Ruth 4:4 - O Debleskro Lab 2024 (Sinte-Manouche)

⁴ Oun koy penom mange, me kamau, tou te djiness kova, oun te penap touke, te giness les kate glan kal morshende oun glan kal phoureden mare menshendar. Te kameh tou les gar te ginell, palle pen les mange, yaake te djinap me les. Tou oun me ham kolla, kay les nay ginenn, oun kek vavar har mer douy. Oun me vau pal toute.” Oun yob penas: “Ava, me kamau te ginell.”

O Debleskro Drom 2021 (Sinte)

⁴ Un koi penom mange, me kamau, tu te djiness kowa, un te penap tuke, te giness les kate glan kal murshende un glan kal phureden mare menshendar. Te kameh tu les gar te ginell, palle pen les mange, jaake te djinap me les. Tu un me ham kolla, kai les nai ginenn, un kek wawar har mer dui. Un me wau pal tute.” Un job penas: “Awa, me kamau te ginell.”

Ruth 4:4 Iomraidhean Croise

1. Mose 23:11

“Na-a, miro ray, shoun, hoy me penau: Tou hounte playsress mange či. Me dau tout ko kotar them oun koy grotta. Glan mire menshende dau tout kova, te paskress tiri mouli romyat.”

1. Mose 23:18

Oun kol Hetarya, kay an o voudar o forestar his, his pashel, har o Abraham lauter ginas.

Jeremia 32:25

Oun tou, baro Devel, miro ray, peneh ap mande: Gin touke i kotar them, oun playse kol love, te vell lo toute! Oun le morshen pashel, te dikenn le halauter, har tou gineh ko kotar them. Kova penal, ninna te vell kava foro an o vast i menshendar dran o them Babilonia dino!

Remarja 12:17

Te hi yek čilačo ap t'mende, palle venn gar čilačo ap leste! Krenn, hoy lačo hi an i tsele menshengre yaka!

2. Korintarja 8:21

Mer dikas, te vell lauter čačes kerdo, gar kokres glan o Debleste, ninna glan i menshende.

5. Mose 25:8

Palle denn i phoureder ko forestar les gole oun rakrenn leha. Oun yob te penell pale Me kamau gar te romedinerap lat,

Filiparja 4:8

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

Ruth 2:20

Kote penas i Naomi ap i Ruth: “O baro Devel mou čivell peskri barht ap leste! O baro Devel tserdas peskro lačepen gar pale, – gar i djidendar, vitar gar i moulendar.” Oun pale penas i Naomi ap late: “Tou hounte djiness, ko morsh hi yek mare menshendar. Yob hi yek kolendar, kay pal maro čačepen menge ap i rig hounte venn.”

Ruth 3:12

Oun touke hi čačo, te hom me yek tire menshendar, kay touke koy hounte vell. Ninna te hi yaake, djiness, te dell i vavar morsh mire menshendar, – kova vell glan mande.

Ruth 3:9

Oun yob poučas: “Koon hal tou?” Oun yoy penas: “Me hom i Ruth, tiri boudepaskretsa. Le tiri baya oun čake man! Tou hal miro romeskre menshendar, kay man pal t'maro čačepen hounte romedinerell.”