Zakarie 3:9 - O Debleskro Lab 2024 (Sinte-Manouche)

⁹ Dikenn ko yek bar, hoy čivom glan o Yeshoua, ap leste hi efta yaka. Oun me činau laba an ko bar, penell o baro Devel, ko ray pral o bolepen oun i phoub. Me lau i doosh ko themestar krik ap yek dives.

O Debleskro Drom 2021 (Sinte)

⁹ Dikenn ko jek bar, hoi tchiwom glan o Jeshua, ap leste hi efta jaka. Un me tchinau laba an ko bar, penell o baro Dewel, ko rai pral o bolepen un i phub. Me lau i doosh ko themestar krik ap jek diwes.

Zakarie 3:9 Iomraidhean Croise

1. Rajengro liil 1:20

Kanna dikenn i tsele Israelitarya ap toute, miro baro ray, te peness lenge, koon pal toute o baro ray vell.

2. Familjakro liil 16:9

O baro Debleskre yaka dikenn an i tsele themma, te dell lo zoor kolenge, kay rikrenn pen pengro tselo djiyeha ap leste. Tou rikral tout dineles an kava koova. Doleske vell foun kava tsiro kourepen pral toute.”

Debleskri gili 103:12

Koy rig, kay o kham pre djal, hi dour krik kolatar, kay lo tele djal. Yaake dour har kay yek rig hi koy vavaratar, yaake dour čivas yob mari doosh mendar krik.

Debleskri gili 118:22

Ko bar, hoy i boudepangre ap i rig vitsran, kova vas ko zorelo bar, ap koleste o kheer tardo hi.

2. Mose 28:11

Mouk koy boudi yekestar te krell, hoy hayvell mishto laba an bar te činell. Oun kol barra venn čiddo an sonakangre goustria.

2. Mose 28:21

Oun čin an lende i laba o Israeleskre čavendar, kolendar i deesh-te-douy bare familye venn. Čin an hako bar yek lab.

2. Mose 28:36

An i tikno kotar lačo sonakay čin kol laba: “Kova hi o baro Debleske”, oun pande ko kotar sonakay ap i dori dran blaueto kouč bakrengro bal glan ap o shereskro pandepen.

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Jeremia 50:20

An ko tsiro oun an kol divessa vell koy doosh rodedo, hoy o Israel oun o Youda ap pende anan. Oun kote vell kek doosh hatslo. Me lau lat kolendar krik, kay moukom pral ačell. Kova penau me, o baro Devel.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Zakarie 3:4

Oun o bolepaskro penas ap kolende, kay glan leste tardo hi: “Lenn kol čikle koola lestar!” Oun ap o Yeshoua penas lo: “Me lom tiri doosh toutar, oun moukau touke neve koola te rivell.”

Zakarie 4:10

Yob penas: “Kolla hi kol douy vi-rodede morsha, kolen o ray pral i tseli phoub o djeteha dren makas, te krenn le leskri boudi.”

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Bičepangre 4:11

Kova hi ko bar, kay t'mer ap i rig vitsran. Kova vas i bar, kay hidjrell o tselo kheer.

Remarja 9:33

An o Debleskro lab hi činlo: Dikenn, me čivau i baro bar an o foro Sion. Pral koleste perenn le, oun ap koleste rhoyrenn le pen. Oun kova, kay ap leste patsella, kova hounte ladjell pes gar glan mande.

2. Korintarja 1:22

oun das men peskro Dourho. Ko Dourho, hoy an mende hi, sikrell men, kay ham leskro. Doleske djinah, yob dell men gomme boud bareder lačo koova an ko tsiro, hoy vella.

2. Korintarja 3:3

Dran mari boudi van t'mer pash o Yezous Kristeste. Oun kanna han har i liil, hoy vella o Yezous Kristestar. Kava liil činas o Dourho o djido Deblestar, oun kek mensho. Kava liil vas gar činlo ap i barra. Na-a. Kava liil vas činlo an i menshengre djia, an t'mare djia.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Hebrearja 7:27

Yob hi gar har kol vavar bare rashaya, oun hounte anell gar hako dives i maredo firhes o Debleske, te vell peskri doosh krik lino. Ninna hounte anell lo gar i vavar menshenge marede firhen o Debleske, te vell lengri doosh krik lino. Na-a, yob kokres das peskro djipen an o merepen yek kopo hako tsireske.

1. Johanni 2:2

Yob kokres las mari doosh mendar, oun las lat ap peste, har yob menge ap o troushel meras. Gar mari doosh kokres las lo ap peste. Na-a, yob las ninna i doosh i tsele menshendar ap kay phoub ap peste.

Debleskro tsiro 5:6

Oun me dikom i terno bakres pash o rayeskro beshepaskro, hoy vi-dikas, har vals lo maredo. Kova hi tardo mashkral kol star zorele bolepangre oun kol čačepangre phourende. Les hi efta shinga oun efta yaka. Kol efta yaka hi o Debleskro Dourho, hoy pral i tseli phoub vin bičedo vas.