Sikepaskro 3:2 - O Debleskro Lab 2024 (Sinte-Manouche)

² Yek tsiro hi koy, kay o mensho boldo vella, oun yek tsiro hi koy, kay o mensho merella; yek tsiro, kay čivah zenlepen an i phoub, oun yek tsiro, kay vell ko zenlepen pale vin tserdedo.

O Debleskro Drom 2021 (Sinte)

² Jek tsiro hi koi, kai o mensho boldo wella, un jek tsiro hi koi, kai o mensho merella; jek tsiro, kai tchiwah senlepen an i phub, un jek tsiro, kai well ko senlepen pale win tserdedo.

Sikepaskro 3:2 Iomraidhean Croise

1. Mose 17:21

Kokres ko koova, hoy me touha vin krom, te vap t'maro Devel oun te venn t'mer mire menshe, kova djal doureder ap o Isaak. Koles leh tou tiri romyatar Sara ko vavar bersh an kava tsiro.”

1. Mose 47:29

Har ko tsiro vas, kay merell lo, kharas yob peskro čaves, o Yosef, oun penas ap leste: “Ab mange lačo, de tiro vast koy pre, kay rikreh tiro lab: Paske man gar an o them Egiptia!

1. Rajengro liil 13:2

Oun yaake har o baro Devel leske penas, das o Debleskro morsh gole: “Rhačepaskri! Rhačepaskri! Shoun, hoy o baro Devel penell! I čavo vell boldo an o Davideskri familya. Leskro lab hi Yosia. Kova marell ap toute kol rashayen, kay rhačrenn soungepaskro koova ap toute i moule deblenge. Oun menshengre kokale venn rhačedo ap toute.”

2. Rajengro liil 4:16

Oun yob penas: “Vavar bersh an kava tsiro rikreh tou i čavo an tiri moussi.” Koy penas yoy: “Ah, miro ray, tou Debleskro morsh, kre mange či glan!”

Hiob 14:14

Te merell i mensho, vell lo palle pale djido? Palle bistroms, har djoungeles mange kanna djal, oun dikoms ap ko tsiro, kay mange feteder djal.

Hiob 14:5

Tou penal, har phouro i mensho vell, kitse čonna yob djivell. Oun penal, ap havo dives leskro djipaskro tsiro trouyel hi.

Hiob 7:1

I menshe hounte boudrenn phares ap kay phoub. Pengro tselo djipen marenn le pen tele har i boudepangre, kay venn haki rati playsedo.

Debleskri gili 113:9

Kolat, kay kek čave nay las, hadell lo, te vell li i barhteli day. Sharedo vell o baro Devel!

Debleskri gili 52:5

Tou kameh o čilačepen boudeder har o lačepen. Oun o rhorhepen kameh tou boudeder har o čačepen.

Gosewe laba 24:27

Dja vin ap tiri phoub oun kre tiri boudi! Pal kova le i romni, te vell tout i familya!

Jesaja 28:24

I harho, hoy peskri phoub trouyel boudrell, krell yob kova hako dives? Vitsrell yob pale te pale i phoub pre?

Jesaja 38:1

An kol divessa vas i merepaskro nasslepen pral o Hiskiya. Oun o Debleskro rakepaskro, o Yesaya, koleskro dad o Amoz his, vas pash leste oun penas ap leste: “Kava penell o baro Devel: Tou veh gar sasto kava nasslepastar, oun hounte meress. Doleske pen tire menshenge, har te djal pal tiro merepen doureder!”

Jesaja 38:5

Dja pash o Hiskiya, oun pen leske: “Kava penell o baro Devel, ko Devel tiro dadestar, o Davidestar: Me shounom tiro mangepen, oun me dikom tire sva. Shoun, me kamau pash tiro djipen gomme 15 (deesh-te-panč) bersha pashel te čivell.

Jesaja 54:1

Yerusalem, tou hal har i djouvel, kay kek čave nay lell, kanna gib, tou, kay kek čaves ap i phoub anal, ab barhtelo, gib oun de gole i barhtyatar! O baro Devel penell touke: Tou, koy moukli djouvel, tout venn boudeder čave har kolat, kay romedino hi.

Jeremia 1:10

Dik kay! Me dau tout kay dives penepaske pral boud menshende oun themma, te tradess len vin, phagess len khetne, dess len tele oun kress len paash, oun moukess len pale bares te vell, oun kress len zoreles.

Jeremia 45:4

Pen leske: Kova penell o baro Devel: Dik, miro them, hoy me bares krom, kova krau me paash. Mire menshe, kolendar i natsyona krom, tradau vin dran o them.

Mateo 13:41

O Mensheskro Čavo bičrell peskre bolepangren ap i phoub. Oun yon lenn kolen glan leskre yaka krik, kay kran, hoy o Devel gar kamella, ninna kolen, kay anan i vavaren ap o čilačo drom.

Mateo 15:13

Penas lo: “Yon hi har rouka, kolen gar miro dad an o bolepen an i phoub čivas, oun yon venna dran i phoub vin tserdedo.

Louka 1:13

Koy penas o bolepaskro ap leste: “Ma traash, Zakari! O Devel shounas tout, har tou mangal lestar, te vell t'men i ternepen. Tiri romni Elisabet lella i morsh čaves. Oun koles dess tou ko lab Yohanni.

Louka 1:20

Ap o čačo tsiro vell kova yaake, har touke penom. Tou patsal mire laba gar, oun doleske lell o Devel tiro rakepen yaake rah krik, bis te vell ko dives, kay kova lauter vella.”

Louka 1:36

Shoun, i Elisabet, kay tire menshendar hi, hi an vavar koova an o shobto čon. Yoy hi phouri oun latar vell penlo, kay lell li nay kek čave.

Johanni 16:21

I djouvel, kay lell i ternepen, kolat hi douka. Te hi ko ternepen koy, bistrell li kol douka. Yaake bari hi lakri barht, kay yoy las i ternepen.

Johanni 7:30

Koy kaman yon les te taprell. Oun kek nay hadas o vast ap leste. O tsiro his leske kanna gar koy, kay vell yob tapedo.

Bičepangre 7:17

Palle vas ko tsiro, kay kova vas, hoy o Devel o Abrahameske penas. I Israelitarya van hako dives boudeder an o them Egiptia.

Bičepangre 7:20

An ko tsiro vas o Mose boldo. Oun yob his shoukar an o Debleskre yaka. Triin čon his yob an peskro dadeskro kheer, oun yon dan garda ap leste.

Galatarja 4:4

Har ko čačo tsiro vas, bičras o Devel peskro čaves. Kova vas i mensho, oun pandlo ap o Moseskre laba.

5. Mose 34:5

Oun o Mose, koles o baro Debleskro čačo vast hi, meras kote an o them Moab, yaake har o baro Devel les penas.

Hebrearja 9:27

Oun yaake har i tsele menshe hounte merenna yek kopo, oun palle rakrell o Devel o čačepen pral lende vin,

1. Samuel 2:5

Kolla, kay bravelo his, hounte boudrenn kanna, te lenn le maro. Oun kolla, kay bokan, kolen hi kanna doha te rhal. Koya, kay nay las kek čave, koya las efta. Oun koya, kolat boud čave his, kolake ačell gar yek.