Ruth 4:11 - O Debleskro Lab 2024 (Sinte-Manouche)

¹¹ Oun i tsele morsha oun phoureder, kay pash o foreskro voudar his, penan: “Mer dikam kova oun djinah, yaake hi kova. O baro Devel krell, te vell koy djouvel, kay an tiro kheer veh, har i Rachel oun har i Lea. Kol douy djouvyendar vas o tselo kheer Israel. Oun tou vess bravelo mank tire menshende Efrat, oun tiro lab vell sharedo an o foro Betlehem!

O Debleskro Drom 2021 (Sinte)

¹¹ Un i tsele mursha un phureder, kai pash o foreskro wudar his, penan: “Mer dikam kowa un djinah, jaake hi kowa. O baro Dewel krell, te well koi djuwel, kai an tiro kheer weh, har i Rachel un har i Lea. Kol dui djuwjendar was o tselo kheer Israel. Un tu wess brawelo mank tire menshende Efrat, un tiro lab well sharedo an o foro Betlehem!

Ruth 4:11 Iomraidhean Croise

1. Mose 23:10

O Hetari Efron his mank peskre menshende beshdo. Oun yob penas ap o Abrahameste glan kolende, kay pashel his, glan hakeneste, kay an o baro voudar o forestar his:

1. Mose 24:60

Oun yon rakran i barht pral late vin oun penan: “Tou, mari pheen, toutar te venna boud zerya menshe: zerya kope deesh-zerya! Mou venn tire čave ray pral kolende, kay kourenn pen lentsa, te lenn le kolengre forya krik!”

1. Mose 29:16

O Labanes his douy ča. Koy phoureder kharas Lea, koy terneder Rachel.

1. Mose 29:25

Taysarlakro dikas o Yakob, kay yoy his i Lea. Koy penas lo ap o Laban: “Hoske kral kova? Boudrom touke, te lap i Rachel. Hoske rhorhral man tou?”

1. Mose 29:32

Oun i Lea vas an vavar koova oun anas i čaves ap i phoub. Koles das yoy ko lab Ruben oun penas: “O baro Devel dikas miri bibarht. Čačepah, kanna kamell man miro rom.”

1. Mose 35:23

I čave, kolen i Lea ap i phoub anas his o Ruben, ko phoureder čavo o Yakobestar. Pal leste vas o Simeon, o Levi, o Youda, o Issakar oun o Zabulon.

1. Mose 35:24

I čave, kolen i Rachel ap i phoub anas his o Yosef oun o Benyamin.

1. Rajengro liil 21:8

Palle činas yoy lila an o Ahabeskro lab, čivas i sikepen koy pre, hoy sikras, te van kal lila o Ahabestar, oun bičras len ap i phourende oun pralstunende, kay khetne o Naboteha an o foro Yesreel djivan.

Debleskri gili 132:6

Har hams an Efrata, shounam kay o sonakaskro morhton hi, ko sikepen, kay o Devel khere hi. Kova hatsam mer pash o foro Yaar.

Gosewe laba 14:1

I gosevi djouvel krell, te vell lakro kheer zoreles tardo. I dineli djouvel phagell les peskre vastentsa tele.

Gosewe laba 31:23

Lakro rom hi an-diklo an o foro, te rakrell lo pes tele i phourentsa.

Jeremia 32:10

Oun me činom i ginepaskro liil, oun činom les yek kopo tele. Oun ko yek liil pandom, oun čivom miro sikepen koy pre, oun lom mange morshen pashel, kay dikan halauter, oun čivom kol love ap i vaga, te vell kova lauter pal o čačepen kerdo. Oun me lom ko pandlo ginepaskro liil, oun ko liil, hoy gar pandlo hi,

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Mateo 2:6

Tou, o foro Betlehem, hoy an o them Youdea čiddo hi, tout hi i baro lab mashkral i tsele forya an o them Youdea. Dran toute vella ko baro ray, kay ap mire menshende, o Israel, garda della, yaake har i bakrengro ray garda della ap peskre bakre.”

5. Mose 25:7

Te kamell ko phraal koy djouvyat gar te romedinerell, palle djal li pash i phoureder morshende an o foro, oun penell ap lende: O phraal miro romestar, kay meras, kamell man gar te romedinerell, yaake te merell o lab miro romestar an i Israel gar vin.

5. Mose 25:9

palle stakrell koy djouvel glan leste, oun glan i yaka kol phoureder morshendar rivell li leske yek kirrha vin. Oun čoungrell leske an o mouy, oun penell: “Yaake hounte vell kerdo ko morsheske, kay kamell gar peskro phraleste i čaves te dell.”

Ruth 1:2

Leskro lab his Elimelek. Oun leskri romni kharas Naomi. Oun leskre douy čave kharan Malon oun Kilyon. Oun yon his dran i familya Efrat dran Betlehem an o them Youda. Oun yon van an o them Moab oun ačan koy.