Sikepaskro 2:18 - O Debleskro Lab 2024 (Sinte-Manouche)

¹⁸ Oun kova halauter, koleske man tele marom an miro djipen, hounte moukap yekeske, kay pal mande vell. Doleske his mange kova vitar gar shoukar.

O Debleskro Drom 2021 (Sinte)

¹⁸ Un kowa halauter, koleske man tele marom an miro djipen, hunte mukap jekeske, kai pal mande well. Doleske his mange kowa witar gar shukar.

Sikepaskro 2:18 Iomraidhean Croise

Debleskri gili 17:14

Baro Devel, tiro vasteha le man vin dran o vast kol menshendar, kay djivenn i phoubyake. Lengro bravlepen lenn yon an kava djipen! Tou kreh lengro per pherdo ko koova, hoy tou lenge deh. Ninna lengre čave venn čalo, oun moukenn pral pengre čavenge.

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskri gili 49:10

te nay djivell lo hako tsiro, oun hounte merell gar.

Sikepaskro 1:13

Miri tseli djiyeskri zoryah oun gosvepah rodom, te hayvap o tselo koova, hoy ap i phoub halauter kerdo vella. Havo pharepen das o Devel i menshende, te marenn le pen tele koleha.

Sikepaskro 1:3

Hoy lell o mensho peske dran peskri tseli phari boudi, hoy les hi ap kay phoub?

Sikepaskro 2:11

Oun har dikom ko tselo koova, hoy mire vasta kran, oun koy boudi, hoy man koy pashel his, kote hayvom, lauter hi čičeske, har te nashoms pal o dourho, hoy djal pral i phoub. Oun či vell vin dran halauter, hoy krom an miro djipen.

Sikepaskro 2:21

Kova, hoy i mensho gosvepah oun lače vastentsa kras, hounte moukell lo halauter i vavareske, kay kras či koleske. Kova hi ninna čičeske oun i bari bibarht.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Sikepaskro 3:22

Yaake dikom dren, či hi feteder, har te krell i mensho barhteles peskri boudi; i barhtelo dji hi leskro bravlepen. Kek nay penell o mensheske, hoy ap i phoub djala, te hi lo bouder gar koy.

Sikepaskro 4:3

Oun feteder har kol douyenge hi koleske, kay vas gar boldo oun dikas gar ko tselo čilačepen, hoy vell kerdo ap i phoub.

Sikepaskro 5:18

Te dell o Devel i menshes bravlepen oun lačo kova, te nay rhal lo oun piyella, oun te nay moukell lo peske mishto te djal, oun leskro dji sal pral halauter, hoy leske dran peskri phari boudi vas, palle hi kova čomone, hoy o Deblestar vas.

Sikepaskro 9:9

Mouk les touke mishto te djal an tiro djipen tiri romyah, kay tou kameh, yaake rah har tout kava djipen hi, hoy tout o Devel das, oun hoy yaake sik trouyel hi. Savi barht vas touke o Deblestar pash tiri tseli boudi, hoy tou hounte kress kate ap kay phoub.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

1. Korintarja 3:10

O Devel his lačes ap mande oun das man i boudi, te boudrap ap ko kheer. Yaake čivom me i telstoune barra. Me krom kova, har i gosevo boudepaskro, koon hayvella khera te krell. Ap kol telstoune barra čivell i vavar boudepaskro vavar koova pre. Hakeno hounte dell garda, hoy yob pre čivella.