Zakarie 3:2 - O Debleskro Lab 2024 (Sinte-Manouche)

² Oun o bolepaskro o baro Deblestar penas ap o bengeste: “O baro Devel te čingrell ap toute, tou beng! O baro Devel, kay rodas o Yerusalem vin, mou čingrell ap toute! Kava morsh hi har i kasht, vin tserdedo dran i yag.”

O Debleskro Drom 2021 (Sinte)

² Un o bolepaskro o baro Deblestar penas ap o bengeste: “O baro Dewel te tchingrell ap tute, tu beng! O baro Dewel, kai rodas o Jerusalem win, mu tchingrell ap tute! Kau mursh hi har i kasht, win tserdedo dran i jag.”

Zakarie 3:2 Iomraidhean Croise

2. Familjakro liil 6:5

Ko tselo tsiro, har mire menshen Israel dran o them Egiptia vin anom, rodom me kek foro vin an o tselo them Israel, te krenn le mange kote i kheer, kay vap sharedo. Oun rodom mange vitar kek morshes vin, te vell lo ray pral mire menshende Israel.

2. Familjakro liil 6:6

Kanna rodom mange Yerusalem vin, te vap kote an-mangedo. Oun me rodom mange o Davides vin, te vell yob o ray pral mire menshende Israel.

Debleskri gili 109:31

Yob vell o čorveleske ap i rig, oun lell les vin dran i vasta kolendar, kay penenn: “Yob hounte vell maredo.”

Jesaja 7:4

Oun pen ap leste: “De yak! Ač pokones! Ab zorelo oun ma traash glan kol douyende, o Rezin, ko Syrari, oun o Peka, koleskro dad o Remalya hi. Ninna te hi le rhoyedo, hi le či vavar har tele rhačedo kasht, kay gomme yagakro dourho pre djal.

Daniel 12:1

Oun an ko tsiro stell o bolepaskro Mikael pre, kova, kay ap i rig tire menshendar hi. Ko tsiro hi yaake pharo, har das kek vavar glan kova, yaake rah har menshe koy hi. Oun an ko tsiro venn tire menshe vi-lino dran i bari bibarht, lauter kolla, kay an o Debleskro liil dren činlo hi.

Amos 4:11

His save forya pash t'mende, kay krom yaake paash, har krom i forya Sodom oun Gomorra paash. Oun t'mer hans har i kotar kasht, hoy vas vin tserdedo dran i yag. Ninna palle van t'mer gar pale pash mande, penell o baro Devel.

Zakarie 1:17

De pale gole: Kova penell o baro Devel, ko ray pral o bolepen oun i phoub: “An mire forya vell pale boudeder har doha lačepen. Oun o baro Devel rakrell pale lače laba ap i menshende ap i berga Sion. Oun o foro Yerusalem vell pale leskro vi-rodedo foro.”

Zakarie 2:12

O baro Devel, ko ray pral o bolepen oun i phoub, kova, kay bičras man, yob penell pral i menshende an kol vavar themma, kay čoran t'men vin: “Hakeno kay doukrell t'men, doukrell kova, hoy hi mange yaake kouč har miro yak.

Markus 1:25

Oun o Yezous das les trad oun penas ap leste: “Ma rake oun dja dran leste vin!”

Markus 9:25

Oun o Yezous dikas, kay nashan boud menshe pash leste khetne. Koy das lo ko benges trad, oun penas ap leste: “Tou beng, kay rakreh oun shouneh nashte gar, me penau touke: Dja vin lestar, oun dja bouder gar an leste dren!”

Louka 22:32

Me mangom touke pash mo Debleste, te djas tou gar o Debleskro dromestar tele. Oun te djah tou pale ap o čačo drom, kre tire phralen zoreles an o patsepen!”

Louka 4:35

Oun o Yezous das les trad, oun penas zoreles ap leste: “Ma rake oun dja dran leste vin!” Oun ko beng, kay an ko morsheste hi, vitsras ko morshes mashkral i menshende ap i phoub, djas dran leste vin, oun doukras les gar.

Louka 9:42

Har o čavo vas, vitsras ko beng o čaves ap i phoub, oun tserdas les yek rigyatar ap i vavar. Koy das o Yezous ko benges trad, oun kras o čaves sasto, oun das les peskro dadeste pale.

Johanni 13:18

Kova penau me gar t'mendar halauterendar. Me djinau, kones me vin rodom. Kova hounte vell yaake, har an o Debleskro lab tardo hi: Kova, kay rhal kanna o maro mantsa, dell i ladini ap mande.

Remarja 16:20

O Devel, kay dell t'men peskri barht an o dji, krell o bengeskri zoor paash. Oun ko tsiro vell sik. O lačepen maro rayestar, o Yezous Kristestar, djal t'mentsa!

Remarja 8:33

Kek nay anell i doosh ap kolende, kolen o Devel peske vin rodas. O Devel čivas len an o čačepen.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Judas 1:23

Vavar nashran pen. Kolen anenn ap o čačo drom! Kova hi yaake har te tserdans len dran i yag vin. Vavar djivenn i djoungelo djipen. Rakrenn ninna kolenge lačes an o dji! Oun denn garda, te krenn gar kova, hoy yon krenna. Lengro djipen hi har i čiklo ripen ap lende.

Judas 1:9

O Debleskro baro bolepaskro, leskro lab hi Mikael, las peske gar vin, te praasell lo o benges, har yob čingras pes o bengeha, koon lendar lals o moulo Moses. Yob penas leske kokres: “O Devel, maro ray, dell tout i phagi!”

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”