Zakarie 2:6 - O Debleskro Lab 2024 (Sinte-Manouche)

⁶ Oun me poučom lestar: “Kay djah tou?” Yob penas: “Kamau te dikap pal, har baro oun bourhlo o foro Yerusalem hi.”

O Debleskro Drom 2021 (Sinte)

⁶ Un me putchom lestar: “Kai djah tu?” Job penas: “Kamau te dikap pal, har baro un buchlo o foro Jerusalem hi.”

Zakarie 2:6 Iomraidhean Croise

1. Mose 19:17

Har yon glan o foro his, penas ko yek bolepaskro ap o Lot: “Naash, te ačess tou djido! Ma dik pal toute! Ma ač tardo kate an kava them pash o pani Yordan! Naash ap kol berge, te vess tou gar maredo!”

Debleskri gili 44:2

Maro Devel, mare kandentsa shounam mer, har mare phoure menge penan, hoy tou kral an lengre divessa glan i rah tsiro.

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 55:1

Avenn pash o pani, t'mer kolen troush hi! Oun t'mer, kay t'men kek love hi, avenn oun ginenn oun rhan! Avenn oun ginenn kek loventsa oun lenn čičeske mool oun thoud!

Jeremia 1:14

Oun o baro Devel penas ap mande: Kotar, kay norden hi, vell i bibarht pral halauterende, kay djivenn an kava them.

Jeremia 15:4

I tsele menshe ap i phoub denn i vasta pral o shero khetne, te dikenn yon kova. Koya hi koy phagi koleske, hoy ko baro ray Manasse an Yerusalem kras. Leskro dad hi o Hiskiya, ko baro ray pral Youda.

Jeremia 3:18

Ap ko dives djan kol menshe dran o kheer Youda pash kol menshende dran o kheer Israel: Oun yon djan khetne khere dran o norden an ko them, hoy dom me t'mare phourende, te ačell kova lengro.

Jeremia 31:10

Shounenn, t'mer menshe dran vavar themma, hoy o baro Devel penell! Djan pral o baro pani pash i panyeskre themma, oun rakrenn kote leskre laba! Penenn: Kova, kay tradas o Israel an boud themma, kova lell len pale khetne oun dell garda ap lende har i bakrengro ap peskre bakre garda dell.

Jeremia 31:38

Dik, penell o baro Devel, o tsiro vell, kay vell o baro Debleskro foro Yerusalem neves kerdo. Leskri massouri djal foun ko turmo Hananel bis ap o voudar, kay i rigya khetne venn;

Jeremia 31:8

Ava, me, o baro Devel, anau len dran o them, hoy kote čiddo hi, kay norden hi. Oun anau len khetne dran i tsele themma ap i phoub, ninna kolen, kay korelo, bango oun an vavar koova hi, ninna i terne daya. Kolla lauter hi boud boud menshe, kay venn pale kay.

Jeremia 50:8

Nashenn sik dran o foro Babilon, moukenn ko them! Oun krenn har i morsh bakre, kay nashenn glan kol vavar bakre!

Jeremia 51:45

T'mer Israelitarya, mire menshe, djan vin dran ko them! Hakeno t'mendar mou nashell peskro djipaske! Miri bari rholi vell pral o foro.

Jeremia 51:50

T'mer i menshendar Israel, kay van gar maredo, djan vin dran o foro Babilon! Oun rikrenn t'men gar pre! Ninna te han an i dour them, ma bistrenn o baro Debles, vitar gar o foro Yerusalem!

Jeremia 51:6

Nashenn sik dran o foro Babilon, nashenn t'maro djipaske! te djan gar halauter tele an koy doosh, hoy kava foro ap peste anas! Kova hi o baro Debleskro tsiro, kay dell lo i Babilonaryen ko čilačepen pale, hoy kolla kran.

Ezekiel 11:16

Doleske pen: Kava penell o baro Devel, maro ray: Ava, me tradom len dour krik an vavar themma, oun mank vavar menshende. Ninna te djivenn le kate te kote an boud themma, oun hi bouder gar khetne, hom me pash lende, te nay mangenn le man an, an kol themma, kay le anlo van.

Ezekiel 17:21

Oun leskre vi-rodede lourde venn o rhareha moulo dino. Oun kolla, kay djido ačenn, venn tradedo ap hake rigya. Oun t'mer dikenn oun hayvenn, te rakrom me, o baro Devel.

Ezekiel 5:10

I tsiro vell, kay rhan dada pengre čaven mashkral an Yerusalem, oun čave rhan pengre daden. Yaake pharo vell miri phagi, hoy dau t'mende. Oun halauter, kay t'mendar pral ačenn, venn vin tradedo ap hake rigya.

Ezekiel 5:12

O triinto kotar t'mendar merell ap i pharo nasslepen oun i bokatar. Oun i triinto kotar t'mendar vell glan o foro o rhareha moulo dino. Oun i triinto kotar t'mendar tradau vin ap hake rigya, oun me lau len palla o rhareha.

Daniel 11:4

Ap ko tsiro, kay vas lo baro, phagell leskro them an star kotya – pal kol star bolepangre rigya. Kek kal star tikneder themma vell yaake zorelo har leskro them his. Oun kek leskre čavendar lell čomone kolestar. Na-a, leskri rayeskri zoor vas paash oun vas ap vavarende doureder dino.

Amos 9:9

Me rakrau oun kova djal yaake: Yaake har djob an i ziba pal hake rigya vitsedo vell, oun i djoba vin perenn, oun i barra dren ačenn, yaake krau, te vell o kheer Israel pal hake rigya vitsedo an kol themma, kay le tradedo van.

Zakarie 1:16

Doleske penell o baro Devel: “Me krau miro dji pale pre pral i menshende an o foro Yerusalem. Kote te vell miro kheer pale pre tardo, oun o foro pale neves kerdo.”

Zakarie 2:7

Oun me dikom ko bolepaskres, kay mantsa rakras, har lo i kotar glan djas. Oun i vavar bolepaskro vas pash leste.

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Markus 13:27

Palle bičrell lo i bolepangren pral i tseli phoub, te anenn le dran hako them kolen khetne, kay len o Devel peske vin rodas.

5. Mose 28:64

Oun yob tradell t'men mank i menshende an i tsele themma ap kay phoub, kolen kate, oun kol vavaren kote. Lengre deblen dran kasht oun bar mangenn t'mer kote an. Kol deblen prindjrenn t'mer gar oun prindjran vitar gar t'mare phoure.

Debleskro tsiro 18:4

Oun me shounom, har yek vavar dran o bolepen rakras oun penas: “Mire menshe! Djan dran ko foro vin, te lenn t'mer gar leskri doosh oun leskri bibarht ap t'mende!

Ruth 4:1

Oun o Boas djas pre pash o foreskro voudar, kay i morsha khetne venn, oun beshas pes koy. Kote vas ko vavar morsh, kay lake ninna koy hounte vals, kolestar o Boas rakras. Oun o Boas penas ap leste: “Ab kay pash mande, oun besh tout pash mande!” Oun yob vas oun beshas pes pash leste.