Sikepaskro 11:10 - O Debleskro Lab 2024 (Sinte-Manouche)

¹⁰ Dja koleske dran o drom, hoy anell touke rholi oun douka. Ko tsiro, kay hal i čavo oun i terno morsh, hi sik trouyel.

O Debleskro Drom 2021 (Sinte)

¹⁰ Dja koleske dran o drom, hoi anell tuke choli un duka. Ko tsiro, kai hal i tchawo un i terno mursh, hi sik trujel.

Sikepaskro 11:10 Iomraidhean Croise

Hiob 11:12

Nay vell kova gosevo, koles či an o shero hi? Yaake rah gar, har i bourika kek menshes ap i phoub anell!

Hiob 13:26

Tou aneh djoungelo koova ap mande pre oun čineh les an i liil. Ninna koy doosh, hoy anom ap mande, har terno homs, aneh tou ap miro shero pale.

Hiob 20:11

Ninna te hi lo gomme terno oun zorelo, hounte merell lo, oun vell an i čik čiddo.

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

Debleskri gili 39:5

Baro Devel, sike mande, har sik o djipen trouyel hi, oun kay miro merepen vella, te djinap, te nay ačau gar hako tsiro kay.

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Gosewe laba 22:15

Tikne čave krenn dinelo koova. Te rhan le dava, krenn le kova bouder gar.

Sikepaskro 1:14

Me dikom halauter, hoy kerdo vas ap kay phoub, oun nay penau t'menge, halauter hi čičeske, oun yaake har te nashals yek pal o dourho, hoy djal pral i phoub.

Sikepaskro 1:2

Phares te hayvell hi halauter, penas o sikepaskro, halauter an o djipen hi phares te hayvell.

Sikepaskro 12:1

Yaake rah har terno hal, ma biste koles, kay tout kras! Oun djin, te venn kol čilače divessa oun kol bersha, kay tou peneh: “Yon hi mange gar mishto”!

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

2. Timoteo 2:22

Tou, Timoteo, ma kre ko čilačo koova, hoy i terne morshenge an o shero trouyel djala! Kre lauter, te djivess an o čačepen! Ač an o patsepen! Ab kamlo ap i vavarende! Djib lačes lentsa khetne! Kre kova lauter khetne kol phralentsa, kay o Debles an-gole denna i djoudjo djiyeha!