Zakarie 5:3 - O Debleskro Lab 2024 (Sinte-Manouche)

³ Oun yob penas ap mande: “Kova hi o praasepen, hoy djal vin pral o tselo them Youda. Kava liil penell: Hakeno, kay rhorhell, vell vin tradedo dran o them. Ninna hakeno, kay dell i rhorheno sovel, vell krik lino.

O Debleskro Drom 2021 (Sinte)

³ Un job penas ap mande: “Kowa hi o praassepen, hoi djal win pral o tselo them Juda. Kau liil penell: Hakeno, kai chochell, well win tradedo dran o them. Ninna hakeno, kai dell i chocheno sowel, well krik lino.

Zakarie 5:3 Iomraidhean Croise

2. Mose 20:15

Ma čore!

Gosewe laba 29:24

Kova, kay djal khetne yekeha, kay čorell, činell pes an peskro mass: yob djinell, o praasepen hounte vals ap leste, te penell lo či. Oun yob kamell či te penell.

Gosewe laba 3:33

O baro Devel čivell i bibarht ap o kheer i čilačendar, oun barht ap o kheer kolendar, kay an o čačepen tardo hi.

Gosewe laba 30:9

Te vals man boudeder har man hounte vell, nay penaus: “Koon hi o baro Devel?” Oun te vals man gar doha, nay čoraus oun anaus ladj ap miro Debleste.

Jesaja 24:6

Doleske rhal i bibarht i tseli phoub pre. Oun kolla, kay koy djivenn, lenn pengri phagi. Boud oun boudeder merenn. Oun gar boud ačenn djido.

Jesaja 43:28

Doleske čivom tire rashayen pale. Oun moukom menshen dran vavar themma pral toute vell, te vess paash dino, Yakob. Oun krom, te van t'mer Israelitarya praasedo.

Jesaja 48:1

Shounenn, t'mer dran o kheer Yakob, t'mer, kay venn o labeha Israel gole dino, oun venn dran o kheer Youda. T'mer denn t'men sovel pash o baro Debleste, oun penenn, te mangenn o Israeleskro Debles an. An o čačepen oun i djoudjo djiyeha krenn t'mer kova gar.

Jeremia 23:10

O tselo them hi pherdo kolentsa, kay moukan o baro Debles. Doleske hi i praasepen ap o them čiddo: Kek brishin dell, oun o zenlepen merell tele. Či har čilačepen hi an lengro shero, oun an o rhorhepen hi le zorelo.

Jeremia 26:6

palle krau kava khereha har ko khereha an Shilo. Oun me krau, te penenn i vavar menshe, te kamenn le yekes te praasell: Mou djal touke har o foreske Yerusalem!

Jeremia 5:2

Ninna te denn yon pen sovel pash o djido Debleste, hi kova rhorhepen.

Jeremia 7:9

T'mer han čorepangre oun marepangre, kay denn vavaren moulo, t'mer morsha rhorhenn t'mare romyen vavar djouvyentsa, t'mer djouvya, rhorhenn t'mare romen, vavar morshentsa, t'mer denn t'men sovel oun rikrenn koya gar dren, t'mer rhačrenn firhen o rhorheno debleske Baal oun nashenn pal vavar deblende.

Ezekiel 2:9

Oun me dikom i vast, hoy his vin rikedo ap mande. Oun an ko vast his i liil, hoy khetne lino his.

Daniel 9:11

Oun o tselo Israel djas tiro dromestar tele, oun kras, hoy yob kamas, oun shounas gar ap toute. Oun yaake vas koy tseli bibarht pral mende, hoy činlo hi an o liil o Mosestar, koles tiro čačo vast his. Mer kram čilačepen ap toute. Doleske vas kay bibarht yaake pral mende, har tou tout sovel dal.

Hosea 4:2

Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

3. Mose 19:11

Ma čorenn! Ma rakrenn rhorhepen! Ma krenn rhorheno koova yek o vavareske!

3. Mose 19:12

Ma denn t'men i rhorheno sovel pash miro lab! Sau koveha anenn t'mer ladj ap miro lab. Me, o baro Devel, hom t'maro Devel.

Amos 3:10

Yon dikenn gar ap o čačepen, penell o baro Devel. Yon lenn penge bravlepen khetne an pengre khera, hoy čoran le oun lan le zoryah i vavarendar krik.

Zakarie 5:4

O baro Devel, ko ray pral o bolepen oun i phoub, penell, ko praasepen te vell pral o čorepaskro kheer oun an o kheer kolestar, kay dell pes i rhorheno sovel an o lab o baro Deblestar. Ko liil ačell an lengre khera, oun rhal len pre, ninna lengro kasht oun lengre barra.”

Zakarie 8:17

Kek te lell pes čilačepen glan, te anell lo ap o vavareste. Ma denn t'men i rhorheni sovel! Kova lauter hi djoungeles an mire yaka”, penell o baro Devel.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Louka 21:35

Djinenn! Ko dives vell pral lauterende, kay djivenna ap i phoub.

Efesarja 4:28

Koon čoras an peskro phouro djipen, kova čorell bouder gar! Yob hounte boudrell peskre vastentsa, te vell les doha djipaske, oun te nay dell lo ninna i čorvelen čomone.

1. Timoteo 1:9

Mer djinah, o Moseskre laba van gar činlo kolenge, kay pal o čačepen djivenna. Kol laba van činlo kolenge, kay gar pal o čačepen djivenna, oun kay gar ap o Debleste shounenna. Kol laba van činlo kolenge, kay gar ap o Debleste patsenna, oun krenna, hoy yob gar kamella. Kol laba van činlo kolenge, kay lengro dji djoungelo hi, oun kolenge, kay praasenn o Debles. Kol laba van činlo kolenge, kay marenn o dades oun i da, oun ninna vavar menshen.

Jakobo 5:12

Mire phrala, ma denn t'men sovel, gar ap o bolepen, vitar gar ap i phoub oun vitar gar ap vavar koova. Te penenn t'mer: “Ava,” yaake hounte vell kova ninna ava. Oun te penenn t'mer: “Na-a,” yaake hounte vell kova ninna na-a, te lenn kek phagi o Deblestar.

Jakobo 5:4

Shounenn! T'mer rhorhran t'mare boudepangren, kay boudran ap t'maro them, oun dan len kek love. Kolla denn gole ap o bolepen. Lengri gole shounell o Devel, ko ray pral o bolepen oun i phoub.

Josua 9:20

oun kamah maro sovel, hoy dam, te rikrell, oun moukah len te djivell, te vell gar i rholi o Deblestar pral mende. Kova kamah lentsa te krell:

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Debleskro tsiro 22:15

Vin hi kolla, kay moukan o Debleskro drom, kolla, kay kran bengeskro koova, kolla, kay loubran trouyel, kolla, kay maran vavaren, kolla, kay mangan vavar koova an har o Debles, oun hakeno, kay kamell oun krell o rhorhepen.