Ruth 4:6 - O Debleskro Lab 2024 (Sinte-Manouche)

⁶ Koy penas ko vavar: “Te hi kova yaake, nay ginau les gar mange. Me ginoms čomone, hoy palle gar mire čavenge vals. Yaake le tou kova touke, koleske me hounte koy voms. Me nay ginau les čačepah gar.”

O Debleskro Drom 2021 (Sinte)

⁶ Koi penas ko wawar: “Te hi kowa jaake, nai ginau les gar mange. Me ginoms tchomone, hoi palle gar mire tchawenge wals. Jaake le tu kowa tuke, koleske me hunte koi woms. Me nai ginau les tchatchepah gar.”

Ruth 4:6 Iomraidhean Croise

1. Mose 38:8

Koy penas o Youda ap o Onan: “Ab khetne koy romyah tiro phralestar, te vell tiro phrales i čavo, har pash mende kova yaake hi.”

3. Mose 25:25

Te vas tiro phraal – i vavar Israelitari – čorvelo oun hounte bikrell i kotar leskri phoubyatar, palle hounte ginell les yek dran leskri familya pale.

5. Mose 25:7

Te kamell ko phraal koy djouvyat gar te romedinerell, palle djal li pash i phoureder morshende an o foro, oun penell ap lende: O phraal miro romestar, kay meras, kamell man gar te romedinerell, yaake te merell o lab miro romestar an i Israel gar vin.

5. Mose 25:8

Palle denn i phoureder ko forestar les gole oun rakrenn leha. Oun yob te penell pale Me kamau gar te romedinerap lat,

5. Mose 25:9

palle stakrell koy djouvel glan leste, oun glan i yaka kol phoureder morshendar rivell li leske yek kirrha vin. Oun čoungrell leske an o mouy, oun penell: “Yaake hounte vell kerdo ko morsheske, kay kamell gar peskro phraleste i čaves te dell.”

Ruth 2:20

Kote penas i Naomi ap i Ruth: “O baro Devel mou čivell peskri barht ap leste! O baro Devel tserdas peskro lačepen gar pale, – gar i djidendar, vitar gar i moulendar.” Oun pale penas i Naomi ap late: “Tou hounte djiness, ko morsh hi yek mare menshendar. Yob hi yek kolendar, kay pal maro čačepen menge ap i rig hounte venn.”

Ruth 3:13

Ač kay rat kay. Taysarlake poučau lestar. Te kamell lo touke koy te vell, hi kova mange mishto. Te kamell lo gar, krau me kova. Kova dau me man sovel pash o djido Debleste. Kanna ač čiddo bis taysarlake!”

Ruth 3:9

Oun yob poučas: “Koon hal tou?” Oun yoy penas: “Me hom i Ruth, tiri boudepaskretsa. Le tiri baya oun čake man! Tou hal miro romeskre menshendar, kay man pal t'maro čačepen hounte romedinerell.”