Sikepaskro 7:14 - O Debleskro Lab 2024 (Sinte-Manouche)

¹⁴ Te hi tout i lačo tsiro, palle mouk les touke lačes te djal. Te hi tout i djoungelo tsiro, palle dikess dren: O Devel kras ko yek tsiro har ko vavar, te djinell o mensho gar, hoy vella an kol divessa, kay venna.

O Debleskro Drom 2021 (Sinte)

¹⁴ Te hi tut i latcho tsiro, palle muk les tuke latches te djal. Te hi tut i djungelo tsiro, palle dikess dren: O Dewel kras ko jek tsiro har ko wawar, te djinell o mensho gar, hoi wella an kol diwessa, kai wenna.

Sikepaskro 7:14 Iomraidhean Croise

1. Rajengro liil 8:47

Oun te lenn tire menshe les penge ap o dji an ko vavar them, kay yon pandle hi, oun yon kamenn pale tiro drom te djal oun mangenn pen tele glan toute oun penenna: “Mer anam doosh ap mende oun kram čilačepen oun moukam tiro drom.”

Hiob 2:10

O Hiob penas ap late: “Tou rakreh yaake har i dineli čay rakrell. O lačepen lam o Deblestar. Las mer gar ninna o čilačo koova lestar?” Ninna te vas kova lauter yaake, anas o Hiob kek doosh ap peste oun vitsras o Debleske kek čilačepen glan.

Debleskri gili 119:71

His mishto mange, te dal man i phagi, te shounap ap toute oun krau hoy tou mandar kameh.

Debleskri gili 40:3

Yob hadas man vin dran i grufta, dran o merepen oun i čik, oun čivas mire pire ap i baro bar, te vap zoreles tardo.

Sikepaskro 10:14

Ko dinelo krell boud laba oun hayvas gar, kay kek mensho djinella, har halauter vella. Oun kek nay penell leske, hoy pal leste vella.

Sikepaskro 11:9

Terno morsh, mouk tiro dji te givell an tire terne bersha! Ab barhtelo yaake rah, har terno hal. Kre, hoy tiro dji touke penella oun tire yakentsa mishto hi; oun biste gar, te vell i dives, kay rakrell o Devel o čačepen vin pral toute oun halauter, hoy kral.

Sikepaskro 12:13

Kova lauter, hoy kate penlo vas, hi khetne lino kova: Shoun ap o Debleste oun rike leskre laba! Kova molell i tsele menshenge.

Sikepaskro 12:8

Halauter hi čičeske, penell o sikepaskro, čičeske hi halauter.

Sikepaskro 3:22

Yaake dikom dren, či hi feteder, har te krell i mensho barhteles peskri boudi; i barhtelo dji hi leskro bravlepen. Kek nay penell o mensheske, hoy ap i phoub djala, te hi lo bouder gar koy.

Sikepaskro 3:4

O ropaske hi yek tsiro, oun o sapaske hi yek tsiro. Dell tsirya, kay rovell maro dji, oun vavar tsirya, kay khelah i barhtyatar.

Sikepaskro 5:17

Kova hi, hoy me dikom dren, oun hoy mishto hi, oun ko feteder, hoy nay krah an maro tikno djipen, hoy o Devel men das, te rhas mer oun piyas oun kras i barhtelo djiyeha mari boudi. Yaake kamell kova o Devel mendar.

Sikepaskro 8:7

Mer djinah gar, hoy vella. Koon nay penell menge, har halauter vella?

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 42:25

Kote moukas lo peskri bari rholi pral mende te vell, oun moukas men an i zorelo kourepen te vell. Leskri rholi his troul mende trouyel har i yag, oun mer hayvam kova gar. Ninna har rhačras men leskri rholi, lam kova gar an mare djia.

Jeremia 23:20

O baro Debleskri rholi moukell gar tele, bis te kras lo, hoy les glan his. I tsiro vell, kay hayvenn t'mer kova.

Ropaskre gilja 3:38

Kova hi o Devel pral halauter, kay penell, te vell i bibarht oun ninna i barht.

Micha 6:9

Shounenn, hoy dell o baro Devel gole pral o foro Yerusalem! – Koon gosevo hi, kova lell leskre laba ap o dji! Shounenn, t'mer menshe, kay venn khetne an o foro!

Mateo 9:13

Kova hounte djinenn t'mer: O Devel penas: Me kamau gar, te marenn mange firhen. Na-a! Me kamau, te hi t'men i baro dji i vavarenge. Me vom gar, te dap kolen pash mande gole, kay djan ap o čačo drom. Na-a! Me vom, te dap kolen pash mande gole, kay hi ap o čilačo drom.”

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

5. Mose 26:11

Ab barhtelo pral ko tselo lačo koova, hoy yob tout oun tiri familya das. De ninna kolestar kol Levitaryen oun kol vi-themaryen, kay mank t'mende hi.

5. Mose 28:47

T'maro baro Devel das t'men boud lačo koova, ava, boudeder har doha lauterestar. Oun t'mer hans gar leske koy i barhtelo djiyeha.

5. Mose 8:3

Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.

5. Mose 8:5

Yaake hayvenn t'mer an t'mare djia, t'maro baro Devel kras t'mentsa har i dad peskro čaveha.

Jakobo 5:13

Te hi yekes t'mendar i pharo tsiro, penell lo o Debleske, hoy leske phares hi! Te hi yek barhtelo, givell lo o Debleske gilya!