Sikepaskro 7:2 - O Debleskro Lab 2024 (Sinte-Manouche)

² O mensheske hi feteder te djal lo an i kheer, kay yek meras oun i menshe rovenna, har te djal lo an i kheer, kay krenn le i biyab. Kote, kay yek meras, vell diklo, kay hako mensho hounte merella. Oun koon gomme djido hi, moukell pes kova an o dji te djal.

O Debleskro Drom 2021 (Sinte)

² O mensheske hi feteder te djal lo an i kheer, kai jek meras un i menshe rowenna, har te djal lo an i kheer, kai krenn le i bijab. Kote, kai jek meras, well diklo, kai hako mensho hunte merella. Un koon gomme djido hi, mukell pes kowa an o dji te djal.

Sikepaskro 7:2 Iomraidhean Croise

Debleskri gili 90:12

Sike men, har sik maro djipen trouyel hi, te vas mer gosevo.

Sikepaskro 2:14

Kova, kay gosevo hi, dikell, kay lo djal. O dinelo nashell an i rati. Oun ninna hayvom, yekeske djal har o vavareske.

Sikepaskro 2:16

I goseve hounte merenn, oun i dinele ninna. Oun ko gosevo vell yaake sik bistedo har ko dinelo. An i tsirya kay venna, hi halauter bistedo.

Sikepaskro 3:19

O mensheske djal har o firheske: I firhe merenna, yaake merenn ninna i menshe. Oun len halauter hi i dourho. Oun o menshes hi či glan-vi glan o firho. Čačepah, kova hi phares te hayvell.

Sikepaskro 3:20

Halauter hounte merell, hako djipen vas dran i čik, oun hako djipen vell pale čik.

Sikepaskro 6:6

Ninna te vals kova douy zerya bersha phouro, les vals či peskro djipastar – hake douy hounte meran.

Sikepaskro 9:2

Halauter hounte merenna. Kova djal yaake yekeske har ko vavareske, koleske, kay shounell ap o Debleste har koleske, kay kamell či o Deblestar te djinell, koleske, kay krell o lačepen oun koleske, kay krell o čilačepen, koleske, kay hi erligo oun koleske, kay hi pale-čiddo, koleske, kay rhačrell firhen o Debleske har koleske, kay rhačrell kek firhen leske. Yaake har o lačeske djal, yaake djal o čilačeske. Oun kova, kay dell pes sovel, koleske djal yaake har koleske, kay kamell pes gar sovel te dell.

Sikepaskro 9:3

Kova hi koy bibarht pash halauter, hoy djal ap kay phoub, te djal ko yekeske har ko vavareske djala. Oun koy pashel hi o dji o menshendar pherdo čilačepen oun pherdo dinlepen, yaake rah har yon djivenna; pal kova merenn le!

Sikepaskro 9:5

I djide djinenna, kay hounte merenn le, i moule djinenn či. Koleske, hoy le kran, vell len vitar bouder či. Bistedo hi le.

Jesaja 47:7

Oun tou penal: Me ačau rayetsa hako tsiro. Oun moukal gar an tiro dji te djal, te nay perals kava koova ap toute pale. Har kova vin djals, his touke či moldo.

Jeremia 16:8

Tou djas vitar gar an i kheer, kay krenn le i biyab, te vess pash lende beshdo, te rhas oun piyess!

Haggai 1:5

Doleske penell o baro Devel, ko ray pral o bolepen oun i phoub: Denn garda har t'menge djala:

4. Mose 23:10

Kek djinell, har boud menshe o Yakobeskre menshe hi. Ava, kek nay hatsell vin, har boud zerya i Israelitarya hi? Me kamau, te merap yaake har yek lendar, kol čače menshendar. Miro merepen mou vell har lengro merepen!

Mateo 5:4

Barhtele hi kolla, kay kanna rovenna. O Devel lell lengri douk dran lengro dji.

5. Mose 32:29

Har kamaus, te vans le gosevo! Palle hayvans le, hoy ap lende vella.

5. Mose 32:46

Denn yak ap kal tsele laba, hoy t'menge kava dives penom. Penenn len ninna t'mare čavenge, oun denn len trad, te rikrenn le pen ap kol tsele čačepaskre laba, oun djivenn pal lende.

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

Hebrearja 9:27

Oun yaake har i tsele menshe hounte merenna yek kopo, oun palle rakrell o Devel o čačepen pral lende vin,