskro dji pre peskro phraleske oun vell leske lačes.

O Debleskro Drom 2021 (Sinte)

⁹ Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

Zakarie 7:9 Iomraidhean Croise

2. Samuel 9:7

Oun o David penas ap leste: “Ma traash! Me kamau lačepen ap toute te krell. Kova krau tiro dadeske Yonatan. Ko tselo bravlepen tiro papestar Saul kamau touke pale te dell. Oun tou nay rhah hako dives ap miri rhapaskri.”

Hiob 31:20

dom me leste koola kerdo dran i balla mire bakrendar, te vas leske tato. Oun yob parkras pes pash mande o tselo djiyestar.

Hiob 6:14

Kones kek dji hi peskro maleske, koles hi gar o zorelo Devel glan i yaka pash kova, hoy lo krell.

Gosewe laba 21:3

Te djah o čačo drom oun djiveh pal o Debleskro čačepen, hi kova o baro Debleske boudeder moldo har te anals leske firhen.

Jeremia 21:12

T'mer dran o Davideskri familya! Kova penell o baro Devel: Hako dives, te rakrenn o čačepen vin, denn yak, te lell hakeno peskro čačepen! Oun lenn kolen, kay van tele rikedo, dran kol čilačengre vasta vin! Te krenn kova gar, vell miri rholi pral t'mende, har i yag, kay nay krell kek vin. T'mer kran yaake boud čilačepen!

Jeremia 22:3

Kova penell o baro Devel: Krenn hakeneske, hoy mishto oun čačo hi! Oun lenn kolen, kay van vi-čoredo dran kol čilačengre vasta vin! Oun lenn či krik kol menshendar, kay hi vi-themarya pash t'mende, vitar gar kol čavendar, kolen kek dad bouder hi, oun kol romyendar, kolengro rom meras. Ma djan zoryah ap yekeste pre! Ma bičrenn kolen an o merepen, kay kek doosh ap lende lan.

Jeremia 7:23

Me penom lenge: Shounenn ap miro lab, palle kamau me t'maro Devel te vell, oun t'mer han mire menshe. Djan ap ko drom, kay me t'menge penom, palle djal t'menge mishto.

Jeremia 7:5

Moukenn t'maro phouro drom oun t'maro phouro djipen, oun avenn lačo ap hakeneste!

Ezekiel 18:8

Te patsas lo love vin, lell lo peske gar boudeder love pale. Yob rikrell peskro vast pale, te krell lo kek čilačepen. Oun an i čingepen dell lo yak, te lell hakeno peskro čačepen.

Ezekiel 45:9

Kava penell o baro Devel, maro ray: Kanna hi doha! T'mer raya pral o Israel, herenn pre, te rikrenn i menshen i zoryah tele! Doukrenn len bouder gar! Krenn, hoy mishto oun čačo hi! Moukenn tele, te tradenn mire menshen dran pengre khera vin! Kava penell o baro Devel, maro ray.

Hosea 12:7

T'mer Israelitarya, avenn pale pash t'maro Debleste! Krenn, hoy lačo oun čačo hi! Hako tsiro rikrenn t'men ap t'maro Debleste!

3. Mose 19:15

Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

Amos 5:24

Krenn lauter, te vell hakeneske peskro čačepen! Moukenn o čačepen te nashell an o tselo them har i lengsto pani, hoy les hako tsiro pani hi.

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Zakarie 7:7

Kava hi kova, hoy o baro Devel moukas te penell dran o mouy leskre rakepangre, kay glan mande koy his, har o foro Yerusalem bravelo his, oun boud menshe kote djivan, ninna an i forya trouyel oun an ko moulo them, hoy kharell Negev, oun an o telstouno them.

Zakarie 7:8

Kava lab penas o baro Devel ap o Zakarie:

Mateo 23:23

T'mer čačepangre oun Farisarya! Kova, hoy t'mer krenna, ko hi gar mishto! T'maro patsepen hi rhorhepen. T'mer denna o Debleste o deshto kotar dran hako zenlepen an t'mari baar. Oun t'mer bistrenn ko bareder koova, hoy o Devel t'mendar kamella: O čačepen, oun o kamlepen, oun o patsepen. Kava hounte krenn, oun ko vavar gar moukenn!

Louka 11:42

T'mer Farisarya, hoy t'mer krenna, ko hi gar mishto. T'mer denna o Debleske o deshto kotar t'maro tselo zenlepastar, hoy an t'mari baar hi, oun t'mer bistrenn o čačepen oun o Debleskro kamlepen. Kava hounte krenn, oun ko vavar moukenn gar!

Johanni 7:24

T'mer te penenn, kay i mensho i doosh ap peste anas, palle djan pal o čačepen oun gar pal kova, hoy dikenn t'mare yakentsa!”

Johanni 7:51

“Pal maro čačepen nay dah kekes i phagi, te shounam gar lestar, hoy yob rakrell pral kova vin. Mer dah ninna kekes i phagi, te djinah gar, hoy yob kras.”

5. Mose 22:1

Te nashrell pes i groumni oder i bakro, hoy i vavar Israelitares hi, oun tou dikeh les, palle vess leske ap i rig oun aness les tiro phraleske pale.