Sikepaskro 5:14 - O Debleskro Lab 2024 (Sinte-Manouche)

¹⁴ Yaake har yek nanges boldo vas, yaake djal lo pale, har lo vas. Ninna te boudras lo boud, nay lell lo či pestar peha, te merell lo.

O Debleskro Drom 2021 (Sinte)

¹⁴ Jaake har jek nanges boldo was, jaake djal lo pale, har lo was. Ninna te budras lo bud, nai lell lo tchi pestar peha, te merell lo.

Sikepaskro 5:14 Iomraidhean Croise

1. Rajengro liil 14:26

Oun yob las ko tselo bravlepen dran o baro Debleskro kheer oun dran o baro rayeskro kheer, halauter las lo peha, ninna las lo kol sonakangre shilte, kolla, kay moukas o Salomo te krell.

Hiob 1:21

Oun yob penas: “Har boldo vom, his kek koola ap mande. Oun ap ko dives, kay merau, lau kek koola mantsa. O baro Devel das man lauter, hoy man hi. Oun o baro Devel las les pale mandar. Yob vell sharedo!”

Hiob 5:5

Ko djob, hoy yob činas oun dren anas, kova rhan kolla pre, hoy bokenn. Ninna kova, hoy mank i soubyengre bourra bares vas, lan le penge. Bokle menshe rhan leskro bravlepen.

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskri gili 49:18

Te merell lo, lell lo či peha. Leskro tselo bravlepen hounte ačell pale.

Gosewe laba 23:5

Te dikeh tire yakentsa pre, hi o bravlepen gar bouder koy, yaake sik hi lo krik har i čirklo, hoy hadell peskre moussya oun hadell pes an o bolepen.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Sikepaskro 5:13

Oun i bibarht vell oun yon nashrenn halauter. Oun te hi i čavo koy, ačell leske či an o vast.

Sikepaskro 5:15

Yob hounte djal, har lo vas. Kova hi i bari bibarht leske. Leskri phari boudyatar ačell leske či. Kova hi, har te marals lo pes tele čičeske.

Haggai 1:9

T'mer kamenn boud, oun gar boud hi, hoy lenn t'mer. Oun te kamenn kova khere te anell, lau les t'mendar. Hoske kova? penell o baro Devel, ko ray pral o bolepen oun i phoub. Miro kheer hi paash dino oun čiddo an kotya. Oun hakeno t'mendar dikell kokres ap peskro kheer.

1. Samuel 2:36

Kova, kay dran tiro kheer pral ačas, vell palle pash leste oun vitsrell pes tele glan leste, te mangell lo peske i roupeni bema oun i kotar maro lestar, oun penell ap leste: “Mouk man rashayengre boudi te krell, te vell man i kotar maro te rhal.”