Zakarie 4:2 - O Debleskro Lab 2024 (Sinte-Manouche)

² oun penas ap mande: “Hoy dikeh?” Me penom: “Me dikau i momelengri kerdi dran sonakay. Ap late hi i čaro. Koy pre hi efta momlia, hakeni i mouyeha.

O Debleskro Drom 2021 (Sinte)

² un penas ap mande: “Hoi dikeh?” Me penom: “Me dikau i momelengri kerdi dran sonakai. Ap late hi i tcharo. Koi pre hi efta momlia, hakeni i mujeha.

Zakarie 4:2 Iomraidhean Croise

1. Familjakro liil 28:15

oun har pharo hake sonakangre momelengre oun lengre momlia hounte venn, ninna har pharo hake roupene momelengre oun lengre momlia hounte venn. Kol momelengre his gar emligo baro.

2. Familjakro liil 13:11

Haki taysarla oun haki rat rhačrenn le firhen o baro Debleske, oun koy pashel lačo soungepaskro koova, oun čivenn leske mare ap i rhapaskri dran djoudjo sonakay. Oun haki rati rhačenn le i momlia an ap koy sonakaskri momelengri. Yaake rikrah men ap o baro Debleskre laba. Maro Devel hi lo, koles t'mer moukan.

2. Familjakro liil 4:7

Oun yob kras deesh sonakangre momelengre yaake, har leske penlo vas, oun čivas len an o Debleskro baro kheer, panč ap i čači rig oun panč ap i servi rig.

Sikepaskro 12:6

Maro djipen hi har i roupeni verkli, hoy perell an kotya, har i sonakaskro čaro, hoy phagell, har o khoro, hoy djal an kotya pash i brounna, oun har o shello, hoy djal paash, te tserdeh pani dran i brounna pre.

Jeremia 24:3

Oun o baro Devel poučas mandar: “Yeremia, hoy dikeh?” Me penom: “Dikau fayge: lače fayge, hoy hi baro oun shoukar, ninna djoungele fayge, hoy hi yaake djoungele, kay nay rhal len kek.”

Jeremia 52:19

Ninna kova, hoy dran sonakay oun roup kerdo his, las ko pralstouno, o Nebouzaradan, peha: khore, čare, an kolende o soungepaskro koova rhačedo vell, bare čare, pirya, momelengre, roya oun tikne čare.

Amos 7:8

Oun o baro Devel poučas mandar: “Hoy dikeh, Amos?” Me penom: “I dori, kay i blayo pre-pandlo hi.” Koy penas lo: “Dik, me čivau i dori, kay i blayo pre-pandlo hi, mank mire menshende Israel, te sikrap, kay hi le har i bangi massouri. Yon khaytenn man kanna bouder gar.

Zakarie 5:2

Oun o bolepaskro poučas mandar: “Hoy dikeh?” Me penom: “I liil, hoy djal an i loufta. Ko liil hi enya metarya lengsto oun star-te-paash metarya bourhlo.”

Debleskro tsiro 1:12

Oun me rissrom man trouyel, te dikap koles, kay ap mande rakras. Oun har rissrom man trouyel, dikom efta sonakangre momlia.

Debleskro tsiro 1:20

Me kamau te hayvess, hoy kol efta bolepangre momlia hi, hoy tou an miro čačo vast dikal. Te hayvess ninna, hoy kol sonakangre momlia hi! Kol efta bolepangre momlia hi o Debleskre boudepangre, kay denn yak ap i patslende, kay an i efta forya khetne venna. Oun i efta sonakangre momlia hi i patsle, kay venna khetne an i efta forya.”

Debleskro tsiro 4:5

Oun kotar, kay ko rayeskro beshepaskro hi, das yag karye pral oun tele, oun vas i bari gole vin, har koy gole, hoy o bolepen krella, te dell baro brishin oun te djal yag tele ap i phoub. Oun glan o rayeskro beshepaskro rhačan efta yaga. Kol efta yaga hi o Debleskro Dourho.