Sikepaskro 9:12 - O Debleskro Lab 2024 (Sinte-Manouche)

¹² Ninna djinell o mensho peskro tsiro gar, oun vell tapedo an o čilačo tsiro, hoy ap yek kopo pral leste perell, yaake har i mače tapedo venn an i netsa, oun i čirkle an pandle dorya.

O Debleskro Drom 2021 (Sinte)

¹² Ninna djinell o mensho peskro tsiro gar, un well tapedo an o tchilatcho tsiro, hoi ap jek kopo pral leste perell, jaake har i matche tapedo wenn an i netsa, un i tchirkle an pandle dorja.

Sikepaskro 9:12 Iomraidhean Croise

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

Gosewe laba 24:22

Sik vell i bibarht pral savende. Nay djineh tou, havi bibarht o baro Deblestar oun o baro rayestar nay vell?

Gosewe laba 29:6

I čilačo taprell pes an peskro čilačepen. Kova, kay an o čačepen tardo hi, djal barhteles peskro drom.

Gosewe laba 6:15

Doleske vell leskri bibarht sik pral leste. Sik hi lo doukedes ap i phoub čiddo, oun kek sastepen hi leske koy.

Sikepaskro 3:19

O mensheske djal har o firheske: I firhe merenna, yaake merenn ninna i menshe. Oun len halauter hi i dourho. Oun o menshes hi či glan-vi glan o firho. Čačepah, kova hi phares te hayvell.

Sikepaskro 8:11

Ko mensho, kay kras čilačo koova, lell gar sik pal kova peskri phagi. Doleske rikrenn pen i menshe gar pale, te krenn le pengro djoungelo koova doureder.

Sikepaskro 8:8

O menshes hi kek zoor, te nay rikrell lo o phourdepen pre. Oun les hi kek zoor pral ko dives, kay merell lo. Ninna glan o kourepen nay nashell peske kek. Oun peskro čilačo koova nay lell gar o čilačes vin dran i bibarht.

Sikepaskro 9:13

Ninna dikom ap kay phoub, hoy i gosevo kras, oun kova his mange bares:

Jesaja 24:18

Kova, kay nashell nay peske glan i trashakri gole, perell an i grouba. Oun kova, kay tserdell pes pral dran i grouba, vell an i netsa tapedo. O bolepen krell pes pre oun dell baro brishin oun o telstunepen, hoy i phoub hidjrell, trissella.

Jesaja 30:13

Kay doosh hi har i phagepen an i kheer. Ko kheer hi bouder gar zoreles tardo, oun ap yek kopo perell lo khetne. Oun kek patsas te vell kova yaake.

Ezekiel 32:3

Kava penell o baro Devel, maro ray: Me bičrau boud menshen dran boud themma pash toute. Kolla vitsrenn miri netsa pral toute, oun taprenn tout, oun tserdenn tout vin dran o pani.

Hosea 7:12

Te krenn i menshe an o them Efrayim yaake doureder, vitsrau me miri netsa pral lende, oun taprau len har čirkle, oun dau len pengri phagi, yaake har lenge penom, har yon khetne his.

Hosea 9:8

Miro Devel bičras man, leskro rakepaskres, te dap yak ap t'mende an o them Efrayim. Oun t'mer čivenn i netsa vin ap mire tsele dromma, te taprenn man har i čirkles. Ninna an o kheer miro Deblestar lenn t'mer man palla.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Louka 12:39

Kova hounte hayvenn t'mer: Te djinals kova, kay ap o kheer yak della, ko tsiro, kay ko dre-phagepaskro vella, nay phagals kova gar pash leste dren.

2. Korintarja 6:2

O Devel penell an peskro lab: “Ap o čačo tsiro shounau tout, ap ko dives lau tout dran o čilačepen vin oun dau tout o nevo djipen.” Shounenn, kanna hi o čačo tsiro kay! Kanna lell lo t'men dran o čilačepen vin!

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

2. Timoteo 2:26

Yaake venn yon pale dran o bengeskre vasta vin, kay yon pandlo his. O beng tapras len, te kran le kova, hoy yob kamella.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

2. Petro 2:12

Kol rhorhene sikepangre rakrenn djoungeles pral kova, hoy yon gar prindjrenna. Yon hi har divye firhe, kay venn boldo, te venn le tapedo oun maredo. Yaake merenn yon ninna.