Tito 3:2 - O Debleskro Lab 2024 (Sinte-Manouche)

² te rakrenn le gar djoungeles pral vavarende, oun te rodenn le kek čingepen! Na-a! Yon hounte venn o djiyestar lačo oun kamlo ap i tsele menshende.

O Debleskro Drom 2021 (Sinte)

² te rakrenn le gar djungeles pral wawarende, un te rodenn le kek tchingepen! Na-a! Jon hunte wenn o djijestar latcho un kamlo ap i tsele menshende.

Tito 3:2 Iomraidhean Croise

2. Samuel 22:36

Baro Devel, tou rikreh tiro vast pral mande, te doukrell man kek. Tou dikeh lačes ap mande oun kreh man bares.

Debleskri gili 140:11

Mouk yagakre barra ap lende te perell! Vitse len an i yag! Mouk len te perell an o telstunepen, yaake te nay stenn le bouder gar pre!

Gosewe laba 19:19

Kova, kay dran i bari rholi čomone kras, mouk les peskri phagi te lell. Veh tou ap leskri rig, hounte kress tou kova pale te pale.

Gosewe laba 25:24

Hi feteder te beshess ap i dacha, har an o kheer khetne i romyah, kay hako tsiro čingepen rodell.

Gosewe laba 6:19

yek, kay čomone ap i vavareste pre anell, hoy gar čačo hi; yek, kay anell čingepen mank phralende.

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

Bičepangre 23:5

O Paulo penas: “Mire phrala, me djinom gar, kay yob ko baro rashay hi. Me djinau, kay an o Debleskro lab činlo hi: Te praasess gar o pralstounes t'mare menshendar!”

1. Korintarja 6:10

vitar gar i čorepangre, vitar gar kolla, kay ap i love pandlo hi, i dre-phagepangre, i pipangre oun kolla, kay praasenn i vavaren, – kolla lauter venna gar pash o Debleste an o bolepen.

1. Korintarja 9:19

Kek mensho hi miro ray. Ninna te krau nay, hoy kamau, krom me man boudepaskro lauterenge, te anap nay yaake boud menshen pash o Yezouseste har djala.

2. Korintarja 10:1

Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

2. Korintarja 12:20

Me trashau, te vau pash t'mende, dikau savo koova pash t'mende, hoy kamau gar. Palle hom me vitar gar yaake har t'mer kamenna. Me trashau te dikau čingepen mank t'mende, ninna zilvepen, rholi, praasepen, djoungelo rakepen pral o vavareste, pre-phourdepen, bipandlo djipen, oun yek kamell feteder te vell har ko vavar.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

Galatarja 6:10

Doleske kras lačo koova yaake boud, har krah nay, hake menshenge, boudeder kol patslenge.

Efesarja 4:2

Ma krenn t'men bares! Avenn lačes yek ap o vavareste! Denn i vavaren gar yaake sik pre! Djivenn khetne an o kamlepen!

Efesarja 4:31

Avenn ap kekeste čilačo oun rhoyedo! Čingrenn ap kekeste, oun praasenn kekes!

Filiparja 4:5

Sikrenn hakeneste t'maro lačepen! O ray Yezous vella an i tikno tsiro pale.

1. Tessalonikarja 2:7

Mer ham o Yezous Kristeskre bičepangre oun nay penams t'menge zoreles, hoy te krenn. Kova kram gar. Na-a, mer hams kamlo ap t'mende, har i day ap peskre čavende.

1. Timoteo 3:11

I djouvya, kay hi i patslenge koy, hounte djivenn ninna lačes glan i menshengre yaka. Yon rakrenn kek rhorheno koova pral i vavarende. Yon rakrenn kek dinelo koova. Yon krenn pengri tseli boudi mishto.

1. Timoteo 3:3

Yob hi kek pipaskro. Yob hi kek marepaskro. Les hi i baro dji i vavarenge. Yob hi kek čingepaskro. Yob hi gar pal i love.

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

Jakobo 4:11

Mire phrala! Ma rakrenn djoungeles pral o vavareste! Koon pral peskro phraleste djoungeles rakrella oun o goushteha ap leskri doosh sikrella, kova čivell pes pral kova, hoy o Devel penas. Tou te kreh kova, hal tou bouder gar yek, hoy o Debleskro čačepen krella. Na-a, tou čiveh tout pral o čačepen.

1. Petro 2:1

Doleske moukenn hako čilačo koova! Ma rhorhenn! Ma rakrenn douy čipyentsa! Ma zilverenn! Rakrenn kek djoungelo koova pral kekeste!

1. Petro 3:10

An o Debleskro lab hi činlo: Koon kamell i lačo djipen oun barhtele divessa te dikell, kova dell garda ap peskri čip. Kek rhorhepen, kek čilačepen hounte vell dran leskro mouy!

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!

1. Petro 4:4

Kanna djivenn t'mer bouder gar ko djoungelo djipen har kol čilače. Kova djal kolenge gar an o shero. Doleske čingrenn le ap t'mende.

2. Petro 2:10

Palle vell i phagi zoreles pral kolende, kay djivan i foullo djipen, oun kaman kek rayes pral pende. Kolla rhorhene sikepangre hi pre-phourdo, oun krenn pen bares. Yon darenn gar, te rakrenn le djoungeles pral kolende, kay hi an o bolepen.

Judas 1:10

Kolla menshe praasenn lauter, hoy le gar prindjrenna. Kova, hoy lengro mass kamella, kova krenn le yaake har i firhe, kay či djinenna. Oun yaake djan le nashedo.

Judas 1:8

Oun yaake hi ninna kolla, kay dikenn sounya, oun krenn vi-ladjedo koova, oun kamenn kek rayes pral pende, oun rakrenn djoungeles pral kolende an o bolepen.