Sikepaskro 11:8 - O Debleskro Lab 2024 (Sinte-Manouche)

⁸ I mensho, te djivell lo boud bersha, mou vell lo barhtelo pral hako bersh, kay djivell lo. Mou bistrell lo gar, te venn kale divessa. Ninna kolla hi boud. Halauter, hoy vella, hi menge khatedo.

O Debleskro Drom 2021 (Sinte)

⁸ I mensho, te djiwell lo bud bersha, mu well lo bachtelo pral hako bersh, kai djiwell lo. Mu bistrell lo gar, te wenn kale diwessa. Ninna kolla hi bud. Halauter, hoi wella, hi menge khatedo.

Sikepaskro 11:8 Iomraidhean Croise

Hiob 10:21

glan te djau koy, kay vau bouder gar pale – an o tamlo them, kay hako tsiro kali rat hi

Hiob 10:22

ava, an ko them pherdo tamlepen oun kali rat, kay lauter divyes trouyel čiddo hi, oun kay ninna i momeli tamlo hi.

Hiob 14:10

Merell i morsh, hi lo bouder gar. Kek dourho ačell an leste. Kay hi lo?

Hiob 14:12

Yaake hi ko mensho, kay čivell pes tele oun merell. Yob stell gar bouder pre. Yaake rah har o bolepen koy hi, vell lo bouder gar djangelo, oun kek djangrell les pre dran peskro sopen.

Hiob 15:23

Yob djal kate te kote oun rodell rhapen, oun hatsell či. Oun yob hayvas, te vell i kalo dives pral leste.

Hiob 18:18

I phoubyatar, kay i djide djivenn, vas lo tradedo an ko tamlo them, kay i moule hi.

Debleskri gili 49:20

hounte merell lo oun djal kote, kay leskre moule phoure hi, kolla, kay bouder gar i momeli dikenna.

Sikepaskro 11:2

Phage tiro maro an kotya, oun de les efta, orhta menshenge; tou djineh gar, havi bibarht vell pral kay phoub.

Sikepaskro 2:15

Kote penom mange: Te djal mange har o dineleske, hoske rodom palle pal o gosvepen? Ninna kova hi čičeske.

Sikepaskro 2:17

Kote his mange miro djipen bouder gar shoukar. Kova, hoy i menshe krenna ap kay phoub, hi čičeske. Halauter hi čičeske, oun yaake har te nashals yek pal o dourho, hoy djal pral i phoub.

Sikepaskro 2:19

Koon djinell, koon kova hi, kay pal mande vell, i gosevo morsh oder i dinelo morsh? Vell har vella! Yob vell o ray pral halauter, koleske man tele marom oun goseves pre čivom an miro djipen. Yaake hi kova ninna čičeske.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Sikepaskro 4:16

Oun me dikom boud menshe, yaake boud te penau nay gar, kitse yon hi. Kolla kay his glan leste, oun kolla, kay van pal leste, kek lendar his barhtelo pral kova, hoy yob kras. Kova hi ninna či-moldo, oun yaake har te nashals yek pal o dourho, hoy djal pral i phoub.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Sikepaskro 6:11

Yaake boud rakrell lo, yaake boudeder hi leskro rakepen či-moldo. Hoy anell kova o mensheske?

Sikepaskro 6:6

Ninna te vals kova douy zerya bersha phouro, les vals či peskro djipastar – hake douy hounte meran.

Sikepaskro 7:14

Te hi tout i lačo tsiro, palle mouk les touke lačes te djal. Te hi tout i djoungelo tsiro, palle dikess dren: O Devel kras ko yek tsiro har ko vavar, te djinell o mensho gar, hoy vella an kol divessa, kay venna.

Sikepaskro 8:12

Ninna te djivell kova i lengsto djipen, kay krell sheel kope foullo koova, djinau me, te djal kolenge kokres mishto, kay djivenn o Debleha oun moukenn les lengro ray te vell.

Sikepaskro 8:15

Doleske penau me: Men hounte vals i dji, hoy barhtelo hi. O mensheske dell či ap kay phoub, hoy feteder hi, har te rhal lo oun te piyell lo, oun te moukell lo les peske mishto te djal. Kova hi, hoy nay krah pash mari tseli boudi an maro djipen, hoy o Devel men das ap kay phoub.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Jeremia 13:16

Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Joel 2:2

Kova hi i kalo dives, i tamlo dives, pherde volke. Yaake sik har o kham pre djal pral i berge, venn boud boud lourde pral o them, kolla hi yaake zorelo oun yaake boud, har gomme gar koy his, oun vitar bouder gar vella an kek tsiro.

Mateo 22:13

Penas o baro ray ap peskre boudepangre: Pandenn les ap i pire oun ap i vasta, oun vitsrenn les vin an i kali rat! Oun kote rovenn le oun dandrenn i danda i doukatar khetne.”

Johanni 12:35

Penas o Yezous ap lende: “Koy momeli hi gar bouder rah pash t'mende. Djan t'maro drom yaake rah, har koy momeli pash t'mende hi, te vell gar i rati pral t'mende! Koon an i rati djala, djinell gar, kay yob djala.

5. Mose 32:29

Har kamaus, te vans le gosevo! Palle hayvans le, hoy ap lende vella.

Judas 1:18

Yon penan: Glan ko tsiro, kay maro ray Yezous pale vella, venna save menshe, hoy san pral o Debleskro koova, oun djivenn yaake, har yon kamenna oun krenn, hoy o Devel gar kamella.