Tito 2:10 - O Debleskro Lab 2024 (Sinte-Manouche)

¹⁰ te čorenn le či lestar! I boudepangre hounte krenn pengri boudi mishto oun čačo. Yaake sikrenn le an hako koova, har mishto o Debleskro drom hi, hoy lende siklo vas. Oun yaake sharenn le o Debles, kay las men vin dran o čilačepen.

O Debleskro Drom 2021 (Sinte)

¹⁰ te tchorenn le tchi lestar! I budepangre hunte krenn pengri budi mishto un tchatcho. Jaake sikrenn le an hako koowa, har mishto o Debleskro drom hi, hoi lende siklo was. Un jaake sharenn le o Debles, kai las men win dran o tchilatchepen.

Tito 2:10 Iomraidhean Croise

Debleskri gili 101:6

Mire yaka rodenn pal kolende an o them, kay rikrenn pen ap tire laba, te djivenn yon pash mande. Kolen, kay o čačo drom djan, lau me pash mande, te boudrenn le mange.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Mateo 24:45

I lačo boudepaskro della mishto garda ap peskro rayeskro kheer, oun sovella gar. Leskro ray das peskre tsele boudepangren an leskre vasta. Oun ko lačo boudepaskro dell len hako dives kova, hoy len hounte vell djipaske.

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

Louka 1:47

Oun miro dji dell gole i barhtyatar pral mo Debleste. Yob hi ap miri rig.

Louka 1:80

O Yohanni vas baro, oun hayvas hako dives feteder, hoy o Devel kamella. Oun yob djivas an o moulo them yaake rah, bis te vas ko dives, kay yob glan i menshende an Israel rakras.

Louka 16:10

“Koon an i tikno koova lauter mishto krella, kova krell ninna an i baro koova lauter mishto. Koon i tikno koova gar mishto krella, kova krell ninna i baro koova gar mishto.

Johanni 12:6

Yob penas kova gar, te krell lo i čorvelenge lačo koova. Yob his i čorepaskro. Kol tsele love, hoy i menshe lende dan, his pash leste. Oun yob las peske kol lovendar čomone krik.

1. Korintarja 4:2

Oun i boudepaskro hounte krell peskri boudi mishto.

Efesarja 4:1

Me hom an o stilepen o Yezouseske, maro rayeske, oun mangau t'men o djiyestar, te djivenn t'mer t'maro djipen har save menshe, kolen o Devel peske khetne gole das.

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Filiparja 4:8

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

1. Timoteo 1:1

Me, o Paulo, činau kava liil. Me hom o Yezous Kristeskro bičepaskro, te penap i menshenge leskro lab. Yaake kamell kova o Devel, kay lell men dran o čilačepen vin, oun o Yezous Kristo, ap koleste patsah.

1. Timoteo 5:17

Kanna rakrau pral kolende, kay hi kol phoureder mank i patslende, oun krenn pengri boudi mishto. I patsle hounte dikenn pre ap lende oun shounenn ap lende. Ninna hounte denn le len love. Kova penau boudeder kolendar, kay penenn i menshenge o Debleskro lab, oun sikrenn lende o Debleskro drom.

1. Timoteo 6:1

I boudepangre, kay ginlo van, hounte shounenn ap pengre rayende, te nay rakrell kek mensho djoungeles pral o Debleste oun pral kova, hoy mer i menshenge pral leste penah.

1. Timoteo 6:3

Te sikrell yek i menshende i vavar drom, oun penell lenge gar o čačo lab maro rayestar, o Yezous Kristestar, oun sikrell lende gar, har te djan le ap o Debleskro drom,

Tito 1:3

Oun kanna, kay o čačo tsiro vas, moukell lo hakeneske peskro lab te hayvell. Maro Devel, kay men dran o čilačepen oun o merepen vin lella, yob bičras man, te penap kova i menshenge.

Tito 3:4

Kova lauter vas vavarčandes, har o Devel mende sikras, har lačo oun kamlo yob ap i menshende hi. Yob las men dran o čilačepen vin

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

2. Johanni 1:9

Hakeno, koon ačell gar pash kol laba, hoy o Yezous Kristo menge penas, oun penell vavar koova, kova ačell gar o Debleha. Kova, kay ačell pash kol laba, hoy o Yezous Kristo menge penas, kova ačell o Debleha, maro dadeha, oun peskro Čaveha.

1. Samuel 22:14

O Ahimelek penas ap o baro rayeste: “Koon mank tire tsele boudepangre hi yaake ap tiri rig har o David? Ninna hi lo tiri čakro rom oun o pralstouno pral tire feteder lourdende. Oun yob hi an-diklo an tiro tselo kheer.

1. Samuel 26:23

O baro Devel dell lačepen hakeneste, kay ap leste rikrella, oun an o čačepen djivella. Kava dives das lo tout an miro vast, oun me kamom tout gar te doukrell – tout, ko vi-rodedes o baro Deblestar.