Zakarie 3:1 - O Debleskro Lab 2024 (Sinte-Manouche)

¹ Oun o baro Devel moukas man te dikell o baro rashayes Yeshoua. Kova his tardo glan o bolepaskro o baro Deblestar. Oun ap leskri čači rig his o beng tardo, te čivell lo i doosh ap o Yeshoua.

O Debleskro Drom 2021 (Sinte)

¹ Un o baro Dewel mukas man te dikell o baro rashajes Jeshua. Kowa his tardo glan o bolepaskro o baro Deblestar. Un ap leskri tchatchi rig his o beng tardo, te tchiwell lo i doosh ap o Jeshua.

Zakarie 3:1 Iomraidhean Croise

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

1. Familjakro liil 21:1

Oun o beng kamas čilačepen te krell ap i menshende Israel. Yaake das lo o Davideske an o dji, te hatsell lo vin, har boud morsha an Israel hi, kay nay djan an o kourepen.

2. Familjakro liil 29:11

T'mer, kay han har mire čave, ma nashrenn kek tsiro! Djan ap t'mari boudi! T'mer han kolla, kay o baro Devel vi-rodas, te venn glan leste tardo oun boudrenn leske oun anenn leske firhen oun soungepaskro koova.”

Esra 10:18

Kalla hi i morsha, kay lan penge romyen kol menshendar, kay kek Israelitarya his: an i familya o morshestar Yeshoua, koleskro dad o Yozadak his, oun pash leske phralende: o Maasseya, o Eliyeser, o Yarib oun o Gedalya.

Esra 2:2

Yon van khetne kol morshentsa: O Zorobabel, o Yeshoua, o Nehemya, o Seraya, o Reelaya, o Mordokay, o Bilshan, o Misperet, o Bigvay, o Rehoum oun o Baana. Kolla hi i laba kol familyendar, kay van pale an Israel oun kitse morsha an lende his:

Esra 5:2

Kote kran pen ap i boudi o Zorobabel, koleskro dad o Shealtiel his, oun o Yeshoua, koleskro dad o Yozadak his. Oun yon boudran doureder ap o Debleskro kheer an Yerusalem. Oun lentsa khetne boudran o Debleskre rakepangre oun dan len zoor.

Debleskri gili 106:23

Doleske kamas lo len moulo te dell, te vals kote gar o Mose, koles yob peske vi-rodas. Kova stas pre, te rikrell lo o Debles leskri rholyatar tele, yaake te dell lo len gar moulo.

Debleskri gili 109:6

Čip i čilačes pral leste, kay dell les gar o čačepen. Čip yekes ap leskri čači rig, kay anell doosh ap leste pre!

Jeremia 15:19

Doleske penell o baro Devel: Te rikreh tou tout ap mande, rikrau me man ap toute, oun tou ačeh miro rakepaskro. Te rakreh tou, hoy mishto hi, oun rakreh gar, hoy či-moldo hi, hal tou miro mouy. Yon hounte venn pash toute, tou djas gar pash lende!

Ezekiel 44:11

Lengri boudi an miro kheer hi kanna, te denn le yak an i bare voudya glan miro kheer. Ninna hounte marenn le kol firhen, hoy i menshe mange anenn, save firhe, kay venn tseles rhačedo oun save, hoy rhan le khetne glan mande. Yaake boudrenn le mire tsele menshenge.

Ezekiel 44:15

Kol rashaya dran o kheer Levi, kolengro phouro dad o Zadok his, yon ačenn mire rashaya, oun nay boudrenn mange. Har i Israelitarya mandar tele peran, kran yon pengri boudi mishto an miro kheer. Doleske nay ačenn le mire rashaya oun nay anenn o thulepen oun o rat kol marede firhendar glan mande. Kava penell o baro Devel, maro ray.

Haggai 1:1

An o douyto bersh, har o Darius o baro ray his, ap o ersto dives an o shobto čon, penas o baro Devel laba ap peskro rakepaskro, o Haggay, te penell yob kal laba doureder ap o Zorobabel, koleskro dad o Shealtiel his, oun ap o Yeshoua, koleskro dad o Yozadak his. O Zorobabel his o pralstouno pral o them Youda, oun o Yeshoua his o baro rashay.

Haggai 1:12

Oun o pralstouno, o Zorobabel, koleskro dad o Shealtiel his, oun o baro rashay, o Yeshoua, koleskro dad o Yozadak his, kolla shounan kol laba. Ninna shounan len kol tsele menshe, kay his gar pandles krik anlo. Kol laba penas lenge o Debleskro rakepaskro, o Haggay, koles lengro baro Devel pash lende bičras. Oun i menshe lan kol laba an o dji, oun trashan o baro Deblestar.

Haggai 2:4

Kanna penell t'menge o baro Devel: Avenn zoreles, tou, Zorobabel, oun tou Yeshoua, oun t'mer halauter, oun boudrenn! Me hom t'mentsa, penell o baro Devel, ko ray pral o bolepen oun i phoub.

Zakarie 1:13

Oun o baro Devel rakras lače oun kamle laba ap peskro bolepaskro.

Zakarie 1:9

Oun me penom: “Miro ray, koon hi kalla?” Oun yob penas: “Me sikrau toute, koon yon hi.

Zakarie 2:3

Oun o baro Devel sikras man star morshen, kay rikrenn i depaskro saster an o vast.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Zakarie 4:14

Koon dikas o ropah tele ap o tikno koova, kova dikell barhteles ap o pralstouno bar, har hidjrell les o Zorobabel an peskro vast.

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

Louka 22:31

“Simon, Simon, shoun, hoy me touke penau: O beng las t'men an o yak oun kamas te dikell, har zorelo t'maro patsepen hi.

5. Mose 10:8

Ko tsireske rodas peske o baro Devel kol morshen dran o kheer Levi vin, te hidjrenn yon o morhton, kay o Debleskre deesh laba dren hi, oun te venn yon rashaya oun boudrenn leske, oun rakrenn an leskro lab barht vin pral i menshende. Oun kova krenn le ninna kava dives.

5. Mose 18:15

I Debleskro rakepaskro, har me yek hom, yek, kay vell t'mendar, koles bičrell t'maro baro Devel pash t'mende. Ap koleste shounenn!

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

1. Samuel 6:20

Oun i morsha an Bet-Shemesh penan: “Koon nay ačell djido glan o baro Debleste, kay yaake hi har kek vavar? Pash koneste nay bičrah ko morhton? Kate nay ačell lo gar.”