Sikepaskro 3:4 - O Debleskro Lab 2024 (Sinte-Manouche)

⁴ O ropaske hi yek tsiro, oun o sapaske hi yek tsiro. Dell tsirya, kay rovell maro dji, oun vavar tsirya, kay khelah i barhtyatar.

O Debleskro Drom 2021 (Sinte)

⁴ O ropaske hi jek tsiro, un o sapaske hi jek tsiro. Dell tsirja, kai rowell maro dji, un wawar tsirja, kai khelah i bachtjatar.

Sikepaskro 3:4 Iomraidhean Croise

1. Mose 21:6

Oun i Sara penas: “O Devel das man i sapen. Hakeno, kay shounella, hoy mange djas, sal mantsa.

2. Samuel 6:16

Oun har o Debleskro morhton an o Davideskro foro anlo vas, dikas i Mikal, kolakro dad o Saul his, dran i vorhni, oun dikas o baro rayes o David, har yob khelas oun stas glan o Debleste, oun an lakro dji dikas li tele ap leste.

Debleskri gili 30:11

Shoun, baro Devel, oun ab mange lačo! Ab ap miri rig, miro baro Devel!”

Debleskri gili 30:5

Bashrenn o baro Debleske, t'mer, kay han leskro! Sharenn les, oun bistrenn gar, te hi lo o Devel.

2. Mose 15:20

Oun i Miryam, o Aroneskri pheen, his i Debleskri rakepaskretsa. Oun yoy las peskri bashepaskri, hoy kharella pauka, an o vast, oun i tsele djouvya lan ninna pengre bashepangre, oun djan lake palla, oun bashran oun khelan.

Sikepaskro 3:5

Yek tsiro hi koy, te vitsras barra, oun yek tsiro, te čivas barra khetne. Dell yek tsiro, kay taprah men trouyel, oun yek tsiro, kay taprah men bouder gar trouyel.

Sikepaskro 7:14

Te hi tout i lačo tsiro, palle mouk les touke lačes te djal. Te hi tout i djoungelo tsiro, palle dikess dren: O Devel kras ko yek tsiro har ko vavar, te djinell o mensho gar, hoy vella an kol divessa, kay venna.

Jesaja 40:1

“Rakrenn lačes mire menshentsa, oun khossenn lengre sva”, penell t'maro Devel.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Mateo 11:17

Mer bashram t'menge. T'mer khelan gar. Mer givam moulengre gilya. T'mer rovan gar.

Mateo 9:15

Penas o Yezous ap lende: “Yaake rah har o biyabeskro ap i biyab hi, hi peskre mala barhtelo. Ko tsiro vella, kay vell o biyabeskro lendar lino. Ap ko tsiro rhan le oun piyenn le či, te mangenn le o Debles an.

Louka 1:58

Lakre menshe oun kolla, kay djivan troul late, shounan kova, oun van barhteles lah pral ko baro lačepen, hoy o Devel kras ap late.

Remarja 12:15

Avenn barhteles kolentsa, kay barhtelo hi! Rovenn kolentsa, kay rovenna!

2. Korintarja 7:10

Te hi yekes ropaske pral peskri doosh, oun o Devel dikell lačes ap leste, anell les kova ap o Debleskro drom, oun o Devel dell les o djipen. Oun kova khaytell kekes. Te hi yekes ropaske pral i phoubyakro koova anell les kova an o merepen.

Jakobo 4:9

Denn gole pral t'maro čilačo djipen! Rovenn koy pral! Ma san gar bouder! Avenn bibarhtelo oun bouder gar barhtelo!