Sikepaskro 6:3 - O Debleskro Lab 2024 (Sinte-Manouche)

³ Nay vell i morsh, koleske venn sheel čave boldo, oun yob djivell boud bersha. Te vals lo yaake phouro oun vals gar barhtelo pral o lačepen an peskro djipen, oun leske vals vitar kek paskepen kerdo, kolestar penau me: I ternepen, kay moulo boldo vas, djal feteder har leske.

O Debleskro Drom 2021 (Sinte)

³ Nai well i mursh, koleske wenn sheel tchawe boldo, un job djiwell bud bersha. Te wals lo jaake phuro un wals gar bachtelo pral o latchepen an peskro djipen, un leske wals witar kek paskepen kerdo, kolestar penau me: I ternepen, kai mulo boldo was, djal feteder har leske.

Sikepaskro 6:3 Iomraidhean Croise

1. Mose 33:5

Oun o Esau dikas pre oun dikas i djouvyen i čaventsa oun poučas lestar: “Koon hi kolla, kay pash toute hi?” Penas o Yakob: “Miro Ray, kalla hi mire čave. O Devel his mange yaake lačo, kay das lo man kal čave.”

1. Mose 47:9

Penas o Yakob: “Hom 130 (sheel-te-triyanda) bersh phouro. Kova hi kek phourepen. Man hi kek shoukar djipen. Mire phoure van phoureder har me.”

2. Rajengro liil 10:1

An o foro Samaria djivan efta-deesh čave o Ahabestar. Oun o Yehou činas lila oun bičras len ap kol pralstunende an ko foro Yesreel: ap kol phourende oun ap kolende, kay tserdan o Ahabeskre čaven pre. An ko liil hi dren tardo:

2. Rajengro liil 9:35

Har yon kote djan, te paskrenn le lat, hatsan yon latar či har i kokale o sherestar, i heryendar oun i vastendar.

1. Familjakro liil 28:5

Oun o baro Devel das man boud čave. Mank lende rodas yob miro čaves, o Salomo vin. Koleste das o baro Devel peskro čačo vast, te vell yob baro ray pral Israel.

2. Familjakro liil 11:21

O Roboam kamas i Maaka, kolakro dad o Abishalom his, boudeder har leskre tsele romyen oun vavar djouvyen. Les his 18 (deesh-te-orhta) romyen oun 60 (shob-deesh) vavar djouvyen. Oun yob vas o dad 28 (biish-te-orhta) morsh čavendar oun 60 (shob-deesh) čendar.

Ester 5:11

Glan lende phourdas pes o Haman pre oun penas lenge, har baro leskro bravlepen hi, oun kitse morsh čave les hi, oun har hadas les o baro ray oun čivas les pral i tsele pralstunende oun pral i tsele rayeskre boudepangre.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Hiob 3:11

Hoske merom me gar, har boldo vom, har me dran late vin vom?

Hiob 3:16

Palle čivans le man tel i phoub har sau ternepen, hoy glan o tsiro moules boldo vas. Palle voms paskedo har savo čavo, hoy o kham kek tsireske dikas.

Debleskri gili 58:8

Kre te ačenn le gar djido, oun hounte krik djan har pani, hoy an i phoub nashell. Te čivenn le pengre fayle an, mouk len tele phagenn.

Gosewe laba 17:6

Čavengre čave hi har i rayeskri stadi i phourenge. Oun i čave sharenn pen pengro papeha oun pengri mami.

Sikepaskro 4:3

Oun feteder har kol douyenge hi koleske, kay vas gar boldo oun dikas gar ko tselo čilačepen, hoy vell kerdo ap i phoub.

Sikepaskro 6:4

Ko ternepen vas boldo kek djipah, oun an i rati djal lo koy. Kek nay djinell, hoy lestar vals.

Jeremia 22:19

Yob vell gar paskedo, yob vell krik tserdedo har i mouli bourika, oun vin vitsedo glan i voudya o forestar Yerusalem.

Jeremia 36:30

Doleske penau pral toute, Yoyakim, ray pral Youda: Kek tire čavendar vell pal toute o ray pral o Davideskro them. Tou mereh oun veh vin vitsedo oun ačeh čiddo an o kham ap o dives oun an o shilapen an i rati.

Jeremia 8:2

Oun kol kokale venn koy trouyel vitsedo glan o kham oun o čon oun i tsele bolepangre momlia, kolen kaman kol menshe, oun mangan len an, oun nashan lenge pal. Kolendar poučan yon oun sharan len. Kol kokale venn gar pre hadedo oun venn gar paskedo. Yon venn foul i phoubyake.

Mateo 26:24

O Mensheskro Čavo hounte merella, yaake har hi lestar činlo an o Debleskro lab. Havi bibarht vell ap koleste, kay ap leste phoukrella! Koleske vals feteder, te vals lo gar boldo.”