Sikepaskro 5:5 - O Debleskro Lab 2024 (Sinte-Manouche)

⁵ De garda te rakress gar savo koova, hoy nay rikreh gar dren! Ma pen glan i Debleskro morsheste: Kova kamom gar te penell. O Debles nay vell i rholi pral tire laba, oun yob nay moukals kova gar mishto te djal, hoy tire vastentsa kral.

O Debleskro Drom 2021 (Sinte)

⁵ De garda te rakress gar sawo koowa, hoi nai rikreh gar dren! Ma pen glan i Debleskro mursheste: ‘Kowa kamom gar te penell’. O Debles nai well i choli pral tire laba, un job nai mukals kowa gar mishto te djal, hoi tire wastentsa kral.

Sikepaskro 5:5 Iomraidhean Croise

Gosewe laba 20:25

Kova, kay sik penell: “Me dau man sovel pash o baro Debleste, te dap les kava te kova”, oun moukell les peske gar glan kova an o shero trouyel te djal, har nay rikrell lo peskro lab, koleske hi peskre laba har dorya, an kolende yob dren stakrell oun perell.

3. Mose 5:4

Te dell yek pes sovel, yaake te rakrell leskro mouy sik, oun yob hayvell pal i tsiro, hoy lo kras, – hi yek, te hi kova, hoy lo penas, lačo oder čilačo leske – palle anas lo i doosh ap peste.

Jona 2:9

Kolla kay rikrenn pen ap čičeskro koova, rikrenn pen bouder gar ap toute.

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

Bičepangre 5:4

Tou nay rikrals tiro kotar phoub. Oun har bikral les, nay rikrals kol love ninna. Har nay kral tou savo koova? Tou rhorhral gar i menshen. Tou rhorhral o Debles.”

5. Mose 23:21

Yekestar, kay hi dran i vavar them, nay leh tou boudeder, har tou leske patsal, tiro phralestar less tou gar boudeder. Palle nay dell tout tiro baro Devel barht an halauter, hoy tou an-tapreh an ko them, an koleste t'mer venn, te lenn les t'menge dren.

5. Mose 23:22

Te dal tou tout sovel glan tiro baro Debleste, palle ma mouk touke kek tsiro, te playsress kova ninna. Tiro baro Devel dikell koy pre, te deh tou kova leste. Te deh les gar, aneh tou doosh ap toute.

Čačepangre 11:35

Oun har yob lat dikas, kote tserdas lo i koola pestar tele, oun penas: “Ah miri čay, havi bari douk kreh tou mange! Miro dji rovell touke! Me dom o baro Debleste miro lab, oun nay lau les gar bouder pale.”