Sikepaskro 2:8 - O Debleskro Lab 2024 (Sinte-Manouche)

⁸ Me lom mange ninna roup oun sonakay khetne, oun hoy vavar raya oun themma man dan. Me moukom gipangren pash mande khetne te vell, morshen oun djouvyen. Oun man his yaake boud djouvya har kamom, te krenn le man barhtelo.

O Debleskro Drom 2021 (Sinte)

⁸ Me lom mange ninna rup un sonakai khetne, un hoi wawar raja un themma man dan. Me mukom gipangren pash mande khetne te well, murshen un djuwjen. Un man his jaake bud djuwja har kamom, te krenn le man bachtelo.

Sikepaskro 2:8 Iomraidhean Croise

2. Samuel 19:35

Penas o Barsillay ap o baro rayeste: “Me djivau bouder gar rah. Hoske djap me touha tele an o foro Yerusalem?

1. Rajengro liil 10:10

Oun yoy das o baro rayes Salomo 120 (sheel-te-biish) centnarya sonakay, oun boud lačo soungepaskro djet oun boud kouč barra. An kek tsiro bouder vas yaake boud lačo soungepaskro djet an o them, har kova, hoy i rayetsa dran Saba o rayeske Salomo anas.

1. Rajengro liil 10:14

Oun ko sonakay, hoy vas o Salomeske anlo an yek bersh, his 666 (shob-sheel-shob-deesh-te-shob) centnarya sonakay.

1. Rajengro liil 10:21

Oun i tsele pipaskre čare o rayestar Salomo his dran sonakay, oun ko tselo koova an o kheer, hoy kharell Libanoneskro veesh, his dran djoudjo sonakay, či his dran roup kerdo. Rup his an i divessa, kay o Salomo o baro ray his, či moldo.

1. Rajengro liil 11:3

Oun les his 700 (efta-sheel) romya, kay van dran rayengre khera, oun 300 (triin-sheel) vavar djouvya. Oun leskre djouvya rissran leskro dji.

1. Rajengro liil 14:27

Doleske moukas o baro ray Roboam shilte te krell dran lolo saster, oun das len i pralstunende pral kol lourdende, kay dan garda pash o baro voudar glan leskro kheer.

1. Rajengro liil 9:14

Ko tselo sonakay, hoy bičras o Hiram o rayeske Salomo his sheel-te-biish (120) centnarya sonakay.

1. Rajengro liil 9:28

Kolla van an o them Ofir oun lan kotar sonakay pentsa, 420 (star-sheel-te-biish) centnarya sonakay, oun anan les pash o rayeste Salomo.

1. Familjakro liil 25:1

Oun o David khetne i pralstunentsa pral i lourdende, rodas i gipangre oun bashepangre vin, te givenn le Debleskre gilya, bashrenn ap doryengre bashepangre, oun denn ap sasterne patria. Kolla van dran i khera Asaf, Heman oun Yedoutoun.

1. Familjakro liil 25:6

Kalla lauter givan an o baro Debleskro kheer oun bashran ap sasterne patria oun doryengre bashepangre, yaake har o baro ray penas. Lengre dada, o Asaf, o Yedoutoun oun o Heman his i gipangre raya.

2. Familjakro liil 9:11

Oun o ray Salomo kras dran ko kasht shoukar činle kashta o baro Debleskro khereske oun peskro khereske, ninna doryengre bashepangre, ap kolende i gipangre bashran. Glan ko tsiro vas savo kasht gar diklo an o them Youda.

Esra 2:65

Vin lino his lengre boudepangre: Kolla his 7.337 (efta-zerya-triin-sheel-te-triyanda-te-efta) morsha oun djouvya: Koy pashel van lengre gipangre: 200 (douy-sheel) morsha oun djouvya.

Sikepaskro 1:2

Phares te hayvell hi halauter, penas o sikepaskro, halauter an o djipen hi phares te hayvell.

Daniel 3:15

Kanna shounenn: Yaake sik, har shounenn t'mer o phourdepaskro bashepen oun bashepen ap i doryengre bashepangre oun ko tselo vavar bashepen, vitsrenn t'men tele ap i phoub, oun mangenn koy figura an, hoy me krom! Te vitsrenn t'men gar glan late ap i phoub, palle venn t'mer gomme kate an i bobeskri yag vitsedo! Oun koon hi ko devel, kay nay lell t'men vin dran miro vast?”

Daniel 3:5

Te shounenn t'mer o bashepen ap i phourdepangre, ap i doryengre bashepangre oun ap i tsele vavar bashepangre, palle hounte vitsrenn t'men tele glan koy sonakaskri figura, hoy moukas o baro ray Neboukadnezar pre te čivell.

Daniel 3:7

Oun kol tsele menshe, kay khetne van dran hako them oun dran hako rakepen, shounan o phourdepaskro bashepen oun o bashepen ap kol doryengre bashepangre oun ko tselo vavar bashepen. Koy vitsran le pen tele ap i phoub glan koy sonakaskri figura, hoy moukas o baro ray Neboukadnezar pre te čivell.

Amos 6:5

oun bashenn ap i harfa oun krenn gilya har o David.