Sikepaskro 10:12 - O Debleskro Lab 2024 (Sinte-Manouche)

¹² O rakepen hoy dran o goseveskro mouy vin vella, anell leske an-dikepen, o dineleskro rakepen rhal les pre.

O Debleskro Drom 2021 (Sinte)

¹² O rakepen hoi dran o goseweskro mui win wella, anell leske an-dikepen, o dineleskro rakepen chal les pre.

Sikepaskro 10:12 Iomraidhean Croise

2. Samuel 1:16

Glan kova penas o David ap o Amalekari: “Tou anal leskro rat ap toute. Doleske meress! Tiro mouy phoukras ap toute, har tou penal: Me dom koles moulo, koles o baro Devel vin rodas, te vell lo baro ray.”

Hiob 16:5

Boud labentsa doms t'menge pale nevi zoor. Oun kova, hoy penoms, krals t'mari douk tikneder.

Debleskri gili 140:9

De kol čilačen gar, hoy yon kamenna! Kova, hoy yon pen glan lan, mouk gar te djal, te hadenn le pen gar!

Debleskri gili 37:30

Gosvepen vell dran o mouy i lačo menshestar, oun leskri čip rakrell o čačepen.

Debleskri gili 64:8

O Devel dell ap lende karye. Sik hi le ap i phoub čiddo.

Gosewe laba 10:10

Kova, kay i yakentsa dell, doukrell i vavaren. Kova, kay dinelo koova rakrell, nashrell halauter.

Gosewe laba 10:8

Koles, kay i gosevo dji hi, rikrell pes ap kol laba, hoy leske penlo van. yek, kay dinelo koova rakrell, nashrell halauter.

Gosewe laba 12:18

Laba, hoy sik vin rakedo venna, nay denn čourye har i rharo. O rakepen i goseve menshendar anell sastepen.

Gosewe laba 15:2

O gosevo rakrell yaake, te hayvenn i vavar, hoy mishto hi. Dran o narveleskro mouy vell či har dinlepen.

Gosewe laba 15:23

Barhtelo hi o morsh, te djinell lo, hoy te rakrell lo. Har lačo hi o čačo lab ap o čačo tsiro.

Gosewe laba 19:5

Kova, kay rhorhras, har penas lo, hoy lo dikas oun shounas, kova lell peskri phagi. Oun kova kay rhorhepen pre anas, kova vell tapedo oun nay nashell gar peske.

Gosewe laba 22:11

Kova, koles i djoudjo dji hi oun lačepen rakrell, koleskro maal hi o baro ray.

Gosewe laba 26:9

I soubyengro kasht an o vast kolestar, kay mato hi, yaake hi i gosevo lab an o mouy i dinelestar.

Gosewe laba 31:26

Lakro rakepen hi pherdo gosvepen, oun lače labentsa sikrell li, har čomone djal.

Sikepaskro 12:11

I laba, hoy i goseve rakrenna, hi har soubya. Oun kova, hoy le penenn, djal dour an o mensheskro dji. Kova, kay rakras len, hi har i bakrengro, kay dell garda ap peskre bakre.

Sikepaskro 4:5

Koon kamell gar te boudrell, čivell peskre vasta glan peskri beč khetne. Yob hi dinelo oun leske ačell či te rhal.

Sikepaskro 5:2

Koneske boud an o shero trouyel djal, kova dell phare sounya. Oun koon boud laba krell, rakrell sik dinelo koova.

Sikepaskro 5:6

Čačepah, boud sounya oun boud laba molenn či. Dran kova kre kova, hoy o Debles sharell!

Sikepaskro 9:17

I gosevo rakepen, hoy kek golyah rakedo vas, hi boudeder moldo har i rayeskri bari gole mashkral i dinelendar.

Mateo 12:35

Dran i lačo mensheskro dji vella lačo koova. Dran i čilačo dji vella čilačo koova.

Louka 19:22

Ap koleste penas o ray: Tou moleh či. Tou hal i čilačo boudepaskro. Tou djinal, kay hi man i dji dran bar, oun kay lau, kay dom či, oun hoy me gar an i phoub čivom, te vell kova baro.

Louka 4:22

Lauter rakran lestar mishto, oun leskro rakepen his lenge pherdo lačepen. Oun yon kran bare yaka. Oun yon penan: “Hi kava gar o Yosefeskro čavo?”

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

Kolossarja 4:6

Rakrenn lentsa kamles, oun trashenn gar, te penenn o čačepen! Yek te poučell t'mendar čomone pral t'maro patsepen, palle rakrenn leha yaake, har kova koleske mishto hi.