Sikepaskro 7:29 - O Debleskro Lab 2024 (Sinte-Manouche)

²⁹ Dik, kova kokres hatsom: O Devel kras o menshes yaake, te djivell lo an o čačepen; i menshe rodenn penge boud dromma, kay nay krenn le čilačepen.

O Debleskro Drom 2021 (Sinte)

²⁹ Dik, kowa kokres hatsom: O Dewel kras o menshes jaake, te djiwell lo an o tchatchepen; i menshe rodenn penge bud dromma, kai nai krenn le tchilatchepen.

Sikepaskro 7:29 Iomraidhean Croise

1. Mose 5:1

Kova hi ko liil, kay i laba činlo hi kol menshendar, kay van pal o Adam. Ap ko dives, har o Devel o menshes kras, kras les lo yaake har yob hi.

Debleskri gili 106:29

O baro Debles tapras i bari rholi pral kova, hoy peskre menshe kran. Oun yob moukas i pharo nasslepen pral lende te vell.

Debleskri gili 106:39

oun kran pen pale-čiddo koleha, hoy yon kran, oun peran o baro Debleskro dromestar tele.

Debleskri gili 99:8

Baro Devel, tou hal maro Devel. Tou shounal len, oun lal i doosh tire menshendar krik, ninna te dal len i phagi koleske, hoy yon kran.

Sikepaskro 8:1

Kay hi ko mensho, kay hi čačepah gosevo? Kay hi kova, kay hayvell te penell, hoske čomone yaake hi har kova hi? Dik i menshes an i yaka, palle nay peneh, hi lo gosevo oder gar. Te hi lo gosevo, palle dikell lo lačes ap i vavareste. Leskro gosvepen lell leskri rholi krik.

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Ezekiel 28:15

Ap ko dives har tout krom, his kek doosh ap toute. Oun yaake ačal bis ko dives vas, kay čilačepen kral.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.