Sikepaskro 2:10 - O Debleskro Lab 2024 (Sinte-Manouche)

¹⁰ Halauter hoy mire yaka kaman, kova dom len. Oun miro djiyeske dom halauter, hoy moukas les te bashrell. Yaake vom barhtelo pral halauter hoy krom. Oun halauter, koleske man tele marom, anas mange čačepah barht an o dji.

O Debleskro Drom 2021 (Sinte)

¹⁰ Halauter hoi mire jaka kaman, kowa dom len. Un miro djijeske dom halauter, hoi mukas les te bashrell. Jaake wom bachtelo pral halauter hoi krom. Un halauter, koleske man tele marom, anas mange tchatchepah bacht an o dji.

Sikepaskro 2:10 Iomraidhean Croise

1. Mose 3:6

Oun koy romni dikas ap ko rouk oun penas ap peste: “Mishto vals, te rhaus ko roukestar. Shoukar hi lo! Oun mishto vals, te vaus gosevo.” Oun yoy las o roukestar, rhas oun das ninna peskro romeste, kay pash late his. Oun yob rhas ninna.

1. Mose 6:2

Koy dikan i Debleskre čave, har shoukar i menshengre ča hi. Oun yon lan penge kolen, kay yon kaman, te romedinerenn yon len.

Hiob 31:1

Me djom i sovel mire yakentsa dren, te dikap gar loubekanes i terni čake palla.

Debleskri gili 119:37

Kre, te dikap gar ap kova, hoy či moldo hi, oun de man pale nevi zoor ap tiro drom!

Debleskri gili 128:2

Tou rhah kolestar, hoy tire vasta boudran. Mishto touke! Touke djal lačo.

Gosewe laba 23:5

Te dikeh tire yakentsa pre, hi o bravlepen gar bouder koy, yaake sik hi lo krik har i čirklo, hoy hadell peskre moussya oun hadell pes an o bolepen.

Sikepaskro 11:9

Terno morsh, mouk tiro dji te givell an tire terne bersha! Ab barhtelo yaake rah, har terno hal. Kre, hoy tiro dji touke penella oun tire yakentsa mishto hi; oun biste gar, te vell i dives, kay rakrell o Devel o čačepen vin pral toute oun halauter, hoy kral.

Sikepaskro 2:1

Me penom mange: Mishto palle, me kamau lačes te djivell oun moukau les mange mishto te djal! Kote hayvom, kay kova ninna čičeske hi.

Sikepaskro 2:22

Hoy ačell o mensheske, kay pes tele boudras oun tele maras pash peskri boudi?

Sikepaskro 2:24

Či hi feteder o mensheske, har te rhal lo oun piyell lo oun vell barhtelo pral kova, hoy lo krell. I barhtelo dji, kova dikom, vell dran o Debleskro vast.

Sikepaskro 3:22

Yaake dikom dren, či hi feteder, har te krell i mensho barhteles peskri boudi; i barhtelo dji hi leskro bravlepen. Kek nay penell o mensheske, hoy ap i phoub djala, te hi lo bouder gar koy.

Sikepaskro 5:10

Kote kay boud bravlepen hi, kote hi ninna boud, kay rhan o bravlepen pre; oun koles, kay kova lauter hi, leske ačell či, har te dikell lo les an!

Sikepaskro 5:17

Kova hi, hoy me dikom dren, oun hoy mishto hi, oun ko feteder, hoy nay krah an maro tikno djipen, hoy o Devel men das, te rhas mer oun piyas oun kras i barhtelo djiyeha mari boudi. Yaake kamell kova o Devel mendar.

Sikepaskro 5:18

Te dell o Devel i menshes bravlepen oun lačo kova, te nay rhal lo oun piyella, oun te nay moukell lo peske mishto te djal, oun leskro dji sal pral halauter, hoy leske dran peskri phari boudi vas, palle hi kova čomone, hoy o Deblestar vas.

Sikepaskro 6:2

Kote hi yek, koles kras o Devel baro oun an-diklo, das les bravlepen oun boud lačo koova. Yaake hi les halauter, hoy o dji kamella. Oun palle moukell les o Devel gar kolestar te rhal oun barhteles te vell. I vavar lell kova halauter oun rhal les pre. Savo koova hi ninna phares te hayvell oun krell man nasselo.

Sikepaskro 6:9

Vell penlo: Feteder hi te dikas ap kova, hoy men hi, har te nashas vavar koova palla. Kova hi ninna čičeske, oun yaake har te nashams pal o dourho, hoy djal pral i phoub.

Sikepaskro 8:15

Doleske penau me: Men hounte vals i dji, hoy barhtelo hi. O mensheske dell či ap kay phoub, hoy feteder hi, har te rhal lo oun te piyell lo, oun te moukell lo les peske mishto te djal. Kova hi, hoy nay krah pash mari tseli boudi an maro djipen, hoy o Devel men das ap kay phoub.

Sikepaskro 9:6

Har i menshe kaman len, oun har rhoyran le pen pral lende, oun har zilveran yon ap lende, kova lauter hi bouder gar koy. Len hi či bouder i menshentsa ap kay phoub khetne, oun koleha, hoy kerdo vell ap kay phoub.

Sikepaskro 9:9

Mouk les touke mishto te djal an tiro djipen tiri romyah, kay tou kameh, yaake rah har tout kava djipen hi, hoy tout o Devel das, oun hoy yaake sik trouyel hi. Savi barht vas touke o Deblestar pash tiri tseli boudi, hoy tou hounte kress kate ap kay phoub.

1. Johanni 2:16

Pash i menshende ap kay phoub djal lauter pal yek koova: rhapen oun pipen, romedinepen oun khelepen, bravlepen oun sharepen. Kova lauter vell gar o Deblestar, maro dadestar. Kova lauter hi phoubyakro koova.

Čačepangre 14:2

Har vas lo khere, penas lo ap peskro dadeste oun peskri date: “Me dikom an Timna i rakyat i Filistarendar. Kolat lenn mange, te vell li miri romni!”