Sikepaskro 2:22 - O Debleskro Lab 2024 (Sinte-Manouche)

²² Hoy ačell o mensheske, kay pes tele boudras oun tele maras pash peskri boudi?

O Debleskro Drom 2021 (Sinte)

²² Hoi atchell o mensheske, kai pes tele budras un tele maras pash peskri budi?

Sikepaskro 2:22 Iomraidhean Croise

Debleskri gili 127:2

Čičeske hi, te stenn t'mer sik taysarlakro pre, oun han beshdo bis an i rat, oun marenn t'men tele, te lenn t'maro rhapen. Kova dell o baro Devel peskre malen an o sopen.

Gosewe laba 16:26

Te hi i boudepaskres bok, boudrell lo boudeder. Leskri bok penell leske, te krell lo doureder.

Sikepaskro 1:3

Hoy lell o mensho peske dran peskri tseli phari boudi, hoy les hi ap kay phoub?

Sikepaskro 2:11

Oun har dikom ko tselo koova, hoy mire vasta kran, oun koy boudi, hoy man koy pashel his, kote hayvom, lauter hi čičeske, har te nashoms pal o dourho, hoy djal pral i phoub. Oun či vell vin dran halauter, hoy krom an miro djipen.

Sikepaskro 3:9

Hoy vell koleske vin, kay krell peskri boudi oun marell pes tele?

Sikepaskro 4:6

Feteder i vast pherdo djipaske oun tsirya, kay kreh či, har douy vasta pherdo djipaske oun boud boudi oun i naashepen pal o dourho, hoy djal pral i phoub.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Sikepaskro 5:17

Kova hi, hoy me dikom dren, oun hoy mishto hi, oun ko feteder, hoy nay krah an maro tikno djipen, hoy o Devel men das, te rhas mer oun piyas oun kras i barhtelo djiyeha mari boudi. Yaake kamell kova o Devel mendar.

Sikepaskro 8:15

Doleske penau me: Men hounte vals i dji, hoy barhtelo hi. O mensheske dell či ap kay phoub, hoy feteder hi, har te rhal lo oun te piyell lo, oun te moukell lo les peske mishto te djal. Kova hi, hoy nay krah pash mari tseli boudi an maro djipen, hoy o Devel men das ap kay phoub.

Mateo 16:26

I mensheske vals kova gar mishto, te lals lo o tselo bravlepen ap kay phoub, oun nashrals o djipen. I mensho nay dell či o Debleste, te lell lo ko djipen pale.

Mateo 6:11

De men maro maro hako dives!

Mateo 6:25

Doleske penau me t'menge: Ma darenn t'maro djipaske! Ma darenn, te vell t'men či te rhal oun či te piyell, vitar gar, te vell t'men či an-ripaske! O djipen hi boudeder moldo har o rhapen. Oun o mensho hi boudeder moldo har o ripen.

Mateo 6:34

Doleske penau t'menge: Ma darenn glan kova, hoy taysar vella! Moukenn o vavar dives ap t'mende te vell, oun palle dikenna, hoy te krenn! Hako dives hi t'men doha, hoy krell t'maro djipen phares.

Louka 12:22

Oun o Yezous penas peskre malenge: “Doleske penau t'menge: Ma darenn t'maro djipaske! Ma darenn, te vell t'men či te rhal, vitar gar, te vell t'men či an-ripaske!

Louka 12:29

Ma darenn, hoy t'mer taysar rhana oun piyenna!

1. Korintarja 16:16

shounenn ap kolende oun ap savende har yon, kay boudrenn o Debleske pengri tseli zoryah!

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

1. Timoteo 6:8

Te hi men rhapaske oun ripaske, hi menge kova doha.

1. Petro 5:7

Lauter, hoy hi t'men phares ap o dji, vitsrenn ap leste! Yob krell lauter mishto.