Tito 2:2 - O Debleskro Lab 2024 (Sinte-Manouche)

² Pen i phoure morshenge, te penenn le kek dinelo koova, te djivenn le lačes glan i menshende, te denn le yak, hoy yon rakrenna, te ačenn le an o čačo patsepen, te kamenn le i menshen o tselo djiyestar, oun te venn le gar khino an o patsepen!

O Debleskro Drom 2021 (Sinte)

² Pen i phure murshenge, te penenn le kek dinelo koowa, te djiwenn le latches glan i menshende, te denn le jak, hoi jon rakrenna, te atchenn le an o tchatcho patsepen, te kamenn le i menshen o tselo djijestar, un te wenn le gar khino an o patsepen!

Tito 2:2 Iomraidhean Croise

Hiob 12:12

Phoure menshen hi gosvepen. Kolla, kay boud bersha djivan, hayvenn boud.

Debleskri gili 92:14

Yon hi har rouka, kay hi tardo an o baro Debleskro kheer, oun kay venn zenelo ap i platsa glan o Debleskro kheer.

Gosewe laba 16:31

Parne balla hi har i kouč rayeskri stadi, hoy o Devel kolen dell, kay leskro drom djan.

Jesaja 65:20

Oun kote dell bouder kek ternepen, kay gar boud divessa phouro vell, oun kek phouro, kay merell glan peskro tsiro. O terneder lendar vell sheel bersh phouro. Oun kova, kay merell oun his kek sheel bersh phouro, kolestar penenn le, te vas pral leste i bibarht vin rakedo.

3. Mose 19:32

Glan phoure menshende stess tou pre oun dikess pre ap lende. Tou rikress tiro Debles glan tire yaka pash halauter, hoy kreh! Me hom o baro Devel.

Markus 5:15

oun dikan koles kote beshdo, kolestar kol boud benga vin van. Yob his an-rido oun bouder gar divyo. Har yon kova dikan, vas i traash ap lende.

Louka 8:35

Oun kol menshe kaman te dikell, hoy kote djas, oun van pash o Yezouseste. Oun yon dikan ko morshes, dran koleste i benga vin djan. Yob his pash o Yezouseste beshdo, his an-rido, oun bouder gar divyo. Koy van yon dareno.

Bičepangre 24:25

Oun o Paulo penas lenge, te hounte rikrenn le pen ap o Debleskro čačepen, te krenn le kek vi-ladjedo koova, oun te vell ko tsiro, kay hakeno glan o Debleste tardo hounte vell. Oun o Felix las traash, oun penas ap o Pauleste: “Kava kopo nay djah tou. Oun te hi man tsiro, moukau tout pale gole te dell.”

Remarja 12:3

O Devel his lačo ap mande, oun das man miri boudi, te penap leskro lab. Doleske penau hakeneske t'mendar: Kek te hadell pes pral o vavareste oun rikrell pes bareder oun feteder! Hakeno las peskro patsepen o Deblestar. Doleske hounte vell lo gosevo, te dikell lo oun te hayvell lo, hoy les o Deblestar dino vas.

1. Korintarja 15:34

Djan o čačo drom! Ma piyenn t'men mato! Djivenn bouder gar an o čilačepen! Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.

1. Korintarja 9:25

Kol naashepangre rikrenn pen lauterestar pale, hoy len khino krella. Ko shoukar koova, hoy kolla lenna, kova ačell gar hako tsiro. Hoy mer patsle lah, kova ačella hako tsireske.

2. Korintarja 5:13

Te penell yek, mer ham narvelo, – mishto! Te ham narvelo, ham kova o Debleske. Te ham gar narvelo oun rakrah yaake, te hayvenn le men, palle hi kova mishto t'menge.

Galatarja 5:23

Yob krell pes gar bares oun lell pes khetne. O Moseskre laba, kolen hi kek zoor pral koleste, koon yaake djivella.

Filiparja 4:8

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

1. Tessalonikarja 5:6

Doleske, te sovas mer gar har i vavar, te rikras mare yaka pre, oun te das yak har djivah!

1. Tessalonikarja 5:8

Mer djivah ap o dives. Doleske das yak, har te djivas! Yaake har i kourepaskro rivell i sasterno gad ap peste, te nay doukrell les kek, yaake rivas mer o patsepen oun o kamlepen ap mende har i ripen. I kourepaskro čivell ninna i sasterni stadi ap peskro shero, te doukrell les kek ap leskro shero. Yaake nay doukrell men kek, te dikah mer ap o Yezous Kristeste, oun djinah zoreles, te lell men o Yezous Kristo dran o čilačepen oun o merepen vin.

1. Timoteo 1:10

O Moseskre laba van činlo kol morshenge, kay sovenn vavar djouvyentsa, oun kol djouvyenge, kay sovenn vavar morshentsa. Kol laba van ninna činlo kol morshenge, kay sovenn i morshentsa oun čaventsa. Kol laba van činlo kolenge, kay čorenn menshen oun bikrenn len, oun kolenge, kay penenn o rhorhepen, oun kolenge, kay denn pen rhorhenes sovel. Oun te dell vavar koova, kay o Debleskro lab lestar penella, te kras mer kova gar, palle van o Moseskre laba kolenge činlo, kay kova krenna.

1. Timoteo 1:14

Yaake lačo his o Yezous Kristo mange, te das lo man ninna o patsepen ap leste oun o kamlepen i vavarenge.

1. Timoteo 1:2

Me činau kava liil ap toute, Timoteo. Tou hal mange har miro čavo an o patsepen. Lačepen, kamlepen oun barht touke! Kova dell tout o Devel, maro dad, oun o Yezous Kristo, maro ray, an o dji!

1. Timoteo 1:5

Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.

1. Timoteo 3:11

I djouvya, kay hi i patslenge koy, hounte djivenn ninna lačes glan i menshengre yaka. Yon rakrenn kek rhorheno koova pral i vavarende. Yon rakrenn kek dinelo koova. Yon krenn pengri tseli boudi mishto.

1. Timoteo 3:2

I phoureder hounte djivell yaake, te hatsell kek i doosh ap leste. Les vell gar boudeder har yek romni. Yob rakrell kek dinelo koova, oun dell pes yak, hoy yob rakrell oun krell. Yob moukell pes gar an djoungelo koova te tserdell. Yob lell i vavaren lačes an peskro kheer dren. Yob sikrell mishto o Debleskro drom.

1. Timoteo 3:4

Yob hi i lačo ray pral peskro kheer. Leskre čave shounenn ap leste.

1. Timoteo 3:8

Yaake har i phoureder mank i patslende hounte djivenn lačes glan i menshengre yaka, yaake hounte djivenn kolla ninna, kay boudrenn i patslenge an o Debleskro kheer. Yon te rakrenn gar douy čipyentsa. Yon te venn kek pipangre. Yon te nashenn gar pal i love.

1. Timoteo 5:1

Ma činge ap i phoureste! Tou te peneh o phouro morsheske, kay kova gar mishto hi, hoy yob kras, palle rake leha, har te vals yob tiro dad! Oun i terne morshentsa rake, har te vans le tire phrala!

Tito 1:13

Oun kova, hoy ko sikepaskro penas, hi čačo. Doleske pen lenge, hoy pash lende gar mishto hi, oun de len trad, te djan le čačes ap o Debleskro drom.

Tito 1:8

Na-a, yob vell gar yaake! Yob lell i vavaren lačes an peskro kheer dren! Les vell i baro dji i vavarenge. Yob dell pes yak, hoy yob rakrella. Yob hi čačo oun krella, hoy o Devel kamella. Yob nay lell pes khetne.

Tito 2:7

An hako koova sike lende, har tou kova kreh, te krenn le ninna lačo koova! Pen o Debleskro lab an o čačepen, te djal les hakeneske an o dji!

1. Petro 1:13

Doleske avenn gar khino an t'mare djia, oun denn garda, te ačenn ap o Debleskro drom! Dikenn ap ko baro lačepen, hoy o Devel dell t'men ap ko dives, kay vell o Yezous Kristo pale.

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

2. Petro 1:6

Koon hayvas, hoy o Devel lestar kamella, kova rikrell pes lauterestar pale, hoy leske gar mishto hi. Koon rikrell pes lauterestar pale, hoy leske gar mishto hi, kova rikrell zoreles ap kova, hoy lačo hi. Koon kova krella, kamell o Debles.