Sikepaskro 2:14 - O Debleskro Lab 2024 (Sinte-Manouche)

¹⁴ Kova, kay gosevo hi, dikell, kay lo djal. O dinelo nashell an i rati. Oun ninna hayvom, yekeske djal har o vavareske.

O Debleskro Drom 2021 (Sinte)

¹⁴ Kowa, kai gosewo hi, dikell, kai lo djal. O dinelo nashell an i rati. Un ninna haiwom, jekeske djal har o wawareske.

Sikepaskro 2:14 Iomraidhean Croise

Debleskri gili 19:10

Te hadau o baro Debles pre, hi kova mishto. Hako tsiro vell lo hadedo. O čačepen, hoy o baro Devel vin rakrella, hi lauter lačo oun čačo.

Debleskri gili 49:10

te nay djivell lo hako tsiro, oun hounte merell gar.

Debleskri gili 49:11

Na-a, mer dikah: O gosevo hounte merell, yaake har o narvelo oun o dinelo ninna. Oun lauter, hoy len his, hounte moukenn le pale i vavarenge.

Gosewe laba 14:8

O gosevo dell yak har lo djivell, doleske hi lo gosevo. I narvele perenn hako kopo ap dinlepen dren. Oun yaake rhorhenn le pen kokres.

Gosewe laba 17:24

Kova, kay hayvell, hoy mishto oun gar mishto hi, moukell pes gar tele te rikrell, te lell lo gomme boudeder gosvepen. I dinelo dikell kate te kote.

Sikepaskro 2:16

I goseve hounte merenn, oun i dinele ninna. Oun ko gosevo vell yaake sik bistedo har ko dinelo. An i tsirya kay venna, hi halauter bistedo.

Sikepaskro 3:19

O mensheske djal har o firheske: I firhe merenna, yaake merenn ninna i menshe. Oun len halauter hi i dourho. Oun o menshes hi či glan-vi glan o firho. Čačepah, kova hi phares te hayvell.

Sikepaskro 6:6

Ninna te vals kova douy zerya bersha phouro, les vals či peskro djipastar – hake douy hounte meran.

Sikepaskro 6:8

Hoy hi o goseves o dineleske glan-vi an kava koova? Hoy molell kanna o čorveleske, te djinell lo, har te djal lo peskro drom mishto?

Sikepaskro 7:2

O mensheske hi feteder te djal lo an i kheer, kay yek meras oun i menshe rovenna, har te djal lo an i kheer, kay krenn le i biyab. Kote, kay yek meras, vell diklo, kay hako mensho hounte merella. Oun koon gomme djido hi, moukell pes kova an o dji te djal.

Sikepaskro 8:1

Kay hi ko mensho, kay hi čačepah gosevo? Kay hi kova, kay hayvell te penell, hoske čomone yaake hi har kova hi? Dik i menshes an i yaka, palle nay peneh, hi lo gosevo oder gar. Te hi lo gosevo, palle dikell lo lačes ap i vavareste. Leskro gosvepen lell leskri rholi krik.

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.

Sikepaskro 9:16

Kote penom mange: Ninna te hi o gosvepen feteder har o zorlepen, vell o čorveleskro gosvepen gar an-diklo, oun ap leskre laba vell gar shounlo.

1. Johanni 2:11

Koon peskro phraleske čilačepen krella, kova djivell har an i kali rat, oun djal i drom, kay dikell lo nay gar. Yob djinell gar, kay yob djala. An i rat hi lo, har te vals lo korelo.