Sikepaskro 12:1 - O Debleskro Lab 2024 (Sinte-Manouche)

¹ Yaake rah har terno hal, ma biste koles, kay tout kras! Oun djin, te venn kol čilače divessa oun kol bersha, kay tou peneh: “Yon hi mange gar mishto”!

O Debleskro Drom 2021 (Sinte)

¹ Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

Sikepaskro 12:1 Iomraidhean Croise

1. Mose 39:2

Oun o baro Devel his pash o Yosefeste. Lauter, hoy yob kras, his mishto. Oun yob ačas an o kheer peskro egiptikro rayestar.

1. Mose 39:23

Yaake rah, har lauter an o Yosefeskro vast his, hounte kras o pralstouno pral o stilepen či. O baro Devel his pash o Yosefeste oun das les barht an halauter, hoy yob kras.

2. Samuel 19:35

Penas o Barsillay ap o baro rayeste: “Me djivau bouder gar rah. Hoske djap me touha tele an o foro Yerusalem?

2. Samuel 19:36

Me hom kay dives deesh-te-orhta bersh phouro. Har nay djinau me, hoy lačo hi oun hoy čilačo hi? Hayvau bouder gar, hoy rhau oun piyau oun shounau bouder gar, hoy ko gipaskro oun koy gipaskretsa givenna. Kamau gar te vap i pharepen touke, miro baro rayeske.

1. Rajengro liil 14:13

Oun o tselo them Israel rovell pral ko čaveste. Oun yon paskrenn les; yob kokres o Yerobeameskre menshendar vell paskedo. Pash leste kokres hatsas o Israeleskro baro Devel čomone, hoy glan leskre yaka lačo his.

1. Rajengro liil 18:12

Hoy hi, te djau kanna toutar, oun o baro Debleskro dourho lell tout krik oun anell tout ap i vavar kotar phoub, hoy me gar djinau? Oun me vau palle pash o Ahab oun penau leske, tou hal kay, oun yob hatsell tout gar? Palle moukell lo man te marell. Tou djineh, me, tiro boudepaskro, shounau ap o baro Debleste foun tiknes pre.

Nehemia 4:14

T'mer te shounenn koy phourdepaskri, djan koy oun avenn kote mentsa khetne. Oun maro Devel kourell pes menge.”

Hiob 30:2

Len his bouder kek zoor an pengre moussya. Hoy vals man kolestar, te boudrans le mange?

Debleskri gili 119:55

Rati veh tou mange an o shero, baro Devel, te djap ap tiro drom.

Debleskri gili 34:11

I bare divye margodje hatsenn gar hako dives doha rhapaske oun hounte bokenna. Kol menshen, kay rodenn o baro Debles, hi lauter doha djipaske.

Debleskri gili 63:6

Tou kreh miro dji yaake čalo oun barhtelo, har te rhap i shoukar rhapen. Miro mouy givell touke i gili oun sharell tout.

Debleskri gili 90:10

Maro djipen hi 70 (efta-deesh) bersha, te hi boud, 80 (orhta-deesh) bersha. Oun kova, hoy menge shoukar his, hi či har boudi oun pharepen. Oun sikeder har sik hi lauter trouyel.

Gosewe laba 22:6

Sike i tikno čaves peskro drom, palle djal yob gar kolestar krik, ninna te vell lo phouro.

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Sikepaskro 11:10

Dja koleske dran o drom, hoy anell touke rholi oun douka. Ko tsiro, kay hal i čavo oun i terno morsh, hi sik trouyel.

Sikepaskro 11:2

Phage tiro maro an kotya, oun de les efta, orhta menshenge; tou djineh gar, havi bibarht vell pral kay phoub.

Sikepaskro 11:8

I mensho, te djivell lo boud bersha, mou vell lo barhtelo pral hako bersh, kay djivell lo. Mou bistrell lo gar, te venn kale divessa. Ninna kolla hi boud. Halauter, hoy vella, hi menge khatedo.

Jesaja 26:8

Baro Devel, mer dikah ap toute, te peness tou o čačepen vin. Lauter an mende rodell tout, oun kamell, te vell tiro lab sharedo.

Ropaskre gilja 3:27

Mishto hi i mensheske, te hidjrell lo, hoy o Devel leske bičras, yaake rah har lo terno hi.

Daniel 1:17

Oun kol star terne morshen das o Devel i baro gosvepen, te hayvan le lila an boud rakepen te draverell. Ninna hayvan le pen vin an boud koova. Oun o Daniel hayvas ninna te penell, hoy sounya oun dikepen kamenn te penell.

Hosea 7:9

I vavar menshe rhan leskri zoor, oun yob hayvell kova gar. O Efrayim hi har i phouro morsh, koleskre balla parno van. Oun yob hayvell gar, kay leskro tsiro sik trouyel hi.

Louka 1:15

Oun yob vella bares glan o Debleskre yaka. Mool oun vavar zorelo pipen piyell yob gar. Oun har yob gomme gar boldo hi, hi lo pherdo Debleskro Dourho.

Louka 18:16

Koy das o Yezous peskre malen gole, oun penas ap lende: “Moukenn kol čaven pash mande te vell! Ma rikrenn len pale! Save har yon, kolen das o Devel gole, te djivenn le khetne leha an o bolepen.

Efesarja 6:4

T'mer dada, ma rhoyrenn t'mare čaven! Penenn lenge, hoy o Devel lendar kamella, oun sikrenn lende, har te djan le ap o Debleskro drom!

5. Mose 8:18

Doleske ma bistrenn t'maro baro Debles! Yob hi kova, kay tout i zoor das, te nay lenn t'menge bravlepen khetne. Oun yaake rikrell yob kova, hoy lo t'mare phourentsa vin kras. Ninna kava dives rikrell lo pes ap kova.

2. Timoteo 3:15

Tou prindjreh o Debleskro lab foun tiknes pre. Oun ko lab das tout o gosvepen, te hatsal o drom pash o Yezous Kristeste oun hayval, tou hounte patsess ap o Yezous Kristeste, te less ko djipen, hoy gar pre-herella.

1. Samuel 1:28

Doleske dau les me kanna ninna o baro Debleste pale, te vell lo leskro, yaake rah har yob djivella.” Oun yon mangan kote o baro Debles an.

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”

1. Samuel 2:18

Oun o Samuel his o baro Debleske koy. Kava čavo his rido an i rashayeskri layntikri damdira.

1. Samuel 2:26

Oun o terno Samuel vas phoureder, oun kova, hoy lo kras, his mishto glan o baro Debleskre yaka oun ninna glan i menshengre yaka.