Sikepaskro 11:5 - O Debleskro Lab 2024 (Sinte-Manouche)

⁵ Tou djineh gar havo drom o phourdepen djala, oun har i kokale kerdo venna an i dakro per. Yaake nay djineh tou vitar gar, hoy o Devel halauter krella, oun har yob halauter krella.

O Debleskro Drom 2021 (Sinte)

⁵ Tu djineh gar hawo drom o phurdepen djala, un har i kokale kerdo wenna an i dakro per. Jaake nai djineh tu witar gar, hoi o Dewel halauter krella, un har job halauter krella.

Sikepaskro 11:5 Iomraidhean Croise

Hiob 37:23

Pash leste, ko zoreleste, nay vah mer gar. Leskri zoor hi baro. Hako tsiro krell lo, hoy mishto hi, oun dell hakeneske peskro čačepen.

Hiob 38:4

Kay hals tou, har me i phoub krom? Pen les mange, te djineh les tou?

Hiob 5:9

Yob hi kova, kay krell boud baro oun zorelo koova, hoy kek hayvell oun kek vavar nay krell.

Debleskri gili 104:24

Baro Devel, har baro oun boud hi kova, hoy tou halauter kral! Har goseves kral tou halauter! I phoub hi pherdo o tselo koova, hoy tou kral.

Debleskri gili 40:5

Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Debleskri gili 92:5

Kova, hoy tou kral, baro Devel, moukell man barhteles te givell. Kova, hoy tire vasta lauter kran, sharau me.

Sikepaskro 1:13

Miri tseli djiyeskri zoryah oun gosvepah rodom, te hayvap o tselo koova, hoy ap i phoub halauter kerdo vella. Havo pharepen das o Devel i menshende, te marenn le pen tele koleha.

Sikepaskro 1:6

O dourho tel o bolepen phourdell an yek rig, oun palle rissrell lo oun phourdell an i vavar rig, kay his lo.

Sikepaskro 11:4

Koon ap o phourdepen garda della, ko čivell kek djob an i phoub, te vell kova baro. Oun koon ap i volke garda della, ko anell gar o baro djob an peskro kheer dren.

Sikepaskro 3:10

Me lom koy boudi an o yak, hoy das o Devel i menshende, kolah marenn le pen tele.

Sikepaskro 3:11

Hako koova, hoy o Devel krell, krell lo ap o čačo tsiro. Oun yob čivas o mensheske an o dji, te hayvell lo, kay hi čomone koy, hoy ačell hako tsiro. Ninna te hi kova yaake, nay hayvell o mensho gar ko tselo koova, hoy o Devel krell, kokres tikne kotya kolestar.

Sikepaskro 7:24

Lauter, hoy koy hi, hi phares te hayvell. Oun hoske kova yaake hi, djinell kek.

Sikepaskro 8:17

Oun me dikom halauter, hoy o Devel kras. Čačepah, i menshe nay hayvenn gar halauter, hoy yob kras ap kay phoub. Ninna te rodell o mensho phares, te hayvell lo ko koova, nay hatsell lo gar vin, hoske halauter yaake hi. Oun ninna o gosevo, te penell lo: “Me djinau les”, nay hatsell lo les gar vin.

Jesaja 40:28

Hayvan t'mer gar? Shounan t'mer gar? O baro Devel hi i Devel kay ačell hako tsireske. Yob kras i tseli phoub. Khino vell lo gar, oun lestar djal i zoor gar krik. Leskro gosvepen hi yaake baro, te nay hatsell les kek vin.

Johanni 3:8

O zorelo dourho, hoy phourdell pral i phoub, djal, kay kamell lo. Tou shouneh les. Kay yob vella, oun kay yob djala, djineh tou gar. Yaake hi pash koleste, kay vella dran Debleskro Dourho boldo.”

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.