Ruth 4:15 - O Debleskro Lab 2024 (Sinte-Manouche)

¹⁵ Oun yob krell tiro djipen barhteles, oun dell yak, te djal touke mishto, te veh phouro. Tiro čaveskri romni, kay tout peskro tselo djiyeha kamell, anas les ap i phoub. Koya hi touke boudeder moldo har efta čave.”

O Debleskro Drom 2021 (Sinte)

¹⁵ Un job krell tiro djipen bachteles, un dell jak, te djal tuke mishto, te weh phuro. Tiro tchaweskri romni, kai tut peskro tselo djijeha kamell, anas les ap i phub. Koja hi tuke budeder moldo har efta tchawe.”

Ruth 4:15 Iomraidhean Croise

1. Mose 45:11

Oun me dau tout halauter, hoy tout hounte vell djipaske. Yaake te vess gar čorvelo, tou oun tiri familya oun lauter hoy tout hi. Panč bersha hi glan mende, kay hi i menshen či te rhal.

1. Mose 47:12

Ninna maro das yob peskro dadeste oun peskre phralende lengre familyentsa, yaake boud, kay hakenes doha his.

Debleskri gili 55:22

Leskro rakepen hi goudlo har gvin. An leskro dji kamell le o kourepen. Leskre laba hi har djet, oun činenn har rhare.

Gosewe laba 18:24

Dell mala, kay anenn tout an i bibarht. I čačo maal rikrell boudeder ap toute har i phraal.

Jesaja 46:4

Ninna te van t'mer phouro, ačau me kova, kay homs; ninna te lan t'mer parne balla, rikrau t'men. Me hom, kay krom t'men. Oun me rikrau t'men, oun hidjrau t'men, oun lau t'men dran o čilačepen vin.

Ruth 4:16

Oun i Naomi las ko ternepen, oun čivas les ap peskre herya oun das ap leste yak.

1. Samuel 1:8

O Elkana, lakro rom, penas ap late: “Hanna, hoske roveh tou? Oun hoske rhah tou či? Oun hoske hi tiro dji yaake phares? Hom me touke gar boudeder moldo har deesh morsh čave?”

1. Samuel 2:5

Kolla, kay bravelo his, hounte boudrenn kanna, te lenn le maro. Oun kolla, kay bokan, kolen hi kanna doha te rhal. Koya, kay nay las kek čave, koya las efta. Oun koya, kolat boud čave his, kolake ačell gar yek.