Sikepaskro 7:5 - O Debleskro Lab 2024 (Sinte-Manouche)

⁵ O mensheske hi feteder te shounell lo ap i goseveste, kay čingrell leha, har te shounell lo ap i gilya, kolentsa i dinele les sharenn.

O Debleskro Drom 2021 (Sinte)

⁵ O mensheske hi feteder te shunell lo ap i goseweste, kai tchingrell leha, har te shunell lo ap i gilja, kolentsa i dinele les sharenn.

Sikepaskro 7:5 Iomraidhean Croise

Debleskri gili 141:5

Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

Debleskri gili 69:12

Har rivom i gono an, te sikrap har pharo miro dji hi, kran le i sapaskri gili pral mande.

Gosewe laba 13:13

Koleske, kay i lačo lab i heryentsa stakrell, djal djoungeles. Koleske, kay rikrell pes ap ko lab, djal mishto.

Gosewe laba 13:18

An čorvlepen oun ladj vell kova, kay moukell pes či te penell. An-diklo vell kova, kay shounell, te vell lo trad dino.

Gosewe laba 17:10

Te čingreh yekeha, kay moukell pes čomone te penell, lell yob kova peske boudeder an o dji, har te dell yek sheel kope an i dineleste dren.

Gosewe laba 25:12

I gosevo mensho, kay trad dell, oun i kand, hoy ap leste shounell, kolla hi har i sonakaskri goustri oun i sonakaskri verkli troul i meen.

Gosewe laba 27:6

Laba, hoy doukrenn har dava oun venn tiro malestar, hi feteder har i čoumma kolestar, kay touke čilačes hi.

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Gosewe laba 9:8

Te peneh i pre-phourdes, kay kova, hoy lo kras, gar mishto hi, palle vell lo rhoyedo ap toute. Te peneh i goseves, kay kova, hoy lo kras, gar mishto hi, palle kamell lo tout.

Sikepaskro 12:11

I laba, hoy i goseve rakrenna, hi har soubya. Oun kova, hoy le penenn, djal dour an o mensheskro dji. Kova, kay rakras len, hi har i bakrengro, kay dell garda ap peskre bakre.

Sikepaskro 7:4

O gosevo djal kote, kay yek meras oun i menshe rovenna. O dinelo djal kote, kay sapaske hi.

Sikepaskro 9:17

I gosevo rakepen, hoy kek golyah rakedo vas, hi boudeder moldo har i rayeskri bari gole mashkral i dinelendar.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!