Sikepaskro 9:16 - O Debleskro Lab 2024 (Sinte-Manouche)

¹⁶ Kote penom mange: Ninna te hi o gosvepen feteder har o zorlepen, vell o čorveleskro gosvepen gar an-diklo, oun ap leskre laba vell gar shounlo.

O Debleskro Drom 2021 (Sinte)

¹⁶ Kote penom mange: Ninna te hi o goswepen feteder har o sorlepen, well o tchorweleskro goswepen gar an-diklo, un ap leskre laba well gar shunlo.

Sikepaskro 9:16 Iomraidhean Croise

Gosewe laba 10:15

O bravlepen i bravelestar hi leske har i zorelo kheer. I bibarht o čorvelestar hi leskro čorvlepen.

Gosewe laba 21:22

I gosevo morsh nay djal pre ap i foro, kay lauter čače kourepangre dren hi, oun phagell ko foro tele, kolestar yon patsan, te hi lo zoreles tardo.

Gosewe laba 24:5

I gosevo morsh hi har i zorelo, oun yek, kay boud djinell, an koleste hi pherdi zoor.

Gosewe laba 8:14

Mire labentsa sikrau yekeste o drom, oun krau leskre yaka pre. Djinau, hoy mishto oun gar mishto hi, oun man hi i zoor.

Sikepaskro 10:10

Te hi yekes i tover, hoy činell bouder gar, hounte boudrell yob peskri tseli zoryah. Te hi lo gosevo, dikell lo palla, te činell o tover mishto.

Sikepaskro 7:12

O gosvepen hi har love. Kones kolestar doha hi, kova hounte darell gar. Leskro gosvepen rikrell o goseves an o djipen.

Sikepaskro 7:19

Leskro gosvepen krell o goseves zorleder har deesh zorele pralstoune, kay an o foro garda denna.

Sikepaskro 9:18

O gosvepen hi boudeder moldo har i zorelo rharo; oun yek dinelo koova krell boud lačo koova paash.