Sikepaskro 5:6 - O Debleskro Lab 2024 (Sinte-Manouche)

⁶ Čačepah, boud sounya oun boud laba molenn či. Dran kova kre kova, hoy o Debles sharell!

O Debleskro Drom 2021 (Sinte)

⁶ Tchatchepah, bud sunja un bud laba molenn tchi. Dran kowa kre kowa, hoi o Debles sharell!

Sikepaskro 5:6 Iomraidhean Croise

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

Gosewe laba 23:17

Ma zilve ap kolende, kay o Debleskro drom moukan. Hako dives de yak, te djivess o baro Debleha.

Sikepaskro 10:12

O rakepen hoy dran o goseveskro mouy vin vella, anell leske an-dikepen, o dineleskro rakepen rhal les pre.

Sikepaskro 3:14

Me hayvom, kay halauter, hoy o Devel krella, hako tsireske ačella. Kek mendar nay krell čomone pashel, oun kek mendar nay lell čomone krik. Kova halauter krell o Devel, te sharas mer les.

3. Mose 4:2

Rake i Israelentsa oun pen lenge: Te kras yek čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 4:22

Te kras i pralstouno čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

4. Mose 15:25

Oun yaake krell o rashay i tsele menshenge Israel, te vell lauter pale mishto mank lende oun o Debleste. Oun koy doosh vell lendar krik lino, – koy doosh, kolatar yon gar djinan, kay kaya i doosh hi, oun kolake yon firhen anan oun rhapen rhačepaske o baro Debleske.

1. Korintarja 11:10

Doleske hounte čakrell i romni peskro shero, te dikenn i bolepangre, kay lakro rom o pralstouno pral late hi.

1. Timoteo 5:21

Me penau touke zoreles glan o Debleste, oun glan o Yezous Kristeste, oun glan kol Debleskre bolepangre, te rikress tout ap ko koova, hoy me touke kanna penom! Pash hakeneste dja pal o čačepen! Ma tserde yekes glan o vavareste!

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Jakobo 1:26

Te penell i mensho: “Me djivau pal o Debleskro lab,” oun yob rikrell peskro mouy nay gar, kova rhorhell pes kokres. Oun kova, hoy yob o Debleske krella, hi či moldo.

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.

2. Johanni 1:8

Denn yak, te nashrenn gar kova, hoy mer t'men sikram, te vell t'men ninna ko tselo bravlepen, hoy o Devel kamell t'men te dell.