Sikepaskro 5:16 - O Debleskro Lab 2024 (Sinte-Manouche)

¹⁶ Peskro tselo djipen moukas lo pes gar mishto te djal. Boud pharo koova djas leske an o shero trouyel oun kras leske daar. Oun koy pashel vas nasslepen oun rholi an leskro djipen.

O Debleskro Drom 2021 (Sinte)

¹⁶ Peskro tselo djipen mukas lo pes gar mishto te djal. Bud pharo koowa djas leske an o shero trujel un kras leske daar. Un koi pashel was nasslepen un choli an leskro djipen.

Sikepaskro 5:16 Iomraidhean Croise

Gosewe laba 11:29

Kova, kay gar yak dell ap peskro kheer oun ap peskri familya, pral koleste vell i phourdepen, hoy lauter krik phourdell. Oun ko dinelo vell palle o boudepaskro kolestar, koles i gosevo dji hi.

Sikepaskro 1:3

Hoy lell o mensho peske dran peskri tseli phari boudi, hoy les hi ap kay phoub?

Sikepaskro 2:11

Oun har dikom ko tselo koova, hoy mire vasta kran, oun koy boudi, hoy man koy pashel his, kote hayvom, lauter hi čičeske, har te nashoms pal o dourho, hoy djal pral i phoub. Oun či vell vin dran halauter, hoy krom an miro djipen.

Sikepaskro 3:9

Hoy vell koleske vin, kay krell peskri boudi oun marell pes tele?

Sikepaskro 5:13

Oun i bibarht vell oun yon nashrenn halauter. Oun te hi i čavo koy, ačell leske či an o vast.

Jesaja 26:18

Har savi djouvel hams an bari douk. Mare douka his čičeske oun anan menge či. Maro them nay lam gar vin dran i vasta i čilačendar. Mer vam gar i zorleder pral lende.

Jeremia 2:8

T'mare rashaya poučan gar: Kay hi o baro Devel? Har penan le i menshenge, hoy te krenn le, rikran le pen gar ap mire laba. Oun kol pralstoune pral mire menshende hadan pen pral mande, oun shounan bouder gar ap mande. Oun mire rakepangre, kay hounte penans mire laba doureder, rakran an o lab ko rhorheno deblestar Baal, oun mangan figuren an, kay kek devel hi.

Hosea 8:7

Kova, hoy le krenn, hi har te čivans le i dourho an i phoub oun kek djob. Oun hoy vin vell, hi i baro phourdepen. Kek djob vell baro. Kova hoy pre djal, anell kek yarro. Oun te anals kova yarro, vans vavar menshe oun rhans les pre.

Markus 8:36

I mensheske vals kova gar mishto, te lals lo o tselo bravlepen ap kay phoub, oun nashrals peskro djipen.

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

1. Korintarja 16:16

shounenn ap kolende oun ap savende har yon, kay boudrenn o Debleske pengri tseli zoryah!

1. Samuel 12:21

Ma nashenn kol rhorhene deblenge palla, hoy či molenna, oun hoy t'men gar vin nay lenna dran o merepen. Yon hi či.