Sikepaskro 3:13 - O Debleskro Lab 2024 (Sinte-Manouche)

¹³ Yaake nay penah: Mer te rhas, piyas oun boudras i barhtelo djiyeha. Kova lauter vell men o Deblestar.

O Debleskro Drom 2021 (Sinte)

¹³ Jaake nai penah: Mer te chas, pijas un budras i bachtelo djijeha. Kowa lauter well men o Deblestar.

Sikepaskro 3:13 Iomraidhean Croise

Debleskri gili 128:2

Tou rhah kolestar, hoy tire vasta boudran. Mishto touke! Touke djal lačo.

Debleskri gili 34:12

Avenn, t'mer čave oun shounenn, hoy me penau! Me kamau t'men te sikrell, har djivenn t'mer o baro Debleha.

Sikepaskro 2:24

Či hi feteder o mensheske, har te rhal lo oun piyell lo oun vell barhtelo pral kova, hoy lo krell. I barhtelo dji, kova dikom, vell dran o Debleskro vast.

Sikepaskro 2:3

An miro rodepen pal o gosvepen rakrom miro djiyeha, oun penom mange: Pi touke i mool, te vess barhtelo. Oun yaake har i dinelo vom mato. Koy poučom mandar: Hi savo koova mishto o mensheske an peskro tikno djipen?

Sikepaskro 6:2

Kote hi yek, koles kras o Devel baro oun an-diklo, das les bravlepen oun boud lačo koova. Yaake hi les halauter, hoy o dji kamella. Oun palle moukell les o Devel gar kolestar te rhal oun barhteles te vell. I vavar lell kova halauter oun rhal les pre. Savo koova hi ninna phares te hayvell oun krell man nasselo.

Sikepaskro 8:15

Doleske penau me: Men hounte vals i dji, hoy barhtelo hi. O mensheske dell či ap kay phoub, hoy feteder hi, har te rhal lo oun te piyell lo, oun te moukell lo les peske mishto te djal. Kova hi, hoy nay krah pash mari tseli boudi an maro djipen, hoy o Devel men das ap kay phoub.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

5. Mose 26:11

Ab barhtelo pral ko tselo lačo koova, hoy yob tout oun tiri familya das. De ninna kolestar kol Levitaryen oun kol vi-themaryen, kay mank t'mende hi.