Sikepaskro 10:19 - O Debleskro Lab 2024 (Sinte-Manouche)

¹⁹ Kones rhapen hi, nay sal. Koon mool piyell, nay givell. I loventsa nay vell tout kova halauter.

O Debleskro Drom 2021 (Sinte)

¹⁹ Kones chapen hi, nai sal. Koon mool pijell, nai giwell. I lowentsa nai well tut kowa halauter.

Sikepaskro 10:19 Iomraidhean Croise

1. Mose 43:34

O Yosef moukas leskro rhapastar peskre phralenge te anell. Oun ko rhapen, hoy moukas yob o Benyamineske te anell, his panč kope yaake boud, har o rhapen leskre vavar phralenge. Oun yon rhan oun piyan oun van barhtelo leha.

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

1. Familjakro liil 21:24

Oun o baro ray David penas ap o Arauna: “Yaake djal gar. Čačepah, me kamau toutar kova tele ginell, oun playsrau, hoy ko koova molella. Kamau gar kova te lell o baro Debleske, hoy tiro hi, kamau leske či te rhačrell, kay lom čičeske.”

Esra 1:6

Oun halauter, kay troul lende trouyel djivan, kran lengre vasta zoreles oun dan len roup, sonakay, vavar lačo oun kouč koova oun firhe, ninna vavar koova, hoy yon len dran pengro kamlepen dan.

Nehemia 5:8

oun penom ap lende: “Kay kova an maro vast his, ginam i bibolden, mare phralen, pale, kay ap i vavar menshende bikedo van. Oun kanna kamenn t'mer, te bikrenn pen t'mare phrala ap t'mende, kay lengre menshendar han!” Kote ačas lenge o mouy pre, oun yon hatsan kek laba, hoy le nay penans.

Ester 1:10

Oun ap o eftato dives his o baro rayeskro dji barhteles boud molyatar. Oun yob kamas i rayenge oun i tsele menshenge peskri romyat, i rani Vasti, te sikrell, kay yaake shoukar his. Oun yob rakras kol efta pralstunentsa, kay ninna pral o djouvyengro kheer penepaske hi: o Mehouman, o Biseta, o Harbona, o Bigta, o Abagta, o Setar oun o Karkas. Lenge penas lo, te anenn le i rani, oun te hidjrell li peskro shereskro sonakay.

Debleskri gili 104:15

i mool, hoy o mensheskro dji barhteles krella, o djet, hoy leskro mouy shoukar krella, oun o maro, hoy o menshes zoreles krella.

Debleskri gili 112:9

Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

Sikepaskro 2:3

An miro rodepen pal o gosvepen rakrom miro djiyeha, oun penom mange: Pi touke i mool, te vess barhtelo. Oun yaake har i dinelo vom mato. Koy poučom mandar: Hi savo koova mishto o mensheske an peskro tikno djipen?

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Jesaja 23:18

Oun kol love, hoy le dren lenn, vell o baro Debleste dino. Kol love vell gar khetne anlo an i bravlepaskro kheer. Na-a, kol love lenn kolla, kay pash o baro Debleskro kheer djivenn, te vell len doha rhapaske oun lače koola an-ripaske.

Jesaja 24:11

Ap i dromma denn le gole pal mool, kolatar kek bouder koy hi. Kek sapen vell shounlo, kek khelepen dell bouder.

Mateo 17:27

Ninna te hi kova yaake, kamah gar, te venn le rhoyedo ap mende. Doleske dja pash o baro pani, oun vitse i raan an o pani! Ko mačo, hoy tou tapreh, koleske kre o mouy pre! Oun tou hatseh an leskro mouy i roupeni bema. Le koy roupeni bema, oun de koy bema kolende, kay len kol love dren! Kova hi doha mange oun touke.”

Mateo 19:21

Penas o Yezous ap leste: “Te kameh tou o tselo Debleskro kamlepen te krell, palle bike lauter, hoy tout hi! Oun de kol love i čorvelende! Palle hi tout i bravlepen an o bolepen. Oun am oun dja mantsa!”

Louka 12:19

Oun me nay penau ap mande: Kova krom mishto. Kanna hi man boud bersha lačo koova o djipaske oun boudrap bouder gar. Me rhau oun piyau oun krau miro djipen mange mishto.

Louka 16:9

Me penau t'menge: T'mare love ačenna gar. Denn len i čorvelende, te venn le t'mare mala! Te hi kol love boudeder či moldo, palle lenn le t'men kote an i khera dren, kay t'mer hako tsiro nay ačenna.”

Louka 8:3

Ninna i Susanna djas leha, oun i Yoanna. Lakro rom his o Kouza. Kova his o pralstouno boudepaskro an o Herodeskro kheer. Oun boud vavar djouvya djan leha, te denn le len rhapen oun pipen dran kova, hoy len hi.

Bičepangre 11:29

Koy penan kol patsle an o foro Antiochia: “Mer dah mare phralen an o them Youdea yaake boud love, har hakeno nay della.”

Bičepangre 2:45

Yon bikran kova, hoy len his, i kotar phoub oun vavar kouč koova, oun dan les kol patslende, kay len či his.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.

Čačepangre 14:10

Oun leskro dad djas tele an o foro, pash koy terni rakyate. Oun o Simson kras kote i baro rhapen, har i terne morsha kran kova yaake an ko tsiro.

Čačepangre 9:13

Kote penas o drakengro rouk: Moukap me i drake, kolendar i mool kerdo vell, hoy i deblen oun i menshen barhteles krell, te djap koy, te hadap mire kashta pral i vavar rouka?

1. Samuel 25:36

Oun har i Abigayil khere vas, his o Nabal koy beshdo pash i baro rhapen har i baro rayeske. Oun leskro dji bashras, oun yob his boud mato. Oun i Abigayil penas leske či, kek lab.