Sikepaskro 1:13 - O Debleskro Lab 2024 (Sinte-Manouche)

¹³ Miri tseli djiyeskri zoryah oun gosvepah rodom, te hayvap o tselo koova, hoy ap i phoub halauter kerdo vella. Havo pharepen das o Devel i menshende, te marenn le pen tele koleha.

O Debleskro Drom 2021 (Sinte)

¹³ Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.

Sikepaskro 1:13 Iomraidhean Croise

1. Mose 3:19

Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

Hiob 28:3

O mensho lell i momeli peha, te nay boudrell lo tel i phoub, oun rodell kote an i barra, yaake dour har djala, pal kova, hoy khatedo hi an o tamlepen.

Debleskri gili 111:2

Baro hi kova, hoy o baro Devel lauter kras. Koneske kova an o shero trouyel djal, kova vell barhtelo.

Gosewe laba 18:1

Koon pes i vavarendar krik rikrella, rodell, hoy peske kokres shoukar hi, oun kamell gar dren te dikell, hoy lačo leske vals.

Gosewe laba 18:15

I gosevo mensho kamell boud te djinell, oun krell peskre kanda pre, te hayvell lo, hoy čačo hi.

Gosewe laba 23:26

Miro čavo, kre tiro dji mange pre, oun dja ap mire dromma!

Gosewe laba 25:2

O Devel vell sharedo koleske, hoy yob khatedo rikrell. O baro ray vell sharedo koleske, hoy yob pre čakrell.

Gosewe laba 4:7

O feteder koova, hoy nay leh, hi o gosvepen. Doleske kre lauter, te less les!

Sikepaskro 1:17

Miri tseli djiyeskri zoryah kamom te hatsap vin, hoy čačepah gosvepen hi, oun hoy dinelo oun narvelo hi. Oun kote hatsom vin, kay kova yaake hi, har te nashoms pal o dourho, hoy djal pral i phoub.

Sikepaskro 11:5

Tou djineh gar havo drom o phourdepen djala, oun har i kokale kerdo venna an i dakro per. Yaake nay djineh tou vitar gar, hoy o Devel halauter krella, oun har yob halauter krella.

Sikepaskro 12:12

Miro čavo, koy hi i vavar koova, hoy hounte djiness: Yek, kay kamell lila te činell, las pes boud phari boudi glan. Oun yek, kay kamell boud te hayvell oun te djinell, vell khino.

Sikepaskro 2:23

Leskro tselo djipen hi pherde douka, oun leskro boudepen pherdo ropen. Ninna an i rati nay sovell lo gar. Kova hi ninna čičeske.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Sikepaskro 3:10

Me lom koy boudi an o yak, hoy das o Devel i menshende, kolah marenn le pen tele.

Sikepaskro 3:11

Hako koova, hoy o Devel krell, krell lo ap o čačo tsiro. Oun yob čivas o mensheske an o dji, te hayvell lo, kay hi čomone koy, hoy ačell hako tsiro. Ninna te hi kova yaake, nay hayvell o mensho gar ko tselo koova, hoy o Devel krell, kokres tikne kotya kolestar.

Sikepaskro 4:4

Oun me dikom, har marenn pen i menshe tele oun krenn lači boudi, te venn le feteder har kol vavar, yaake te zilverenn kolla ap lende. Kova hi ninna či-moldo, oun yaake har te nashals yek pal o dourho, hoy djal pral i phoub.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Sikepaskro 7:25

Palle penom mange, tou hounte rodess boudeder, te hatsess vin, hoske čomone yaake hi. Yaake lom boud koova an i yak, te hayvap len. Kamom te djinap, vell o čilačepen dran o dinlepen oun o pre-phourdepen dran narvlepen?

Sikepaskro 8:9

Kova halauter dikom, oun lom halauter an o yak, hoy vell kerdo ap kay phoub, kay hadell pes yek pral o vavareste oun krell les bibarhtelo.

1. Timoteo 4:15

Kre kova lauter tiro tselo djiyeha oun tiri tseli zoryah, te dikell hakeno, kay tiro patsepen bareder vella!