Sikepaskro 5:17 - O Debleskro Lab 2024 (Sinte-Manouche)

¹⁷ Kova hi, hoy me dikom dren, oun hoy mishto hi, oun ko feteder, hoy nay krah an maro tikno djipen, hoy o Devel men das, te rhas mer oun piyas oun kras i barhtelo djiyeha mari boudi. Yaake kamell kova o Devel mendar.

O Debleskro Drom 2021 (Sinte)

¹⁷ Kowa hi, hoi me dikom dren, un hoi mishto hi, un ko feteder, hoi nai krah an maro tikno djipen, hoi o Dewel men das, te chas mer un pijas un kras i bachtelo djijeha mari budi. Jaake kamell kowa o Dewel mendar.

Sikepaskro 5:17 Iomraidhean Croise

1. Mose 3:17

Oun ap o romeste penas o Devel: “Tou shounal ap tiri romyate oun rhal ko roukestar, kay penom touke: Ma rha kolestar. Doleske vell bibarht ap i harhetikri phoub. Tou boudress phares ap i phoub, te vell tout rhapaske, yaake rah har djiveh.

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”

2. Rajengro liil 1:2

Ko baro ray, kay pal o Ahab vas, his o Ahasya. His i dives, har his lo an peskri pralstouni isema an o foro Samaria, koy peras lo tele dran i vorhni oun doukras pes. Oun yob bičras morshen an o foro Ekron oun penas ap lende: “Djan koy oun poučenn o deblestar Baal-Seboub, – kova hi o devel o forestar Ekron: Vau me pale sasto?”

2. Rajengro liil 1:6

Yon penan ap leste: “Koy vas i morsh pash mende, har mer ap o drom hams, oun penas ap mende: Djan pale pash o baro rayeste, kay bičras t'men, oun penenn ap leste: Kova penell o baro Devel: Hi kay kek Devel an Israel? Hoske bičreh morshen pash o Baal-Seboub, ko devel pral Ekron, te poučess lestar? Doleske veh tou gar bouder tiro čiben tele, kay tou pre čiddo hal. Čačepah tou mereh.”

2. Rajengro liil 5:27

Ko nasslepen, hoy o Naamanes ap peskro mass his, perell ap toute oun tire menshende, kay pal toute venna.” Koy djas o Gehasi lestar krik, oun ko nasslepen his ap leskro mass oun dikas vin har gib.

Hiob 21:25

Ko vavar merell pal i pharo djipen oun dikas kek barht.

Debleskri gili 102:9

Hako dives sanenn kolla pral mande, kay kamenn mange čilačepen, oun praasenn man.

Debleskri gili 127:2

Čičeske hi, te stenn t'mer sik taysarlakro pre, oun han beshdo bis an i rat, oun marenn t'men tele, te lenn t'maro rhapen. Kova dell o baro Devel peskre malen an o sopen.

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskri gili 78:33

Koy kras lo, te djal lengro djipen sik trouyel, oun lengre bersha his pherdi daar.

Sikepaskro 2:10

Halauter hoy mire yaka kaman, kova dom len. Oun miro djiyeske dom halauter, hoy moukas les te bashrell. Yaake vom barhtelo pral halauter hoy krom. Oun halauter, koleske man tele marom, anas mange čačepah barht an o dji.

Sikepaskro 2:23

Leskro tselo djipen hi pherde douka, oun leskro boudepen pherdo ropen. Ninna an i rati nay sovell lo gar. Kova hi ninna čičeske.

Sikepaskro 2:24

Či hi feteder o mensheske, har te rhal lo oun piyell lo oun vell barhtelo pral kova, hoy lo krell. I barhtelo dji, kova dikom, vell dran o Debleskro vast.

Sikepaskro 7:14

Te hi tout i lačo tsiro, palle mouk les touke lačes te djal. Te hi tout i djoungelo tsiro, palle dikess dren: O Devel kras ko yek tsiro har ko vavar, te djinell o mensho gar, hoy vella an kol divessa, kay venna.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.