Sikepaskro 8:8 - O Debleskro Lab 2024 (Sinte-Manouche)

⁸ O menshes hi kek zoor, te nay rikrell lo o phourdepen pre. Oun les hi kek zoor pral ko dives, kay merell lo. Ninna glan o kourepen nay nashell peske kek. Oun peskro čilačo koova nay lell gar o čilačes vin dran i bibarht.

O Debleskro Drom 2021 (Sinte)

⁸ O menshes hi kek soor, te nai rikrell lo o phurdepen pre. Un les hi kek soor pral ko diwes, kai merell lo. Ninna glan o kurepen nai nashell peske kek. Un peskro tchilatcho koowa nai lell gar o tchilatches win dran i bibacht.

Sikepaskro 8:8 Iomraidhean Croise

2. Samuel 14:14

Vell o tsiro, kay mer hounte meras halauter. Oun ham har pani, kay ap i phoub čoredo hi, oun hoy nay hadell kek bouder pre i phoubyatar. O Devel kamell gar o djipen krik te lell. Yob kamell gar te ačell kova, kay vas krik tradedo, ninna lestar krik.

2. Rajengro liil 7:15

Oun yon djan lenge palla bis pash o pani Yordan, oun dikan, kay ap o drom ripya oun vavar koova čiddo hi, kay kol Syrarya an o sikepen krik vitsran. Oun har kol bičepangre pale van oun kova o baro rayeske penan,

Hiob 14:5

Tou penal, har phouro i mensho vell, kitse čonna yob djivell. Oun penal, ap havo dives leskro djipaskro tsiro trouyel hi.

Hiob 34:14

Te lals yob peske glan, te lell lo peskro djipaskro dourho palpale o menshestar,

Debleskri gili 89:48

Tou djineh, har tikno miro djipen hi. Ma biste, har sik i mensho bouder gar kay hi! Tou kokres kral les yaake.

Debleskri gili 9:17

O baro Devel sikras, koon yob hi, oun das i čilačende pengri phagi. I čilače pandan pen an koy netsa, hoy yon pengre vastentsa kran.

Gosewe laba 12:3

O čilačepen dell kekes i zoor, te ačell lo zoreles tardo. Kova, kay an o čačepen hi, ačell zoreles tardo har i rouk bare drabentsa.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Sikepaskro 3:21

Kek nay djinell, te djal o mensheskro dourho pral an o bolepen oun o firheskro dourho tele an i phoub.

Sikepaskro 8:13

O čilačeske djal gar mishto. Oun yaake har i shatto gar rah koy hi, djivenn kolla gar rah, kay kamenn či o Deblestar te djinell.

Sikepaskro 9:12

Ninna djinell o mensho peskro tsiro gar, oun vell tapedo an o čilačo tsiro, hoy ap yek kopo pral leste perell, yaake har i mače tapedo venn an i netsa, oun i čirkle an pandle dorya.

Jesaja 28:15

T'mer penan: “Mer kram vin o merepah oun o moulengro themeha, te vas menge či. Ninna te venn i lourde dran vavar themma har i baro zorelo pani pral mende, venn le gar zorleder har mer.” T'mer patsenn, te nay khatrenn t'men pal t'mare rhorhene laba oun pal ko rhorhepen, hoy kran.

Jesaja 28:18

Oun kova, hoy t'mer vin kran o merepah oun o moulengro themeha, vell krik lino oun hi gar bouder. Oun i lourde venn har i baro pani, oun stakrenn t'men khetne.

Jesaja 47:10

Tou rikral tout ap tiro čilačepen oun penal: “Kek dikas man!” Tiro gosvepen oun lauter, hoy djineh, kras tout pre-phourdo, yaake te penal an tiro dji: “Me hom i bareder. Kek vell zorleder har me.”

1. Korintarja 15:43

Kova, hoy an i phoub čiddo vella, hi djoungelo. Kova, kay i moulendar pre stella, hi shoukar. Kova, hoy an i phoub čiddo vella, koles hi kek zoor. Te stell lo i moulendar pre, djal kova i bari zoryah.

2. Korintarja 13:4

Har yob ap o troushel dino vas, his yob gar zorelo. Kanna djivell yob dran o Debleskri zoor. Yaake har o Yezous Kristo ap o troushel gar zorelo his, ham mer vitar gar zorelo. Oun yaake har yob djido vas, ham mer leha ninna djido oun zorelo dran o Debleskri zoor. Kova nay dikenn, te hom pash t'mende!

Hebrearja 9:27

Oun yaake har i tsele menshe hounte merenna yek kopo, oun palle rakrell o Devel o čačepen pral lende vin,