Sikepaskro 6:12 - O Debleskro Lab 2024 (Sinte-Manouche)

¹² Kek djinella, hoy o mensheske mishto hi an peskro djipen, hoy yaake tikno hi. Kava dives hi lo koy oun o vavar dives bouder gar. Oun koon nay penell o mensheske, hoy pal leste vella ap kay phoub?

O Debleskro Drom 2021 (Sinte)

¹² Kek djinella, hoi o mensheske mishto hi an peskro djipen, hoi jaake tikno hi. Kau diwes hi lo koi un o wawar diwes buder gar. Un koon nai penell o mensheske, hoi pal leste wella ap kai phub?

Sikepaskro 6:12 Iomraidhean Croise

1. Familjakro liil 29:15

Har mare phoure ham mer ninna vi-themarya glan toute, ham i tikno tsiro ap kay phoub oun djah doureder. Maro djipen ap kay phoub hi har i shatto oun ačell gar.

Hiob 14:2

Har i blouma vell lo baro oun merell tele. Yaake har i shatto, hoy vell bouder gar diklo, te djal o kham tele, hi lo bouder gar.

Hiob 14:21

Te venn leskre čave an-dikle menshe, yob djinell kova gar. Te vell tele diklo ap lende, yob hayvell kova gar.

Hiob 8:9

Hi yaake har te vams boldo taysar. Mer djinah či. Maro tsiro, kay ham ap kay phoub, hi tikno har i souni.

Debleskri gili 109:23

Miro djipen nashella mandar yaake har o dives, te vell i rat. Oun me vau krik phourdedo har i stepaskro.

Debleskri gili 144:4

Har i dourho hi lo. Leskro djipen djal trouyel har i souni.

Debleskri gili 16:5

Tou, baro Devel, hal miro bravlepen, oun deh man lauter, hoy man hounte vell djipaske. Miro tselo djipen hi an tiro vast.

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Debleskri gili 4:6

Denn kova o Debleste, hoy mishto oun čačo hi! Oun patsenn, te krell o baro Devel lauter mishto!

Debleskri gili 47:4

Yob vitsras menge i menshen dran vavar themma tel mare pire, oun čivas men pral lende.

Debleskri gili 89:47

Baro Devel, har rah kameh tout gomme te khatrell? Har rah moukeh tiri rholi te rhačrell har i yag?

Sikepaskro 10:14

Ko dinelo krell boud laba oun hayvas gar, kay kek mensho djinella, har halauter vella. Oun kek nay penell leske, hoy pal leste vella.

Sikepaskro 12:13

Kova lauter, hoy kate penlo vas, hi khetne lino kova: Shoun ap o Debleste oun rike leskre laba! Kova molell i tsele menshenge.

Sikepaskro 2:24

Či hi feteder o mensheske, har te rhal lo oun piyell lo oun vell barhtelo pral kova, hoy lo krell. I barhtelo dji, kova dikom, vell dran o Debleskro vast.

Sikepaskro 2:3

An miro rodepen pal o gosvepen rakrom miro djiyeha, oun penom mange: Pi touke i mool, te vess barhtelo. Oun yaake har i dinelo vom mato. Koy poučom mandar: Hi savo koova mishto o mensheske an peskro tikno djipen?

Sikepaskro 3:22

Yaake dikom dren, či hi feteder, har te krell i mensho barhteles peskri boudi; i barhtelo dji hi leskro bravlepen. Kek nay penell o mensheske, hoy ap i phoub djala, te hi lo bouder gar koy.

Sikepaskro 6:11

Yaake boud rakrell lo, yaake boudeder hi leskro rakepen či-moldo. Hoy anell kova o mensheske?

Sikepaskro 7:15

Me dikom boud koova an miro djipen, hoy hayvom me gar: Koy hi i lačo morsh, kay djivas i čačo djipen, oun yob merella glan te vas lo phouro. Oun koy hi i rhorheno morsh, ko djivell an o čilačepen, oun yob djivell i rah djipen.

Sikepaskro 8:13

O čilačeske djal gar mishto. Oun yaake har i shatto gar rah koy hi, djivenn kolla gar rah, kay kamenn či o Deblestar te djinell.

Sikepaskro 8:7

Mer djinah gar, hoy vella. Koon nay penell menge, har halauter vella?

Sikepaskro 9:6

Har i menshe kaman len, oun har rhoyran le pen pral lende, oun har zilveran yon ap lende, kova lauter hi bouder gar koy. Len hi či bouder i menshentsa ap kay phoub khetne, oun koleha, hoy kerdo vell ap kay phoub.

Sikepaskro 9:9

Mouk les touke mishto te djal an tiro djipen tiri romyah, kay tou kameh, yaake rah har tout kava djipen hi, hoy tout o Devel das, oun hoy yaake sik trouyel hi. Savi barht vas touke o Deblestar pash tiri tseli boudi, hoy tou hounte kress kate ap kay phoub.

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Jakobo 4:14

Yaake rakrenn t'mer oun djinenn gar, hoy taysar hi! T'maro djipen hi har i dourho, hoy ačella gar. T'mer han i tikno tsiro djido. Oun ap yek kopo han t'mer bouder gar koy.