Zakarie 1:16 - O Debleskro Lab 2024 (Sinte-Manouche)

¹⁶ Doleske penell o baro Devel: “Me krau miro dji pale pre pral i menshende an o foro Yerusalem. Kote te vell miro kheer pale pre tardo, oun o foro pale neves kerdo.”

O Debleskro Drom 2021 (Sinte)

¹⁶ Doleske penell o baro Dewel: “Me krau miro dji pale pre pral i menshende an o foro Jerusalem. Kote te well miro kheer pale pre tardo, un o foro pale newes kerdo.”

Zakarie 1:16 Iomraidhean Croise

Hiob 38:5

Koon his, kay penas, har bares i phoub vell? Koon his kova, kay čivas i dori pral late, te dikell lo, har bares i phoub vell? Djineh tou kova?

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jesaja 34:11

I ratsyakre čirkle oun i moulengre čirkle djivenn kote. Oun massengre čirkle oun korake hi kote khere. Oun o baro Devel dell o themeske peskre rigya, mashkral lende ačell o them moulo oun mouklo.

Jeremia 30:18

Kova penell o baro Devel: Me anau mire menshen pale khere an pengro them, oun krau miro dji haki familyake pre. Oun o foro Yerusalem vell pale pre-čiddo ap peskre berge, oun o baro rayeskro zorelo kheer kote, kay lo tardo his.

Ezekiel 40:3

Oun yob anas man kote, oun dikom i morshes. Kova dikas vin har vals lo dran saster. An leskro vast his i layntikri dori oun i kasht, koleha yek tele ginell, har bares čomone hi. Oun yob his mashkral an o baro voudar tardo.

Ezekiel 47:3

Oun ko morsh djas doureder kote, kay o kham pre djal, oun les his i dori an peskro vast. Oun kolah ginas lo 500 metarya tele, oun moukas man an o pani dren te djal. O pani čakras mire pire.

Ezekiel 48:35

Kal star rigya o forestar hi khetne enya (9) kilometarya lengsto. Foun ko tsiro vell o foro kharedo: O baro Devel hi kay!

Haggai 1:14

Oun o baro Devel čivas lenge an o dji, te boudrenn le ap o baro Debleskro kheer. Oun yaake vas o Zorobabel, ko pralstouno pral o them Youda, koleskro dad o Shealtiel his, oun o Yeshoua, ko rashay, koleskro dad o Yozadak his, oun kol tsele menshe, kay gar pandles krik anlo van, te boudrenn le ap o kheer o baro Deblestar, ko rayestar pral o bolepen oun i phoub.

Zakarie 10:6

Oun me krau o kheer Youda zoreles, oun vau ap i rig kolenge dran o kheer Yosef. Man hi i baro dji lenge, oun moukau len pale te djal an pengro them. Te venn le yaake har yon his, har krom len gomme gar pale-čiddo. Me, o baro Devel, hom lengro Devel oun shounau lengro mangepen.

Zakarie 2:4

Koy poučom lestar: “Hoy kamenn le te krell?” Yob penas: “Yon van, te denn le kol shinga tele. Kal natsyone djan ap i menshende an o them Youda pre oun tradan len krik. Oun kal star van, te krenn le lenge bari daar oun lenn lenge lengri zoor krik.”

Zakarie 2:5

An i vavar dikepen dikom i terno morshes i doryah an peskro vast, te dikell lo pal, har baro čomone hi.

Zakarie 2:6

Oun me poučom lestar: “Kay djah tou?” Yob penas: “Kamau te dikap pal, har baro oun bourhlo o foro Yerusalem hi.”

Zakarie 4:9

Oun yob poučas: “Djineh gar, hoy kolla hi?” Me penom: “Na-a, miro ray.”

Zakarie 8:3

Me vau pale ap i berga Sion oun djivau mashkral an o foro Yerusalem. Palle kharell pes Yerusalem foro, kay rikrenn pen i menshe ap o baro Debleste. Oun i berga Sion, kay djivau me, o baro Devel, ko ray pral o bolepen oun i phoub, kay berga kharell Debleskri berga.”