Sikepaskro 3:14 - O Debleskro Lab 2024 (Sinte-Manouche)

¹⁴ Me hayvom, kay halauter, hoy o Devel krella, hako tsireske ačella. Kek mendar nay krell čomone pashel, oun kek mendar nay lell čomone krik. Kova halauter krell o Devel, te sharas mer les.

O Debleskro Drom 2021 (Sinte)

¹⁴ Me haiwom, kai halauter, hoi o Dewel krella, hako tsireske atchella. Kek mendar nai krell tchomone pashel, un kek mendar nai lell tchomone krik. Kowa halauter krell o Dewel, te sharas mer les.

Sikepaskro 3:14 Iomraidhean Croise

2. Samuel 22:31

I tsele dromma, kay o Devel man anella, hi lačo. Leskre laba hi lačo oun čačo. Yob rikrell peskro vast pral hakeneste, kay vell pash leste.

Debleskri gili 33:11

Kova, hoy o baro Devel kamell te krell, ačell zoreles tardo, oun kova, hoy les an peskro dji hi, te krell lo, ačell yaake rah har menshe koy hi.

Debleskri gili 64:9

Lengre laba kokres krenn, te san kolla pral lende, kay dikenn len.

Debleskri gili 76:10

har o Devel pre stas, te rakrell lo o čačepen vin, oun te vell lo halauterenge ap i rig, kay tikno rikedo van ap kay phoub.

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Gosewe laba 30:6

Čip kek lab pash kova pashel, hoy yob penas, te dell lo tout gar trad, oun hakeno dikell, kay hal i rhorheno.

Sikepaskro 12:13

Kova lauter, hoy kate penlo vas, hi khetne lino kova: Shoun ap o Debleste oun rike leskre laba! Kova molell i tsele menshenge.

Sikepaskro 5:6

Čačepah, boud sounya oun boud laba molenn či. Dran kova kre kova, hoy o Debles sharell!

Sikepaskro 5:7

Te dikeh tou, har an o them o čorvelo tele rikedo vell, oun o čačepen tele stakedo vell, oun kek peskro čačepen lell, palle kre kek bare yaka: I pralstoune rikrenn khetne, oun pral lende hi vavar pralstoune, kay rikrenn i vasta pral kolende.

Sikepaskro 7:18

Mishto hi, te rikreh tout ap ko yek lab, oun bistreh vitar gar ko vavar lab. Koon djivell o Debleha, rikrell pes ap kova lauter.

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Daniel 8:8

Oun koy morsh bouzni vas bareder oun bareder. Oun har koy bouzni yaake zorelo vas, phagas ko yek shing tele, oun star vavar shinga van kote vin, kay glanstounes ko yek his. Oun hako shing sikras ap i vavar rig: glan oun pal, čačes oun serves.

Bičepangre 2:23

T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Bičepangre 4:28

Yaake kran yon kova, hoy tou glan i rah tsiro penal, te vell kova lauter yaake.

Bičepangre 5:39

Te hi ko koova o Deblestar, palle nay phagenn les gar. Denn yak, te čingrenn t'mer gar ap o Debleste.” Oun yon shounan ap o Gamaliel.

Remarja 11:36

Lestar vas halauter. Halauter djivell lestar, oun halauter djal pale pash leste. Sharas o Debles kanna oun hako tsiro! Amen.

Efesarja 3:11

Kova, hoy les glan i rah tsiro an peskro dji his, kova kras lo, har yob o Yezous Kristes menge ap i phoub bičras. Kova vas maro ray,

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.