Zakarie 4:12 - O Debleskro Lab 2024 (Sinte-Manouche)

¹² Hadell pes čomone bares har i berga glan toute, Zorobabel? Kova hounte perella an peste khetne. Tou čiveh miro kheer pale pre. Oun ap ko tsiro, kay čiveh o pralstouno bar pre, denn i menshe gole: Shoukar, kova hi shoukar!

O Debleskro Drom 2021 (Sinte)

¹² Hadell pes tchomone bares har i berga glan tute, Serubbabel? Kowa hunte perella an peste khetne. Tu tchiweh miro kheer pale pre. Un ap ko tsiro, kai tchiweh o pralstuno bar pre, denn i menshe gole: Shukar, kowa hi shukar!

Zakarie 4:12 Iomraidhean Croise

Haggai 1:1

An o douyto bersh, har o Darius o baro ray his, ap o ersto dives an o shobto čon, penas o baro Devel laba ap peskro rakepaskro, o Haggay, te penell yob kal laba doureder ap o Zorobabel, koleskro dad o Shealtiel his, oun ap o Yeshoua, koleskro dad o Yozadak his. O Zorobabel his o pralstouno pral o them Youda, oun o Yeshoua his o baro rashay.

Zakarie 4:11

Oun o bolepaskro rakras pale ap mande oun penas: O baro Devel penell ap o Zorobabel: Kova, hoy kameh te krell, nay kreh gar lourdentsa, vitar gar dran tiri zoor. Kova krell miro dourho. Kova penell o baro Devel, ko ray pral o bolepen oun i phoub.

Zakarie 4:13

Oun o baro Devel penas mange: O Zorobabel čivas i telstoune barra miro kherestar yek ap o vavar. Oun leskre vastentsa čivell lo i pralstoune barra pre, te vell o kheer kerdo. Ap ko tsiro, kay vell kava lab čačo, dikenn t'mer: Kova hi o baro Devel, ko ray pral o bolepen oun i phoub, kay bičras man pash t'mende.

Mateo 20:23

“Hi čačo,” penas lo, “t'mer hounte lenna boud douka ap t'mende, yaake har me hounte lap len ap mande. Ninna te hi yaake, nay penau t'menge gar, koon beshell ap miri čači rig oun ap miri servi rig. Kova hi gar an miro vast. Miro dad an o bolepen rodas kolen vin, kay ap miri rig beshenna.”

Debleskro tsiro 11:4

Kolla douy morsha hi kol douy djeteskre rouka oun kol douy momlia, hoy hi tardo glan o Debleste, kay hi o ray pral kay phoub.