Zakarie 3:7 - O Debleskro Lab 2024 (Sinte-Manouche)

⁷ Kova penell o baro Devel, ko ray pral o bolepen oun i phoub: Te djah tou ap mire dromma, oun kreh koy boudi mishto, hoy dom toute, palle vess o pralstouno pral miro kheer oun kol glanstoune platse. Oun tou nay veh glan mande khetne kolentsa, kay kate tardo hi.

O Debleskro Drom 2021 (Sinte)

⁷ Kowa penell o baro Dewel, ko rai pral o bolepen un i phub: Te djah tu ap mire dromma, un kreh koi budi mishto, hoi dom tute, palle wess o pralstuno pral miro kheer un kol glanstune platse. Un tu nai weh glan mande khetne kolentsa, kai kate tardo hi.

Zakarie 3:7 Iomraidhean Croise

1. Rajengro liil 2:3

Djib tiro djipen glan tiro baro Debleste! Dja ap leskre dromma! Kre, hoy o Devel toutar kamell, oun rike tout ap leskre laba oun ap leskro čačepen! Djib yaake, har yob mende sikras an o Moseskre lila. Palle djal touke halauter mishto, hoy kreh, oun kay tou ninna djah.

1. Rajengro liil 3:14

Oun te djah tou an mire dromma, yaake har tiro dad, o David, oun rikreh mire laba oun kreh, hoy toutar kamau, palle kamau me touke i lengsto djipen te dell.”

1. Familjakro liil 23:32

Yaake hounte krenn yon pengri boudi an o baro Debleskro plarhteno kheer, oun pal i tsiro an leskro baro kheer, hoy kerdo vell, oun hounte venn i rashayenge ap i rig pash lengri boudi an o baro Debleskro kheer. I rashaya hi lengre phrala dran o kheer Aron.

Jesaja 62:9

Ava, kolla, kay o djob dren anan, kolla rhan les ninna oun sharenn o baro Debles. Oun kolla, kay i drake dren anan, kolla piyenn ninna i mool lendar ap i platse glan miro kheer.

Ezekiel 44:8

T'mer kokres kran gar koy boudi an miro kheer. Na-a, t'mer lan vavar morshen, te krenn le t'menge koy boudi an miro kheer.

Ezekiel 48:11

Kava kotar hi kol rashayenge, kay venn pal o Zadok. Yon hi mange koy, oun boudran mange, oun peran gar mandar tele, har i Levitarya khetne i Israelentsa mandar tele peran.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

3. Mose 8:35

Efta divessa oun ratsya hounte ačenn t'mer glan o voudar o baro Debleskro plarhteno kherestar. Krenn, hoy yob penas, te merenn gar! Yaake penas lo kova mange.

Zakarie 3:6

Oun o bolepaskro das peskro vast koy pre, har penas lo:

Zakarie 4:14

Koon dikas o ropah tele ap o tikno koova, kova dikell barhteles ap o pralstouno bar, har hidjrell les o Zorobabel an peskro vast.

Zakarie 6:15

Dran dour themma venna kolla, kay krenn o baro Debleskro kheer. Oun palle dikenn t'mer, kay o baro Devel, ko ray pral o bolepen oun i phoub, kova hi, kay bičras man pash t'mende. Te krenn t'mer kova, hoy t'maro baro Devel t'menge penell, vella kova halauter yaake.

Zakarie 6:5

Oun o bolepaskro penas: “Kolla hi kol star dourhe tel o bolepen, kolla his tardo glan o rayeste pral i tseli phoub, oun venn kanna vin.”

Mateo 19:28

Penas o Yezous ap lende: “Čačepah, me penau t'menge: Ko tsiro vella, kay o Devel lauter neves krella. Ap ko tsiro hi o Mensheskro Čavo o ray pral lauterende, oun yob hi beshdo ap peskro rayeskro beshepaskro. Oun t'mer, kay mantsa djana, t'mer venn ninna raya, oun han beshdo ap deesh-te-douy rayeskre beshepangre, oun rakrenn o čačepen vin pral i tsele menshende, kay venna i deesh-te-douy Israeleskre čavendar.

Louka 22:30

Oun t'mer rhana oun piyenna mantsa kote, kay me o baro ray hom, oun han beshdo ap rayeskre beshepangre, oun penenn o čačepen vin pral i tsele menshende, kay venna o deesh-te-douy Israeleskre čavendar.”

Johanni 14:2

An miro dadeskro kheer hi boud iseme. Te vals kova gar yaake, penoms me kova gar. Me djau koy oun dikau, te venn kol iseme t'menge kerdo.

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.